Apocalipsis 18:20 - Buglere

²⁰ Chube ji gbu kweri kwian toinga una Babiloniage giti kwian e agedu me no kwian Chubenu dollale gdale, malen e giti kwian ulita kle toi nga ngaña giti Chube ole kwian Jesucristo gerua ganga ulita, kwian ulita Jesucristo gerua ketanga dabage, kwian ulita Chube gerua ketanga, ama ulitadi nga sugadale no Chube agedu kwian una Babiloniamu ole giti. Chube kwian ulita amanu jia junnga kwian una Babiloniamuge.

Apocalipsis 18:20 Referans Kwoze

Apocalipsis 6:10

Ama ulita ngautu kweri kira giti ene: “Chube, ba cha ulita Chugagwalla, ba kweri trate agenga no ulita, ba diali kle gerule ulia, ba kle age ulita ba kle gerule kare. Cha ulita geru kade bage, ¿ngamangire ba be kwian ulita nga dba giti cha bo daga ngwale cha guda gbe ji chuge cha gdale? ¿Ngaminegire ba be cha jia jwennga kwiange? ¿Mineade ba me ama gbe ji chuge nege ama agedu giti? ¿Mineade ba kle manade tanre?” Kwian Chubenu guleda oña ulita gerudu ene Chube ole.

Apocalipsis 12:12

Nga ngaña giti lle ulita kaire kwian ulita mangire batre kle toi nga ege Chube ole, ba ulita nga dbadale suga no ba ulita ñage kirachke che dolladi giti. Agwa ba ulita mangire batre kle toi nga dba giti kaire lle ulita kle toi bleske, ba ulita be olire tanre ba be boi daga ngwale giti. Che dolla chku age me no ba ole nga dba giti, uñale amage chui jo tigenga ulita amage ama tkabe skage gire, malen e giti ama skochie tanre tirare ama agekalin me no ulita.” Geru sugedu chage ene ulita.

Judas 1:17

Kwian daba tkanga tangle geru ngwalege kle age ene baske talla me no ole, agwa ba ulita me kle age ene. Ba ulita muire onbre cha bitalla Jesucristo giti, cha no no ba ulita ole, ba tachkedale cha ulita kwian che Chugagwalla Jesucristo gerua ketanga gerudu giti,

2 Pedro 3:2

Unsuialin kwian tanre Chube gerua ketanga gerudu trate Jesucristo be boi giti, ba geru e ulita uñe, cha takalin ba ulita tachke geru e giti. Kaire cha takalin ba ulita tachke geru giti kwian Jesucristo gerua ketanga ba tku tangle ama geru Jesucristonu ketu bage kare, Jesucristo che Chugagwalla che jwannga siere ama ulita gbu geru ulia ama giti kete kwiange, ba mo ta gbale diali chege geru uliadi, ene ba mi mo ta blite.

Efesios 4:11

Cristo kle ta kete kwian Chubenu gdaite gdaitege lle boi no kaire kaire Chube takalin kare, Cristo ta kete kwian gwealege Jesucristo gerua kete dabage, Cristo ta kete kwian na gwealege Chube gerua kete dabage Chube Oña kle geru kete amage kare, Cristo ta kete kwian na gwealege geru no Cristo giti trage kwian me Cristo gerua uñe ole, Cristo amaña ta kete kwian na gwealege daba Cristo gerua ganga ulita manade Chube geruadi kaire daba tke tangle Cristo gerua giti.

Efesios 2:20

Che ulita Chubenu salengwli ke ulla gbaite gbakle kare. Chube Jesucristo kagu nga dba ai giti ke gbaite kweri ma no trate gbakle ngeru kare. Gire Chube kwian gweale gbu Jesucristo gerua ketangale dabage, kwian e ulita Jesucristo gerua ketanga dabage chege salengwli ke ulita gbakle ke gbaite kweri no jegwale ulita dba tangle gerere kare. Che ulita bai kle Jesucristo gerua gai ulia nege tangle che chege salengwli ke na tanre gbakle ke ulita gbakle ngeru giti tangle kare. Gire ene che ulita chege kwaitre alin ke ulla kle chege gbaba ulita no kare.

Efesios 3:5

Geru Cristo giti me kledu uñale kwian israelita enusulian oña unsuialin tanglege, agwa nege tangle Chube kwian ulita Chube gerua ketanga kaire kwian Jesucristo gerua ketanga ta gbu geru e gbe chke uñale kwian ulitage mo Oña kiralla giti.

Apocalipsis 18:6

Kaire cha geru keruchugu gerule dare gerule lle boanga Chube alin kwian gbanga ji chuge ole, gerudre ene: “Ba agedale kwian una Babiloniamu ole ama agedu kwian na tanre ole kare. Ba ama gbadale boi daga ngwale bitaboke tangle ma ngle tira ama agedu daba olege. Ba lle gage tugenga moske bitaboke tangle ma tirare ama lle gage tugunga kwian na alin jadalege.