لوقا 12:1 - ثريفيث 2020

¹ ڒخدّْنِّي مُوْنن اَطَّاس ن ؤُڒُوْفَاث ن يِوذَان اَڒ وَامِي ذوْڒن عفّْسن خ وَايَاوْيَا. ئِبْذَا عِيْسَى يقَّار-اَسن إِ يمحْضَارن نّس: "حْضَام يخف نْوم زِي نِّفَاق ن ڒْحِزب ن يفَرِّيسِيْين يدْجَان اَم ونْتُوْن.

لوقا 12:1 Referans Kwoze

1 بطرس 2:1

إِذن فَا كّْسث زݣ وُوْرَاون نْوم مَارَّا شَّرّْ ذ مَارَّا لْغذْرَان ذ نِّفَاق ذ ڒحْسذ ذ مَارَّا ڒْبَاطڒ.

ثبرات غار يعقوب 3:17

ڒفْهَامث إِي د يهوَّان زݣ وجنَّا، مِين ذَايس مُهِم قَاع اَذ تِيڒِي ثصْفَا. نتَّاث عَاوذ ذَايس ڒهْنَا ذ صّْبَار، وَار ذَايس تِيڒِي بُو ثْغنَّانْت. ثشُّوْر س أَرَّحْمث ذ لْحَسَنَاث، وَار ذَايس بُو وُوْذمَاون نِغ ذ نِّفَاق.

لوقا 12:56

ينَّا-ٱسن: "آ لْمُنَافِقِين! لْحَالَا ن وجنَّا ذ ثْمُوْرْث ثسّْنم اَثن تْشَرّْحم مَامش دْجَان. مَايمِّي وَار ثْزمَّرم شَا اَذ تْشَرّْحم لْحَالَا ن زْمَان-أَ إِي ذِي ندْجَا ڒخُّو؟"

1 أيث-كورينث 15:3

شُوْف، سِيْوْضغ-اَوم-د مَانَاينِّي يدْجَان مُهِم تُوْغَا قبْڒغ-ث نش س يِيخف ينُو، يعْنِي لْمَسِيح يمُّوْث عْلَاحْسَاب ڒْمُعْصِيَاث نّغ مَامّش يقَّار لْكِتَاب.

ڒخذايم 21:20

وَامِي سْڒِين إِ مَانَاينِّي، حمْذن أَربِّـي نَّان-اَس إِ بُوْلُس: "شُوْف آي ؤُمَاثْنغ مشْحَاڒ ن ؤُڒُوْفَاث ن يسْرَائِيلِيْين إِي يُوْمْنن! مَارَّا إِذْسن رزُّوْن اَذ ݣّن لْوَاجِب عْلَاحْسَاب شَّريعا نّغ.

لوقا 11:44

يَا ڒفْضِيحث نْوم، كنِّيو اَمشْنَاو يمضْڒَان يودَّارن ݣُّوْرن خَاسن يِوْذَان وَار د اَرِّين شَا ڒخْبَار."

لوقا 6:17

ئِهْوَا-د عِيْسَى يبدّ ذݣ يِجّن ن ومْشَان ذ ڒوْضَا. ذِنِّي اَطَّاس ن يمحْضَارن نّس ذ وَاطَّاس ن يِوْذَان زِي ثْمُوْرْث ن يَهُوْذِيَا ثكْمَاڒ، زِي لْقُدْس، عَاوذ زِي صُوْر ذ صَيْدَا إِݣ يدْجَان خ وغزْذِيس ن ڒبْحَر.

لوقا 5:15

وَلَكِن سّنِّي يبْذَا يتنْتَاشَر خَاس ڒخْبَار كْتَار عَاذ. ؤُسِين-د غَارس اَطَّاس ن ڒْغَاشِي حمَا اَذَاس سْڒن حمَا اَذ ݣنْفَان زِي ڒهْڒَاشَاث نْسن.

لوقا 5:1

ئِجّن ن نْهَار يبدّ عِيْسَى غَار ڒبْحَر ن ݣَنِيسَارَت، مْزَاحَامن خَاس ڒْغَاشِي بَاش اَذ سْڒن إِ وَاوَاڒ ن أَربِّـي.

يعيبرانيين 12:22

وَلَكِن كنِّيو ثْقَارّْبم-د غَار وذْرَار ن صِيَان يعْنِي ثَنْدِينْت ن أَربِّـي يدَّرن ذ لْقُدْس ن وجنَّا، ذَايس اَڒَاف ن ؤُرُوْفَاث ن لْمَلَائِكَاث.