Apocalipsis 21:19 - Buglere

¹⁹ Kechuga gbataboko giti gbaboke kledu gbaba dba una gerella kira gbagda, kechuga e giti kechuga soli na tanre no ñanaske kledu gbaba, kechuga soli e ulita gwadenga no. Kechuga kweri gbataboko giti gbaboke gbaite gbaite kledu gbaba ene: Kechuga gbaite gbaba ngeru kada jaspe, kechuga e gwadenga chi oña kare. Kechuga na gbabokedale kada zafiro gbaba, kechuga e gwadenga lenrenre no. Kechuga na gbamaidale kada ágata gbaba, kechuga e chada gwadenga no tanre. Kechuga na gbabagadale kada esmeralda gbaba, kechuga e gwadenga lerere no.

Apocalipsis 21:19 Referans Kwoze

Apocalipsis 4:3

Kwian cha gwagedudi toiba dba ama chegu cha gwage gwadenga noare salengwli kechuga gwadenga no ñanaske ka jwankle jaspe kare kaire salengwli kechuga dabere no ñanaske ka jwankle cornalina kle gwadenga no kare. Kwian e toigdalla nodi tangle cha gwagedu kebita manedi chratigenga no trate kechuga lerere ka jwankle esmeralda chra gwadenga kare.

Apocalipsis 21:11

Una e gwadedunga no Chube chrallaske, una e chralla kledu salengwli kechuga no kada jaspe chralla kle gwadenga no chi oña kare.