أيث-روما 14:8 - ثريفيث 2020

⁸ نشِّين مڒَا ندَّر، أَ ندَّر إِ سِيذِي أَربِّـي. مڒَا نمُّوْث، أَ نمّث إِ سِيذِي أَربِّـي. فَلِهَذَا، مڒَا ندَّر نِغ نمُّوْث نشِّين ن سِيذِي أَربِّـي.

أيث-روما 14:8 Referans Kwoze

أيث-فيليـپـي 1:20

تْرَاجِيغ س وُوْڒ ينُو نش تْمنِّيغ وَار تْسذْحِيغ شَا قَاع خ لْوَاجِب ينُو. لَّا، نش تْزعَّمغ ڒخُّو اَذ زعْمغ منْبَعْد بَاش س دَّات ينُو اَزَّايس يمْغَر لْمَسِيح وَاخَّا اَذ مّْثغ نِغ اَذ دَّرغ.

1 أيث-سلونيك 5:10

نتَّا يمُّوْث خَانغ بَاش أَ ندَّر اَكِذس وَاخَّا نشِّين نْفَاق نِغ نطّص ذݣ ونْضڒ.

1 أيث-كورينث 15:23

وَلَكِن كُڒ يجّن نُّوْبث نّس: لْمَسِيح نتَّا ذ ثَفدْجَاحْث ثَمزْوَارُوْت. خْمِي د غَا يعْقب نتَّا، أَذ د تَاس نُّوْبث ن يِنِّي يدْجَان زَّايس نتَّا.

ڒخذايم 21:13

ينَّا-ٱنغ: "مِين كنِّيو يُوْغِين؟ مَايمِّي إِي ذَايِي ثحْفَرم ذݣ وُوْڒ س يمطَّاون نْوم؟ نش اَقَايِي مُوْجُوْد مَاشِي اَذَايِي قّْنن وَاهَا. نش اَقَايِي مُوْجُوْد اَذ مّْثغ ذِي لْقُدْس عْلَاحْسَاب يسم ن سِيذِيثْنغ عِيْسَى!"

لواحي ن يوحنا 14:13

سْڒِيغ إِ يِجّن ن ثْمِيجَّا زݣ وجنَّا ثقَّار: "أَرِي مَانَايَا: سَّعْذ ن يمتِّينن إِي غَا يمّْثن سَّا اَڒ ثْسَاونْت ؤُمْنن زِي سِيذِيثْنغ." أَرُّوْح ن أَربِّـي يقَّار: "وَاه، حمَا اَذ ريّْحن زِي تَمَارَا نْسن ڒَاحقَّاش ذفَّارنْت-ثن لْحَسَانَات نْسن."

أيث-فيليـپـي 2:17

نش فَرّْحغ اَكِذْوم س يِجّن ن ڒفْرَاحث مَعْلِيش مڒَا فرّْغن-اَيِي-د وَاهَا اَم يِجّن ن صّذْقث ن يذَامّن خ دْبِيحث نْوم إِي تْقدَّامم كنِّيو س لْإِيمَان نْوم.

ڒخذايم 20:24

وَلَكِن وَار تِيشّغ بُو لْهِمَّا إِ ثُوْذَارْث ينُو. نش اَذ كمّْڒغ مِينْخف د ؤُسِيغ ذ ڒْخذْمث إِي زِّي ذَايِي يكلّف سِيذِيثْنغ عِيْسَى، يعْنِي اَذ شهْذغ خ لْإِنْجِيل ن اَرْضَا ن أَربِّـي.

أيث-فيليـپـي 2:30

مَايمِّي؟ تُوْغَا عْڒَاين يمُّوْث عْلَاحْسَاب ڒْخذْمث ن لْمَسِيح مِينْزِي يغَامَر س ثُوْذَارْث نّس وَامِي يرزُو اَذ يخْذم مِين وَار ثْزمَّرم شَا اَذ تْخذْمم كنِّيو زِي لْوَاجِب نْوم غَارِي.

ڒخذايم 13:36

لِأَنَّا دَاود ذِي زْمَان نّس وَامِي يكمّڒ مِين يخس أَربِّـي صَافِي يمُّوْث، ئِتْوَانْضڒ طَّارف إِ ڒجْذُوْذ نّس صَافِي يكِيشّو.

يوحنا 21:19

ينَّا مَانَاينِّي عِيْسَى حمَا اَذ يسْبيّن مَامش غَا يمّث بُطْرُس حمَا اَذ تْمظْهَار لْعَظَمَا ن أَربِّـي. وَامِي إِي ذَاس ينَّا مَانَاينِّي، ينَّا-ٱس: "ذْفَار-اَيِي-د.‍"

لوقا 20:38

نتَّا ذ أَربِّـي ن يِنِّي يدَّرن مَاشِي ن يِنِّي يمُّوثن، ڒَاحقَّاش نتَّا مَارَّا يوْذَان اَغَارس يڒِين دَّرن."