1 Juan 5:20 - Buglere

²⁰ Che ulitage uñale trate Jesucristo Chube Kirolla chiu nga dba ai giti che alin, ama che ta gbu suge trate Chube mine, Jesucristo giti che Chube ulia uñe, Jesucristo giti suge trate chege Chube e Chube ulia. Chube Kirolla Jesucristo giti che Chubenu kaire che Jesucristonu, Jesucristo giti che be toi diali chui tangle Chube ole Jesucristo ole nga ngaña giti.

1 Juan 5:20 Referans Kwoze

Juan 17:3

Kwian ba gadale Chube gdaitre alin ulia, kaire kwian cha gadale ulia ba Kirolla Jesucristo, ba cha kagu nga dba ai giti, kwian cha uñe ene kaire kwian ba uñe, e giti kwian toi diali chui tangle.

Lucas 24:45

Jesu ama ulita ta gbu ene, gire ama ulita tachku Jesu gerudu ngeru ama ole giti, ene Chube gerua degaba unsuialin Jesu giti sugedu ama ulitage.

Juan 14:9

Jesu gerudu Felipe ole: —Felipe, sbali cha kle chage ba ole cha kle ba ulitaske, ¿gire ba bebi cha uñe ulia cha chema? Kwian bai kle gwage chadi me kle gwage chadi alin, kle gwage cha Ñenuadi kaire. ¿Mineade ba kle geru kade cha mo Ñenua kaitadale bage?

1 Timoteo 3:16

Ulia Chube geru noare ketu chege, geru e kweri che alin, geru e gerule Jesucristo giti: Jesucristo chku nga dba ai giti kwian kare. Chube Oña giti chku uñale kwiange Jesucristo agedu no trate ulita nga dba ai giti. Lle boanga Chube alin nga ngaña giti gwagedu Jesucristodi age no ulita. Geru Jesucristo giti no chagedu nga ulitage, kwian nga ulitage geru e keruchugu, kwian nga ulitage gweale geru Jesucristo giti gau ulia. Chube Jesucristo duni nga ngaña giti, Chube Jesucristo gbuni Chube kle ngwadi. Ulia geru e noare, geru ulia, kwian Chubenu ulita geru e manadale no.

1 Juan 5:1

Kwian ulita bai kaire mo ta gbe Jesucristo gai ulia, suge kwian enege ulia Jesucristo Chube Kirolla Chube nu ama kagaba kwian ulita jwanngale siere ji chugege age me no gdale, kwian ene Chube olia. Kwian Chubenu ulita bai kaire mo ta dbe no Chube ole kwian ene kaire mo ta dbe no kwian na Chube olia ulita ole.

Juan 20:28

Tomás gerudu no Jesu ole: —¡Ba amaña ulia cha Chugagwalla, ba ulia cha Chubea!

Apocalipsis 3:7

Jesucristo gerudu dare cha ole: “Kaire ba chada dege kwian Chubenu chugagwalla daba mananga Chube geruadi una Filadelfiamu alin, ene ama ñage geru ai ulita kete kwian ulita Chubenu una emuge. Ba chada dege kwian alin cha kle gerule ai kare ama ole: ‘Cha Chube Kirolla cha kle age ulita diali cha kle gerule kare, cha gerule ulia diali, cha no trate ulita. Cha kwian ulita Chugagwalla kweri kwian chugagwalla unsuialin David kare agwa kaire cha chege ma kweri ma kiraske Davige. Cha gerule chema ñage toi Chube ole diali nga ngaña giti chema me ñage toi Chube ole, e salengwli kwian u mauña kle kwian kade gwa kare o kaire kle kwian chuge ngwadi sugekare goga kare, cha ñage age ulita cha takalin kare. Cha amaña kle gerule ba kwian ulita kle mo lite Chube geruadi una Filadelfiage ole, cha gerule:

1 Juan 4:16

Chube Oña giti Chube che ta gbe chke suge trate ulia Chube no che ole. Chube ta dbe no diali kwian ulita ole, kwian bai kaire toi Chube talla giti no daba na ole, kwian ene kle toi Chube talla ole Chube kle toi ama tale, kwian ene Chubenu.

