1 Juan 3:3 - Buglere

³ Che ulita bai kaire kle mo ta gbebi biale Jesucristo chieni chuia manade ngwange, che kle mo ta gbe toi no trate salengwli Jesucristo no trate kare.

1 Juan 3:3 Referans Kwoze

2 Corintios 7:1

Cha bitalla Cristo giti, cha no no ba ulita ole, cha gerule ba ulita ole ulia Chube age ene ulita che alin ama gerudu kare, malen che ulita Chubenu mo ta gbadale chege sugekare age me no ulitage tañachuge me no ulitage, che mo ta gbadale Chube gai dage, ene che be age ma no tañachuge ma no trate diali Chube takalin kare.

1 Juan 2:6

Kwian bai kaire gerule ama ta kle ule Chube ole ama Chubenu, kwian ene mo ta gbale chage no trate toi nga dba ai giti Jesucristo toidu trate no kwianske nga dba ai giti kare.

2 Pedro 3:14

Cha no no ba ulita ole malen cha takalin ba ulita mo ta gbe toi no diali Chube takalin kare ba kle Jesucristo chieni chuia manade gire, ba mo ta gbe age no ene diali, Jesucristo chieni chuia chke gire ba be kle biale ama gai ngwange no ta no trate ole, ba ta be kle no Chube ole, ba me skatedale kwachie amage ta me no ole age me no.

Mateo 5:48

Ba mo ta dbadale no kwian ulita ole kwian bai no ba ole kaire kwian bai me no ba ole, kwian e ulita ole ba mo ta dbadale no diali. Ba agedale no ulita Chube kle age kare, Chube no kwian ulita ole, kaire ba nodale kwian ulita ole.

Hebreos 12:14

Ba ulita Chubenu, ba mo ta gbadale diali no daba na ulita ole me kira bate ongoru ongoru mo ole, ba mo ta gbadale joge siere age me noge ene ba toi no no trate Chube gwa giti. Agwa kwian me mo ta gbe joge siere age me noge mo ta gbe age no trate Chube takalin kare, ama me ñage toi ule Chugagwalla Chube ole nga ngaña giti diali chui tangle.

Hebreos 7:26

Ulia Jesucristo ma no kwian gerunga Chube ole daba alin na ulitage, Jesucristo che chudaboanga lle ulita giti diali. Chube gwa giti Jesucristo no trate diali, ama me agenga me no, ama me jiske Chube gwa giti ni sidri. Chube ama jun siere sugekare kwian agenga me noge nga dba ai giti, Chube ama gbuni kweri kwian Chugagwallale ule Chube ole nga ngaña giti.

Colosenses 1:5

Nge jondege ba geru ulia Jesucristo giti keruchugu, geru e sugedu bage ba geru e gau ulia, e giti ba be tien gitiru ji chugege agedu me no gdale kaire ba ñage toi no diali chui tangle nga ngaña giti Chube ole. Ba geru e no gau ulia mo tale, geru e ba ta gbe suge bdagli nga ngaña giti Chube be age no ba alin, malen e giti ba ta dbe no diali daba na Chubenu ole kaire ba kle mo ta gbe ulia ulia geru no Jesucristo giti gai ulia gwangerugu.

Hechos 15:9

Che chudalla israelita kaire kwian na chudalla me israelita, Chube gwage che ulita salengwli. Kwian me israelita Jesu gerua gau ulia gire Chube ama ta blitu Chube che ta blitu kare.

Tito 3:7

Chube mo ta giti agedu no che alin, Chube che jun siere ji chugege age me no gdale, ene Chube gwage chedi che no trate me jiske, kaire bdagli che be toi diali ule Chube ole chui tangle, che kle chui e manade.

2 Pedro 1:4

Jesucristo giti Chube kle age no no tanre che ulita amanu alin Chube gerudu kare unsuialin, ene Jesucristo giti che ñage joge siere talla ulita age me noge nga dba ai giti, ene che talla chege salengwli Chube talla kare, talla ene giti che age no trate Chube takalin kare.

