لواحي ن يوحنا 1:7 - ثريفيث 2020

⁷ أَقَا يُوْسَا-د اَك وسيْنُو، أَث ࢲرنْت مَارَّا ثِيطَّاوِين ذ يِوْذَان نِّي إِي ث يشُوْكّن. أَخَاس حزْنن مَارَّا ڒْقُوْم ن ثْمُوْرْث. وَاه، آمين.

لواحي ن يوحنا 1:7 Referans Kwoze

أَسڒْمذ ن سِيذِيثْنغ عِيْسَى لْكِتَاب ن مَتَّى 24:30

أُوْشَا اَذ تْمظْهَار لْعَلَامَا ن مِّيس ن بْنَاذم ذݣ وجنَّا، ڒخْدّنِّي إِي غَا حزْننْت مَارَّا ثِقبَّاڒ ن ثْمُوْرْث. أَذ ࢲرنْت مِّيس ن بْنَاذم يهوَّا-د ذݣ وسيْنُو ن وجنَّا س لْعَظَمَا ذ جّْهذ نّس يمْغَارن.

يوحنا 19:37

ثُوْسَا-د ذݣ يِجّن ن لْأَيَا نّغْنِي: <أَذ خْزَرن غَار ونِّي يتْوَاشُوْكّن.>

مرقس 14:62

ينَّا-ٱس عِيْسَى: "وَاه، ذ نّش. كنِّيو اَذ تࢲرم مِّيس ن بْنَاذم يقِّيم خ وفُوْسِي ن لْقَوِي. أَث ثࢲرم عَاوذ يهوَّا-د اَك وسيْنُو وجنَّا."

لوقا 21:27

ڒخْدّنِّي إِي غَا ࢲرن مِّيس ن بْنَاذم يهوَّا-د ذݣ وسيْنُو س لْعَظَمَا ذ جّْهذ نّس يمْغَارن.

1 أيث-سلونيك 4:17

سّنِّي نشِّين يعْنِي يِنِّي عَاذ يدَّرن يعْنِي ينِّي عَاذ اَقَانغ ذِي دُّنشْت-أَ اَتَاف اَكِذْسن نتْوَارْفع غَار وجنَّا ذݣ يسيْنُوْثن بَاش أَ نْمڒْقَا اَك سِيذِيثْنغ ذِي لْهَوَا. وَا ٱمنِّي اَكِذس نِيڒِي إِ ڒبْدَا.

1 أيث-سلونيك 1:10

حمَا اَذ تْرَاجَام مِّيس إِي د غَا يَاسن زݣ وجنَّا ونِّي إِي د يسكَّر أَربِّـي زݣ يمتِّينن يعْنِي عِيْسَى إِي ذَانغ يسنْجَامن زݣ وغْضَاب نِّي إِي د غَا يَاسن.

مرقس 13:26

ڒخْدّنِّي إِي غَا ࢲرن مِّيس ن بْنَاذم يهوَّا-د ذݣ وسيْنُو س لْعَظَمَا ذ جّْهذ نّس يمْغَارن.

ثبرات زي يهوذا 1:14

فَا أَخْنُوْخ ونِّي إِݣ يدْجَان ذ اَيَّاو ن آدَم زِي جدِّيثْوم وِيس سبْعَا نتَّا يعْڒم يجّن ن وَاوَاڒ زِي أَربِّـي ينَّا-ث خ يثَرَّاسن-أَ: "خْزَرث، أَقَا يُوْسَا-د سِيذِيثْنغ س وَاڒَاف ن ؤُڒُوْفَاث ن يمْقدّْسن نّس

أَسڒْمذ ن سِيذِيثْنغ عِيْسَى لْكِتَاب ن مَتَّى 26:64

ينَّا-ٱس عِيْسَى: "أَقَا ثنِّيذ-ث شك. إِنَّمَا، أَقَا قَّارغ-اَوم: زِي سَّا اَڒ ثْسَاونْت اَذ تࢲرم مِّيس ن بْنَاذم يقِّيم خ وفُوْسِي ن لْقَوِي. أَث ثࢲرم عَاوذ يهوَّا-د اَك وسيْنُو ن وجنَّا."

لواحي ن يوحنا 22:20

ئِقَّار عِيْسَى يعْنِي ونِّي يخبَّرن خ ثْمسْڒَايِين-أَ: "وَاه، نش أَقَا ؤُسِيغ-د وَار تْعطَّاڒغ شا!" آمِين، أَرَاح-د آ سِيذِيثْنغ عِيْسَى.

1 يوحنا 3:2

آي يمْعِيزّن ينُو، ڒخُّو نشِّين ذ ثَارْوَا ن أَربِّـي. عَاذ وَار د تْمظْهَار شَا صِّيفث نّغ مَامش غَا ثِيڒِي، وَلَكِن نسّن اَذ تِيڒِي اَم نتَّا خْمِي د غَا يمظْهَار ڒَاحقَّاش اَث نْࢲر نتَّا مَامش إِي يدْجَا.

يعيبرانيين 10:29

ئِي كنِّيو، مِين تْفكَّرم؟ مشْحَاڒ إِي غَا يِيڒِي لْعِقَاب إِݣ يسْذَاهدْج ونِّي يسحْقَارن مِّيس ن أَربِّـي، ئِسخْنز يذَامّن ن ڒْعَهذ نِّي إِي زِي يتْوَاسِّيصْفَا، يزبّڒ أَرُّوْح ن اَرْضَا!

يوحنا 19:34

وَلَكِن يجّن زِي ڒْعَسْكَار نِّي يشُوْكّ-يث غَار وغزْذِيس نّس س يِجّن ن وكشُّوْض ذَايس ثِيشّط ن وُوْزّڒ، ؤُزّْڒن-د زَّايس ذغْيَا يذَامّن ذ وَامَان اَطَّاس.

لواحي ن يوحنا 22:4

أَذْ ࢲرن اَغمْبُوْب نّس، ئِسم نّس اَقَاث خ ثنْيَارْث نْسن.

يعيبرانيين 6:6

يِيْنَا مڒَا فّْغن اَبْرِيذ، وَار يدْجِي وِي ثن د غَا يَارّن غَار تُّوْبَا. مَايمِّي؟ لِأَنَّا يِيْنَا اَذ يڒِين اَم تْصلَّابن مِّيس ن أَربِّـي عَاوذ خ صَّلِيب تْعيَّابن-ث زَّاث إِ يِوْذَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:27

أَقَا مِّيس ن بْنَاذم اَذ د يَاس س لْعَظَمَا ن بَابَاس اَك لْمَلَائِكَاث نّس، أُوشَا اَذ يجَازَا مْكُڒ يجّن عْلَاحْسَاب ڒْخذْمث نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:28

أَقَا تسْڒَام ڒْحَقّ: ڒبْعَاض زݣ يِنِّي يدْجَان ذَا اَكِذِي وَار تْمتِّين شَا اَڒ غَا ࢲرن مِّيس ن بْنَاذم يُوْسَا-د ذِي ڒْمُلْك نّس."

أَسڒْمذ ن سِيذِيثْنغ عِيْسَى لْكِتَاب ن مَتَّى 25:31

خْمِي د غَا يَاس مِّيس ن بْنَاذم س لْعَظَمَا نّس، أَكِذس مَارَّا لْمَلَائِكَاث، أَذ يقِّيم خ لْعَرْش نّس ن لْعَظَمَا.