Romanos 9:5

Kwian israelita ulita enusulian kada Abraham kada Isaac kada Jacob oindalla, ama ulitaske Cristo chiu, Cristo Chube Kirolla, Cristo amaña Chube, ama kweri, ama lle ulita nga ulita kwian ulita Chugagwalla, kwian ulita gerudale no ama giti diali, ene no no gerule no ama giti.

Juan 10:30

Cha Ñenua talla kle cha ole, cha talla kle cha Ñenua ole, cha Ñenua cha ole gdaitre alin.

1 Juan 4:2

Ba kwian ulita ta chugaleda ama kle chage geru Chube giti ulia trate dbe Chube Oña kirallaske o me, ba kwian ta chugaleda ene: Kwian bai kaire gerule ulia Chube Kirolla Jesucristo chku nga dba ai giti kwian kare, kwian ene ulia kle gerule Chube talla giti, Chube Oña kle kwian ene tale.

1 Juan 2:6

Kwian bai kaire gerule ama ta kle ule Chube ole ama Chubenu, kwian ene mo ta gbale chage no trate toi nga dba ai giti Jesucristo toidu trate no kwianske nga dba ai giti kare.

Hebreos 1:8

Agwa mo Kirolla Jesucristo ole Chube gerudu ai kare: “Ba Chube salengwli cha amaña Chube kare, ba be chege kwian Chugagwalla kweri diali dale alin, ba kle age ulita no trate kwian ole, diali ba kle age ulita ba kle gerule kare.

Tito 2:13

Che mo ta gbadale age ene no trate Jesucristo chieni chuia manade. Uñale chege Jesucristo be chieni ama gerudu kare, malen che kledale nga suga noare ole ama chieni chuia manade. Ama be chieni mo kirallaske, be chieni mo chrallaske, ama che Chubea kweri ama che jwannga siere ji chugege age me no gdale.

Hechos 20:28

Ba agali kwian Chubenu chugagwalla ulita chagedale ta giti, kaire ba kwian Chubenu na ulita manadale no ta giti. Chube Oña ba gau ba gbu kwian Chubenu manade, malen ba mo ta gbadale kwian Chubenu ulita manade no Chube gerua Jesu gitidi. Jesu jokeda giti kwian Jesu gau ulia kwian ene ulita Chubenu ba manadale no Chube geruadi.

Juan 17:14

Kwian ai ulita kle chage cha ole, cha geru banu ketu kwian ai ulitage ba gerua gerule kare, ama kle chage cha geru banu ketu gerule kare, ama kle chage cha chage kare kwian ulitaske me kwian me chanu kle chage kare, e giti kwian me chanu jainchke amadi kwian jainchke chadi kare.

Apocalipsis 19:11

Gire cha gwagedu nga ngañadi nga kledu degabanga gire ja jutre gdaite kledu ne ngwadi, kwian kledu chage ja e giti kwian e ka gbere KWIAN GERUNGA ULIA NO TRATE, kaire ama ka gbere KWIAN AGENGA ULITA AMA KLE GERULE KARE. Ama chegu kwian ulita Chugagwalla no, ama kledu age mangire batre kwian ole kwian kle age giti no o me no. Ama kledu kira bate kwian ulita ole kwian bai kaire mo tku dole Chube ole.

Apocalipsis 15:3

Ama ulita Bda Cordero gerua ganga kledu mo gate no Chube giti Chube ama jun siere ama dollage giti salengwli kwian unsuialin tangle Chube gerua Moisés nu degaba ganga mo gatu no Chube giti Chube ama jun siere ama dollage giti kare, ama ulita kledu mo gate no Chube alin ai kare: “Chube, ba cha ulita Chugagwalla kweri, ulia ba noare ba kweri ba kiraske ba agenga no diali, ba kle age ulita ba kle gerule kare, ba ulia no, cha gerule no ba giti diali.

