لوقا 4:42 - ثريفيث 2020

⁴² وَامِي يصْبَح ڒْحَاڒ يفّغ عِيْسَى يرُوْح غَار يِجّن ن ومْشَان ن ڒخْڒَا. ئِوْذَان نِّي بْذَان رزُّوْن خَاس، ؤُسِين-د غَارس طّْفن-ث حمَا وَار خَاسن يݣُّوْر شَا.

لوقا 4:42 Referans Kwoze

لوقا 6:12

ذݣ وُوْسَّان نِّي، ئِݣَعّذ عِيْسَى غَار وذْرَار اَذ يࢲَّادْج يقِّيم ذِنِّي دْجِيڒث ثكْمَاڒ يتْࢲَادْجَا إِ أَربِّـي.

يوحنا 4:34

ينَّا-ٱسن عِيْسَى: "ڒْمَكْلَا ينُو اَذ خذْمغ مِين يخس ونِّي ذَايِي د يسّكّن اَذ كمّْڒغ ڒْخذْمث نّس.

يوحنا 6:24

وَامِي ڒْغَاشِي نِّي وَار ࢲْرِين شَا عِيْسَى ذِنِّي ؤُڒَا ذ يمحْضَارن نّس، نْيِين ؤُڒَا ذ نِثْنِي ذِي ثْغَرُّوْبَا ؤُيُوْرن سّنِّي رُوْحن غَار كَفرْنَاحُوْم رزُّوْن خ عِيْسَى.

يوحنا 4:40

وَامِي إِي غَارس د ؤُسِين يِوْذَان زِي سَمَارْيَا عَرْضن-ث اَكِذْسن يقِّيم. سّنِّي يقِّيم اَكِذْسن يُوْمَاين ذِنِّي.

لوقا 24:29

وَلَكِن بْذَان نِثْنِي تحْشَامن-ث نَّان-اَس: "قِّيم اَكِذْنغ مِينْزِي عْڒَاين ذ ثَمدِّيث قَا يرُوْح ڒْحَاڒ." سّنِّي يُوْذف غَارْسن حمَا اَكِذْسن يسنْس.

مرقس 1:45

وَلَكِن نتَّا مِين يݣَّا؟ ئِرُوْح يبْذَا يسَّاوَاڒ اَطَّاس، ئِسُوْفغ ڒخْبَار اَڒ وَامِي يذْوڒ عِيْسَى وَار يزمَّر اَذ يَاذف غَار شَا ن وبِيلَاج بْڒَا مَا ٱذ يسْنُوْفَّر يخف نّس. تُوْغَا لَابُد يتْغِيمَا ذݣ يمُوْشَان يخْوَان، وَلَكِن وَاخَّا اَمنِّي يوْذَان تَاسن-د غَارس ذِنِّي زِي مَارَّا يمُوْشَان.