أيث-فيليـپـي 2:7 - ثريفيث 2020

⁷ لَّا، نتَّا يَارَّا يخف نّس ذ وَالُو يطّف يجّن ن صِّفث اَم يِيسْمغ، يعْنِي يخْڒق-د اَم صِّفث ن بْنَاذم.

أيث-فيليـپـي 2:7 Referans Kwoze

22 أيث-كورينث 8:9

أَقَا ثسْنم اَرْضَا ن سِيذِيثْنغ عِيْسَى لْمَسِيح. تُوْغَا نتَّا غَارس كُڒْشِي، وَلَكِن عْلَاحْسَاب نشِّين يسْمح ذِي كُڒْشِي مَانَاينِّي بَاش اَغَارْنغ يِيڒِي كُڒْشِي س مَانَاينِّي إِي ذِي يسْمح.

أَسڒْمذ ن سِيذِيثْنغ عِيْسَى لْكِتَاب ن مَتَّى 20:28

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان. لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوْذَارْث نّس حمَا اَذ يسنْجم اَطَّاس زَّايْسن."

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

أيث-روما 8:3

شُوْف، أَربِّـي يݣَّا مِين وَار ثْزمَّر اَذ تݣّ شَّرِيعَا ن مُوْسَى، مَايمِّي؟ عْلَاحْسَاب ضُّعف ن دَّات نّغ إِي ذَاس يكّْسن جّْهذ إِ شَّرِيعَا. أَربِّـي، وَامِي إِي د يسّكّ مِّيس يمثّل-يث-يذ اَم دَّات ن بْنَاذم يعْصَان، ئِسّكّ-يث-يذ ذ لْفِدْيَا خ ڒْمُعْصِيّث نّغ. أَمُّو يحَاسب يعَاقب ڒْمُعْصِيّث إِݣ يدْجَان ذِي دَّات ن بْنَاذم

أيث-ݣلاطيا 4:4

وَلَكِن وَامِي د ثُوْوض ڒْوقْث إِݣ يزمّم أَربِّـي، ئِكَّر نتَّا يسّكّ-د مِّيس يتْوَاخْڒق-د زݣ يِجّن ن ثمْغَارْث، يتْوَاخْڒق-د ثْحكّْم خَاس شَّرِيعَا ن مُوْسَى.

يعيبرانيين 4:15

شُوْف، وَار غَارْنغ بُو يجّن ن ڒفْقِي اَمقّْرَان نتَّا وَار يزمَّر شَا اَذ يحسّ زِي ضُّوْعف نّغ. وَاه، غَارْنغ يجّن ڒفْقِي كِّينْت خَاس مَارَّا ڒمْحَاين؛ نتَّا اَم نشِّين وَلَكِن وَار يݣِّي بُو ڒْمُعْصِيّث.

أيث-روما 15:3

لِأَنَّا لْمَسِيح وَار يݣِّي شَا مِين ذَاس يتعْجِيبن إِ يِيخف نّس، يݣَّا مَامّش يقّار لْكِتَاب: <ڒْبَاطڒ إِي خَاش نَّان يفْضح-اَيِي.>

يعيبرانيين 12:2

أُو لَابُد أَ نْخزَّر مْلِيح غَار عِيْسَى زَّعِيم نّغ ذ نتَّا إِي ذَانغ غَا يسِّيوْضن نِيشَان غَار ونݣَّارُو. عِيْسَى س ڒفْرَاحث نِّي إِي تُوْغَا ث يتْرَاجَان غَار زَّاث، ئِصْبَر خ صَّلِيب يعيّب اَحݣَّار ن صَّلِيب نِّي سّنِّي يقِّيم خ وفُوْسِي ن ڒْعَرْش ن أَربِّـي.

لوقا 22:27

ؤُݣ يدْجَان ذ اَمقّْرَان؟ مَا ذ ونِّي يقِّيمن اَذ يشّ نِغ ذ ونِّي إِي خَاس يتْسخَّارن؟ يَاش ذ ونِّي يقِّيمن اَذ يشّ نِغ لَّا؟ وَلَكِن نش اَقَايِي اَكِذْوم اَم ونِّي إِي خَاوم يتْسخَّارن.

أيث-روما 15:8

شُوْف، نش قَّارغ-اَوم لْمَسِيح يُوْسَا-د حمَا اَذ يِيڒِي ذ اَخدَّام ن أَيث-إِسْرَائِيل، بَاش اَذ د يسْمظْهَار لْحَقِيقَا ن أَربِّـي اَذ يݣّ مِين يوْعذ سَّلَف صَّالِحِين.

أيث-فيليـپـي 2:6

نتَّا اَقَاث ذ صِّفث ن أَربِّـي، وَلَكِن وَامِي يمْقُدَّا اَك أَربِّـي وَار ينْوِي شَا اَذ يطّف ذِي مَانَاينِّي.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:18

<ذ وَانِيتَا ذ اَخدَّام ينُو إِݣ يخْضَرغ، ونِّي إِي خَافِي يعِيزّن إِي خف اَرْضِيغ. أَذَايس ݣّغ أَرُّوْح يقدّْسن، أَذ يخبَّار يِنِّي زِي ڒݣْنُوْس س ڒْحَقّ.

يعيبرانيين 13:3

خمّْمث ذݣ يمحْبَاس اَمشْنَاو كنِّيو إِي كِذْسن ثتْوَاحبّْسم ذ يِنِّي إِي خف تْبُوْصَارن اَمشْنَاو كنِّيو ثتْوَاعدَّابم.

أيث-روما 1:3

أُو مَانَايَا خ مِّيس سِيذِيثْنغ عِيْسَى لْمَسِيح. عْلَاحْسَاب دَّات نّس ذ بْنَاذم نتَّا زِي دُّوْرِّيث ن سِيذْنَا دَاود. وَلَكِن عْلَاحْسَاب أَرُّوح نّس يصْفَان يمظْهَار-د ذ مِّيس ن أَربِّـي س يِجّن ن جّْهذ يمْغَر وَامِي إِي د يكَّر زِي ڒْموْث.

مرقس 9:12

ينَّا-ٱسن عِيْسَى: "ذ صَّح يتْخصَّا اَذ د يَاس إِلْيَاس ذ اَمزْوَارُو اَذ يعْذڒ كُڒْشِي. وَلَكِن مَايمِّي يقَّار لْكِتَاب بلِّي يتْخصَّا-يَاس إِ مِّيس ن بْنَاذم اَذ يتْوَاعدّب، أَث عِيفّن؟

22 أيث-كورينث 13:4

وَاه، نتَّا يتْوَاصلّب خ صَّلِيب س ضُّوْعف، وَا إِنَّمَا يتدَّر س جّْهذ ن أَربِّـي. أَمنِّي ؤُڒَا ذ نشِّين. نضْعف اَم ضُّوْعف نّس نتَّا، وَا إِنَّمَا جَارَاوم نْتدَّر اَكِذس نتَّا س جّْهذ ن أَربِّـي.