Apocalipsis 6:10

Ama ulita ngautu kweri kira giti ene: “Chube, ba cha ulita Chugagwalla, ba kweri trate agenga no ulita, ba diali kle gerule ulia, ba kle age ulita ba kle gerule kare. Cha ulita geru kade bage, ¿ngamangire ba be kwian ulita nga dba giti cha bo daga ngwale cha guda gbe ji chuge cha gdale? ¿Ngaminegire ba be cha jia jwennga kwiange? ¿Mineade ba me ama gbe ji chuge nege ama agedu giti? ¿Mineade ba kle manade tanre?” Kwian Chubenu guleda oña ulita gerudu ene Chube ole.

Apocalipsis 3:14

Jesucristo gerudu dare cha ole: “Kaire ba chada dege kwian Chubenu chugagwalla daba mananga Chube geruadi una Laodiceamu alin, ene ama ñage geru ai ulita kete kwian ulita Chubenu una emuge. Ba chada dege kwian alin cha kle gerule ai kare ama ole: ‘Cha Jesucristo gerunga diali ulia cha me geru blite gire age nganake, cha diali geru ulia kete kwiange cha Ñenua Chube giti, kaire lle ulita Chube dodadu gwangeabi unsuialin tangle, cha lle e ulita Chugagwalla. Cha amaña kle gerule ba ulita kle mo lite Chube geruadi una Laodiceage ole,

1 Juan 4:14

Cha ulita gwagedu mo gwagwa giti Jesucristodi nga dba ai giti, cha chagedu ama ole ule, cha ulitage sugedu trate Chube Jesucristo Ñenua Chube ama kagu nga dba ai giti kwian ulita jwanngale siere ji chugege age me no gdale, ene kwian ñage toi Chube ole.

Filipenses 3:9

ama kle chage ule cha ole diali. Ngeru cha tañachugu Moisés nu Chube gerua degaba unsuialin e alin gai dage gire cha agedu me no Chube talla mliunga. Me ene dale. Cha Cristo gau ulia, ene Cristo giti cha agedu me no ulita Chube talla mliunga, ene Chube gwage chadi cha no.

2 Corintios 4:6

Unsuialin nga ulita kledu nga jereske gire Chube nga gwangea dodadu, Chube nga chra gbu gire nga jere chegu sugekare nga chrage, nga chra chegu sugekare nga jerege. Chube e amaña Jesucristo kagu nga dba ai giti chage kwianske kwian ta gbe Chube uñe, kwian me Chube uñe kle chage nga jereske kare, Jesucristo kwian ta gbe suge salengwli jichra kwian gbe ten nga jereske kare, Jesucristo giti che Chube uñe, Jesucristo giti suge trate chege Chube noare kweri.

Juan 15:4

Ba mo ta gbadale diali chege cha gai ulia, ba ta chegedale ule cha ole cha ta ba ole kare. Uvananga sugekare uva girage me ñage gbachie, ene kaire ba ulita ta chege sugekare chage ba ulita agali me ñage age no cha Ñenua takalin kare.

Juan 14:23

Jesu jaindunga: —Kwian bai kaire no cha ole be cha gerua gbe gdadi be age ulita cha gerule kare, cha Ñenua be no kwian ene ole, cha Ñenua ule cha ole be chieni toi kwian ene tale diali.

Juan 14:20

Cha Ñenua be mo Oña kage ba alin chuiallage, chui ege be suge trate ba ulitage cha kle cha Ñenua ole, ba ulita kle cha ole, cha kle ba ulita ole.

Juan 14:6

Jesu jaindunga: —Cha agali jonkare kwian ulita alin, cha giti alin allabi kwian ñage joge chke cha Ñenua ngwadi, cha giti geru ulia cha Ñenua giti chke uñale kwiange, kaire cha giti kwian ñage toi diali chui tangle cha Ñenua ole.

Juan 1:18

Ni kwian gdaite nu gwageba Chubedi, Chube Kirolla alin giti kwian Chube uñe, Chube Kirolla gdaitre alin ama kaire Chube, ama talla kle ule diali mo Ñenua ole.

