1 Corintios 13:3 - Buglere

³ Che lle monu ulita girabate kwian me lle molen ole, kaire che mo chuge ngwadi mo gugange gwade geru dbe giti kwian geru dollale kote, che kwian ene agwa che me no daba na ole che kle age ulita ngwale.

1 Corintios 13:3 Referans Kwoze

Juan 15:13

Kwian no no ulia mo skatemanalla ole, ama me takalin skatemanalla jogeda, ama mo chuge ngwadi jogeda agali mo skatemanalla giti. Mo ta gbe age ene mo skatemanalla giti e ulia ta dbe no no mo skatemanalla ole, agwa kwian me ñage mo ta dbe age ma no ege mo skatemanalla alin.

Mateo 23:5

Ama ulita ta lle boakalin ulita Chube alin kwian na gwa giti ene kwian na ñage gwage amadi kwian ñage gerule no ama giti. Chube gerua gweale degaba chada soli giti ama kle luge mo skadagdage kaire mo kligda jegwale kwian israelita kle age kare, agwa ama kle chada e dodade ma kweri kwian na ulita kle dodadege kle luge mo skadagdage kaire mo kligda jegwale, ene ama tañachuge kwian na ulita ñage ten chadadi no ñage gerule kwian e lle boanga no ulia Chube alin. Kaire ama kle ñometra no tke modi ama kle gerule Chube oleske dbe ma no jeike kwian na gwa giti, ene ama tañachuge kwian na ulita ñage gerule no ama giti ama kwian gerunga no Chube ole.

Lucas 18:28

Gire Pedro gerudu Jesu ole: —Cha ulita geru jwannga bage kle chage ba ole diali geru jwen bage, cha ulita mo llea ulita nga dba ai giti chugu ngwadi gire cha ulita mo ta gbu chage diali ba ole baini kaire ba kle joge ngwadi, cha ulita agedu ulita ba gerudu kare onbre lle molen tanre ole.

Hebreos 13:9

Ba me mo chugale ngwadi anblitange geru tanre ngwalege, ba mo ta gbadale kiraske Jesucristo gerua gai gwangerugu, ba me mo ta blitadale joge siere geru uliage. Chube no no che ole kaire ama kle age no diali che alin, malen che ñage kira gai amage toi no ulita ama takalin kare. Ma no che mo ta gbe kiraske tañachuge Jesucristo giti Chube agedu no che alin giti agwa me tañachuge age diali geru kledu gbaba unsuialin tangle che enusulian oña israelita alin bligda giti gerule kare. Geru e bligda giti chegu ngwale, age geru e kle gerule kare me kle che ta gbe trate Chube gwa giti, geru e giti che me kira gai toi no Chube takalin kare.

1 Timoteo 4:8

Che kolale, che jrite, ene che kwangitra jrite no kira giti. E ulita no che alin, agwa e sugeti alin. Kaire che mo ta gbadale tañachuge diali Chube gerua giti ta gbe age ulita ama takalin kare, ene che chege Chube kirallaske. E no che alin nege nga dba ai giti kaire chege che alin diali chui na ulita bdagli nga ngaña giti Chube ngwadi.

Juan 12:43

Kwian ene tañachugu ma no ama chege no mo salengwli ole me tañachuge chege no Chube ole giti.

Lucas 18:22

Jesu kwian keruchugu ene gire Jesu gerudu: —Noare ba kle age ene, agwa cha gerule ba ole, lle gdaite ba bebi age. Joga lle banu ulita chbade, igi ulita lle e ñanalla ba kete kwian me lle molenge. Ba age ene ulita gire ba chieni cha kle ngwadi ba mo ta gbe chage cha ole diali geru jwen chage. Gire ene ba be kle biale joge toi diali chui tangle Chube ole nga ngaña giti, Chube be age no ba alin ba agedu no ñanale.

Hechos 21:13

Pablo gerudu cha ulita ole: —¿Mineade ba ulita kle mo ta dbe olire cha giti? ¿Ba ta cha ta gbakalin olire kaire? Cha me kle tañachuge e giti, cha kle mo ta gbe biale me kennga kwian cha ko lugedi, kaire me ko luge giti alin cha mo ta gbe me kennga agwa kaire cha mo ta gbe biale mo gwangeda kwian una Jerusalénge Jesu gerua dbe giti, e giti cha me tallade —Pablo gerudu ene cha ulita ole.

Juan 13:37

Pedro gerudu dare Jesu ole: —Cha Chugagwalla, ¿mineade ba gerule cha ole cha me ñage joge ba ole nege? Cha kle biale joge ule ba ole baini kaire ba be joge ngwadi, kaire cha tale cha kle mo ta gbaba biale jogeda ba giti.

Juan 6:63

Cha gerudu ba ole cha me gerudu ba ulita cha jegwale gutadale ulia ene ba be toi diali chui tangle, me ene dale, ba ulita tañachugadale ba ta giti ba ta mine cha ole, ba cha gadale ulia mo tale, e alin allabi giti ba ulita ñage toi diali chui tangle cha Ñenua ole.

Lucas 19:8

Zaqueo jo chke gwa mo ullage Jesu ole gire gerudu Jesu ole: —Kwian chugagwalla, cha llea ulita bonga cha be kete kwian me lle molenge. Cha daba anblitu cha skwe bo daba ngeru, daba enege cha igi keteni naskuni na kwabaga giti dare.

Filipenses 2:3

Ba lle boi Chube alin me tañachuge mo giti: “Cha ma kweri daba nage, daba na gerudale no cha giti.” Ba me tañachugadale ene, ba tañachugadale nganake, ba daba na gadale ma kweri moge.