Lucas 6:36

Chube tai dage kwian ulitage, ene kaire ba taidale dage no kwian ulitage Chube kle age kare.

1 Juan 4:17

Jesucristo Chube Kirolla toidu nga dba ai giti ama mo ta gbu no kwian ulita ole, ene kaire che Chube olia mo ta gbale chege nege tangle toi no kwian ole Jesucristo toidu kare. Ene chui bdaglige ji chuge chuia be chke che me ta dbadale kennga Chube ngeru che ta me sugedale moge jiske Chube gwa giti che agedu me no giti gdale.

Hebreos 6:18

Ulia ulia ni bitaite Chube ñage gerule ngwale sole. Chube kle gerule Chube be age gweale kwian alin gire Chube kle age ulita Chube kle gerule kare, Chube kle gerule mo kiralla giti geru gbe egdage kwian ole gire ama me kle geru blite dale ama kle age ulita ama kle geru gbe egdage kare. Geru ai giti che bai Chube gaba mo manangale ñage mo ta gbe nga suga no ole, geru no Chube nu gbaba che alin giti, suge trate chege Chube be age ulita che alin ama gerule kare, ulia Chube me sole ni sidri.

2 Tesalonicenses 2:16

Che Ñenua Chube ama noare che ole, diali ama kle age no che alin, Chube che ta gbe, ene uñale chege Chube be che manade chui diali dale alin be age no che alin Jesucristo giti ama gerudu be age kare. Cha takalin Chube che Ñenua ule Jesucristo che Chugagwalla ole ba ulita ta gbe dare nga suga no ole ba kle boi daga ngwale Chube gerua gdale giti. Kaire cha takalin Chube ba kira gbe me kennga gerule no ulita Jesucristo giti kwian na ole age no ulita daba na alin Chube takalin kare.

Romanos 15:12

Chube kwian jwannga siere kagu kwian israelita alin agwa kaire kwian me israelita alin, Chube kwian jwannga siere kagu, Isaías nu Chube gerua degaba unsuialin gerule e giti, chada e gerule: “Isaí oindalla giti kwian jwannga siere gdaite be chie, ama be chege kwian me israelita Chugagwalla, ama giti kwian me israelita be ñage Chube uñe be Chube gai mo jwanngale siere.”

Juan 17:19

Cha mo ta gbu lle boi no ba alin diali ba takalin kare nga dba ai giti, ene cha giti kwian ai ba uñu, ama banu ulia, ene nege gwangerugu ama be mo ta gbe ulia lle boi ba alin diali cha lle bo ba alin kare.

Santiago 4:8

Ba mo ta gbadale diali Chube ole gerule diali Chube ole, ama be ba kira gbe toi no trate ama takalin kare. Ba bai kle age me no ba mo ta gbadale toi no ulita trate Chube takalin kare, ba kle age me no ba e chugale ngwadi salengwli ba kle mo ko sugaska glige jige trate kare. Ba bai takalin chege Chube ole agwa kaire chegekalin toi kwian me Chubenu agenga me no kare, ba ole cha gerule, ba mo ta blitadale Chube ole. Ba bai kaire kle mo ta gbe chege no Chube ole ba mo ta gbadale chege ma no trate ulita Chube ole toi Chube takalin kare.

1 Pedro 1:3

Che ulita gerudale no no Chube giti, Chube che Chugagwalla Jesucristo Ñenua, ngeru che chagedu age me no diali che kledu chage ta me no ole, che ene gire Chube taidu dage tanre chege, Chube Jesucristo kagu nga dba ai giti che alin, Jesucristo jokeda che agedu me no giti gire ama jaba chkuni gwade, e giti Chube che ta blitu ene che ta me nge kare, Chube che ta gbu no trate age no ama takalin kare. Nege Jesucristo giti che kle chui manade gire che be joge toi ule Jesucristo ole nga ngaña giti Chube kle ngwadi.

1 Pedro 1:15

ba me chagedale dare ba chagedu ngeru kare, ba mo ta gbadale toi no trate Chube gwa giti, Chube no trate ba gau mo alin ene ba kaire mo ta gbadale chage no trate Chube ole.