1 Juan 3:20 - Buglere

²⁰ Che tañachuge mo tale che jiske lle gweale giti Chube gwage, che suge moge ene agwa kaire agwe sugedale chege Chube kiraske ama diali che age me no talla mlienga che chudaboi kade amage gire, amage suge che ta mine ama ole, ama alinge allabi uñale che jiske che me jiske ama gwa giti, ama ñage che ta gbe suge moge me jiske ama gwa giti.

1 Juan 3:20 Referans Kwoze

Hebreos 4:13

Chube lle ulita dodadu uñale trate Chubege lle e ulita mine. Chube che ulita ta uñe trate, che me ñage mo ogeda tañachuge chegé sugekare Chubege me chke nate uñale Chubege che ta mine ni che kle age mine. Ulia lle ulita kwian ta ulita kle gbaba Chube gwa giti uñale, kaire lle ulita kle boi Chubege ulita uñale. Kaire chui bdaglige lle ulita che nu ageba giti Chube be gerule che ole giti, ulia ni lle gdaite kle chege ogabada sugekare Chubege, ulita ulita kle chke nate uñale Chubege.

1 Corintios 4:4

Cha tale cha suge cha me jiske cha kle lle boi no Chube alin, e me gerule Chube gwage cha kle age no trate, uñale chage che Chugagwalla Cristo alin allabi ñage gerule cha ole cha kle lle boi no Chube alin o cha me kle lle boi no, ama alinge uñale trate.

1 Juan 4:4

Ba ulita cha olia kare Jesucristo giti, ba ulita Chubenu ole cha gerule, Chube Oña kle ba tale, ama ma kiraske che dolla Satanáge malen ba kirachku kwian kle chage geru ngwale me ulia dbe Satanás kiralla gitidi. Che dolla Satanás kle kwian e tale ama me kiraske Chube Oña kare, malen kwian e me ñage ba anblite geru ngwaledi ama takalin kare.

Juan 21:17

Bitamaidale Jesu geru kadu Pedroge: —Simón, ba Juan kirolla, ¿ulia ba no no cha ole? Jesu geru amaña alin kadu bitamai Pedroge malen Pedro chegu tañachugu tanre ama ta olidu, Pedro gerudu Jesu ole: —Cha Chugagwalla, ulita uñale bage, ba cha ta uñe trate, uñale bage ulia cha no ba ole. Jesu gerudu Pedro ole: —Gire ba kwian chanu manade no no cha geruadi.

Tito 3:11

Ama me ba kerua gbe gdadi, ene chke uñale bage ama kwian me no, ama age ama takalin kare me age Chube gerua ulia gerule kare, ama kwian ene malen uñale bage ama be ji chuge bdagli age ene gdale.

Juan 8:9

Kwian muinga dbanga Jesu ngwadi Jesu keruchugu gerule ene ama ulita ole gire ama ulita mo gbu joge gdaite gdaite siere, sugedu ama ulitage me ñage age Jesu gerudu kare, juma ulita mo gbu joge ma ngeru bdale ulitage. Muinga dbanga ulita jo siere muingage, muinga alin chegu gballa Jesu ole.

Hebreos 6:13

Unsuialin tangle Chube gerudu che enusulian oña Abraham ole Chube be age no Abraham alin, mo kiralla giti Chube geru gbu egdage Abraham ole. Ulia Chube kweri kiraske no trate ñage age no ulita, malen Chube gerudu ulia ama be age no Abraham alin, geru chegu gbaba egdage gire ulia boidu Chube gerudu kare.

Hechos 5:33

Chugagwalla ulita Pedro keruchugu gerule ene gire ama ulita skochiu tanre Pedrodi kaire kwian na Jesu gerua ketangadi, tadu kwian Jesu gerua ketanga ulita gwakalinda.

Romanos 8:34

¿chema ñage che gbe ji chuge che agedu me no gdale? ¡Ni gdaite! Jesucristo jokeda che agedu me no ulita giti, chkuni gwade, joni nga ngaña giti Chube kle ngwadi, nege ama kle Chube ole Chube ko taingwli giti gerule Chube ole che giti.

1 Juan 3:19

Che age no daba alin che toi ulita Chube gerua kle gbaba kare che alin, gire ene chege suge che kle age Chube takalin kare che Chubenu ulia, kaire agwe chege suge che ta kle no trate Chube gwa giti me jiske Chubege.

1 Juan 3:21

Ba ulita cha bitalla Jesucristo giti, cha no ba ole, cha gerule ba ole, ulia che tale che me suge moge jiske lle gweale giti Chube gwa giti gire ene ulia che me mo ta dbalenga kennga gerule Chube ole, uñale chege che kle no trate ama gwa giti ama be che kerua gai ngwange no.