مرقس 1:5 - ثريفيث 2020

⁵ تَاسن-د غَارس مَارَّا يمزْذَاغ ن ثْمُوْرْث ن يَهُوْذِيَا ذ مَارَّا يمزْذَاغ ن ثنْدِينْت ن لْقُدْس، تعْتَارَافن س ڒْمُعْصِيَاث نْسن، يَحْيَى يتْطهَّار-يثن س وَامَان ذݣ يِغْزَار ن لْأُرْدُن.

مرقس 1:5 Referans Kwoze

ڒخذايم 19:18

ؤُسِين-د اَطَّاس زݣ يِنِّي إِي يُوْمْنن ڒخُّو، ڒخْذَايم نْسن إِي تُوْغَا ݣِّين ثِعفَّانِين عْتَارْفن زَّايْسنْت.

ڒخذايم 2:38

ينَّا-ٱسن بُطْرُس: "تُوْبث، تْوَاطهَّارث س وَامَان كُڒ يجّن زَّايْوم عْلَاحْسَاب يسم ن عِيْسَى لْمَسِيح حمَا اَذ تْوَاغْفَرنْت ڒْمُعْصِيَاث نْوم، أَتَاف اَذَاوم يمُّوْش أَرُّوْح يقدّْسن ذ لْهَدِيَا.

يوحنا 3:23

ؤُڒَا ذ يَحْيَى يتْطهَّار إِ يِوْذَان س وَامَان ذِي ڒْعُنْصَر ن نُوْن ذِي طَّارف ن ثنْدِينْت ن سَالِيم مِينْزِي ذِنِّي اَمَان اَطَّاس. تَاسن-د ذِنِّي يِوْذَان حمَا اَثن يطهَّار.

يوحنا 1:28

مَارَّا مَانَايَا يوْقع ذݣ وبِيلَاج ن بَيْت عَنْيَا اَجمَّاض إِ يِغْزَار ن لْأُرْدُن مَانِي إِݣ يتْطهَّار يَحْيَى إِ يِوْذَان س وَامَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 4:25

ذْفَارن عِيْسَى اَطَّاس ن ڒْغَاشِي زِي لْجَلِيل ذ لْإِقْلِيم ؤُمِي قَّارن دِيكَاپْـلِس ذ ثنْدِينْت ن لْقُدْس ذ يَهُوْذِيَا ذ جِّهث ن شَّرْق ن يِغْزَار ن لْأُرْدُن.

مرقس 1:4

يُوْسَا-د يَحْيَى غَار ڒخْڒَا. ئِتْبشَّر يوْذَان حمَا اَذ تُوْبن اَذ تْوَاطهَّارن س وَامَان حمَا اَذ تْوَاغْفَرنْت ڒْمُعْصِيَاث نْسن.

مرقس 1:6

أَرُّوْض ن يَحْيَى خذْمن-ث س شْعَر ن وڒْغم، خ نّصّ نّس يجّن ن ؤُحزَّام ن يِيْڒم. ئِتتّ ثْمُوْرْغِي ذ ثَامَّانْت ثَحُوْرّشْت.

يوحنا 5:35

يَحْيَى يُوْسَا-د ذ ڒفْنَار يرقَّان يتشْرِيقن، كنِّيو ثخْسم اَذ تْفَرْحم شَان ڒِيَّام س نُّوْر نّس.

ثبرات غار يعقوب 5:16

عْتَرْفث س ڒْمُعْصِيَاث نْوم كنِّيو إِ وَايَاوْيَا، ࢲَّادْجث خ وَايَاوْيَا حمَا ٱذ تْݣنْفَام. ثْࢲَادْجِيث ن بْنَاذم إِݣ يدْجَان نِيشَان نتَّاث ذَايس جّْهذ اَطَّاس نتَّاث ثفْسُوْس.