Lucas 21:15

ba kle eni kwian e gwa giti gire chui ege cha be ba ta gbe ngle, cha be ba ta gbe gerule no no, kwian ba dollale be ba keruchuge gire ni ama gdaite be ñage gerule me no ba kalen, ama mi ñage gerule dare me no ba giti ba gbale jiske.

Mateo 13:11

Jesu jaindunga: —Ba ulita kle cha gerua gai ulia malen Chube kle ba ta gbe chke cha kle gerule giti, ene geru e giti kle suge trate bage kwian bai kaire cha gai ulia mo Chugagwallale kwian ene chege no trate Chube gwa giti. Kwian na me kle cha gerua gai ulia, ama alin cha kle geru ñachuge, kwian geru e keruchuge agwa geru e ulita skwen mnoare amage, geru e me suge amage dale.

1 Juan 2:24

Malen cha gerule ba ole, ba geru ulia ba nu keruchugababi gwangea ogadale no mo tale, ba tañachugadale geru e giti diali. Geru ulia ba keruchugubi gwangeabi kle ba tale diali, gire ene ba ta be chege ule Chube Kirolla Jesucristo ole kaire Jesucristo Ñenua Chube ole.

Efesios 3:18

malen cha gerule ba ole Chube, ba ama ta gbe kaire ba kwian na ulita nu Cristo gaba ulia ta gbe suge trate ulia mo tale Cristo no no ama ole chui tangle diali.

2 Corintios 5:17

Ene kaire kwian Cristo gai ulia kwian ene kwian jagere kare, kwian ene tañachuge nganake tañachugu ngeruge, ta agekalin nganake agedu ngeruge, kwian ene ta suge nganake ulita jagere.

1 Corintios 1:30

Chube agali che ulita gau che ta gbu Jesucristo gai ulia, ene che talla chege diali Jesucristo ole. Jesucristo giti Chube che ta gbe ngle, kaire Jesucristo giti Chube che jun siere ji chugege che agedu me no gdale, Jesucristo giti che chege trate Chube gwage, Jesucristo giti che kle biale joge toi Chube ole bdagli.

Juan 17:25

Cha Ñenua, ba no trate, cha gerule ba ole, kwian me banu me ba uñe, me uñale ama ulitage ba mine, agwa cha ba uñe, kaire kwian ai ba ta gbu chage cha ole, amage uñale ba cha kagu,

Juan 8:42

Jesu gerudu: —Ulia Chube ba ulita ñenua ba kle gerule kare, ene ba ulita mo ta dbadale no cha ole cha gai dage, agwa ba ulita me kle mo ta dbe no ene cha ole. Cha chiu ulia Chube ngwadi, cha kle aini ba ulitaske, cha me chiu mo ta giti agali, agwa Chube cha kagu nga dba ai giti.

1 Juan 2:23

Kwian bai kaire me Chube Kirolla Jesucristo gai ulia kwian e me Jesucristo Ñenua Chube gai ulia kaire, agwa kwian bai kaire gerule no kwian na gwa giti ama Jesucristo gerua ganga ulia, kwian ene ulia Jesucristonu kaire kwian ene Chubenu.

1 Juan 5:5

Ulia cha gerule ba ole, kwian ulita bai kaire kle mo ta gbe Jesucristo gai ulia Chube Kirollale, kwian ene kirachke che dolla Satanádi Chube kiralla giti, kwian ene chege kiraske toi no trate Chube takalin kare kwian me Chubenu gwa giti.

1 Juan 5:15

Uñale chege Chube kle che keruchuge che kle gerule ama ole gire, kaire ene agwe uñale chege Chube klebi age no che alin lle bai ulita che kle kade amage giti.

1 Juan 5:18

Uñale chage kwian mo ta gbaba Chube gai ulia kwian ene me mo ta gbe age me no Chube dollale, Chube Kirolla Jesucristo kwian ene ta manade no ama kle kwian ene kira gbe diali malen che dolla Satanás me ñage age me no kwian ene ole kirachke kwiandi, Chube ma kiraske che dolla Satanáge.