لوقا 11:4 - ثريفيث 2020

⁴ غْفَر-اَنغ ڒْمُعْصِيَاث نّغ إِ نشِّين، مَامّش نْسمّح إِ يِنِّي إِي كِذْنغ يخطَّان. وَار ذَانغ تݣّ شَا ذِي ڒمْحَاين."

لوقا 11:4 Referans Kwoze

أَسڒْمذ ن سِيذِيثْنغ عِيْسَى لْكِتَاب ن مَتَّى 26:41

إِڒِيم عْلَابَال ࢲَّادْجم حمَا وَار تِيذْفم شَا ذِي ڒمْحَاين. ؤُڒ ن بْنَاذم يوْجذ وَلَكِن دَّات نّس ثضْعف."

أيث-كولوس 3:13

صْبَارث اَك وَايَاوْيَا. مڒَا شَان يِجّن زَّايْوم غَارس شَان لْمُشْكِل إِي زَّايس غَا يشثْشَا خ ونّغْنِي، ئِتْخصَّا يجّن اَذ يسْمح إِ ونّغْنِي. مَامّش ذَاوم يغْفَر أَربِّـي إِ كنِّيو، أَمنِّي إِي غَا ثْسمْحم إِ يِوْذَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 18:35

أَمُّو إِي كِذْوم غَا يݣّ بَابَا إِي يدْجَان ذݣ وجنَّا مڒَا وَار يسْمِيح مْكُڒ يجّن زَّايوم س وُوْڒ نّس إِ وُوْمَاس.

ثبرات غار يعقوب 2:13

نْهَار ن لْحِيسَاب أَربِّـي وَار يرحّم شَا ونِّي وَار يرحّْمن شَا؛ أَرَّحْمث ثْغدْجب لْحِيسَاب.

2 تيموتاوس 4:18

أَذَايِي يسفْڒث سِيذِيثْنغ زِي مْكُڒ ثَمسْڒَايْث ذ ثَعفَّانْت اَذَايِي يسنْجم غَار ڒْمُلْك نّس يدْجَان ذݣ وجنَّا. أَغَارس ثِيڒِي لْعَظَمَا إِ ڒبْدَا ن ڒبْدَاث. آمِين.

2 أيث-سلونيك 3:3

وَلَكِن سِيذِيثْنغ ذَايس تِّقث، أَكنِّيو يسجْهذ اَكنِّيو يحْضَا زِي شَّرّْ.

1 أيث-كورينث 10:13

ثِمسْڒَايِين نِّي ثِنِّي إِݣ يتِيڒِين ڒبْدَا اَك بْنَاذم ذ ثِنِّي إِي كنِّيو يتْغَارَّان. أُو أَربِّـي نتَّا ذَايس تِّقث، وَار كنِّيو يتجِّي شَا اَذ تْوَاغَارَّام س مِين وَار ثْزمَّرم اَذ تصْبَرم؛ لَّا، أَذَاوم يذبَّر يجّن ن ثوَّارْث حمَا اَذ تصْبَرم إِ مَانَاينِّي.

يوحنا 17:15

نش وَار ذَاش تتَّارغ شَا اَثن ثْسُوْفْغذ زِي دُّنشْت-أَ؛ لَّا، تتَّارغ-اَش اَثن تحْضِيذ زِي شَّرّْ.

لوقا 22:46

ينَّا-ٱسن: "مَايمِّي تطّْصم؟ كَّرم، ࢲَّادْجم حمَا وَار تِيذْفم شَا ذِي ڒمْحَاين."

لوقا 8:13

زَّرِّيعث نِّي إِݣ يوْضَان جَار يِزْرَا نتَّاث اَم يِوْذَان إِي تسْڒَان إِ وَاوَاڒ ن أَربِّـي، قبْڒن-ث س ڒفْرَاحث. وَامِي وَار ؤُوْثِين بُو يࢲوْرَان مْلِيح ذغْيَا تْنقْڒَاعن. تَامْنن زَّايس غِير ذݣ يِجّن ن ڒْوقْث وَاهَا، ذِي ڒْوقْث ن ڒمْحَاين ذغْيَا تفّْغن اَبْرِيذ.

لواحي ن يوحنا 3:10

ثصْبَرذ خ مِين ش وصِّيغ، س مَانَايَا اَتَاف نش اَش حْمِيغ زِي ثْسَاعَّات نِّي ن ڒمْحَاين إِي د غَا يهْوَان خ مَارَّا دُّنشْت-أَ حمَا يمزْذَاغ ن تْمُوْرْث اَزَّايس تْوَاجَرّْبن.

لواحي ن يوحنا 2:10

وَار تݣّْوذ شَا زِي مَامّش إِي غَا تْوَاعدّْبذ. أَقَا إِبْڒِيس اَذ يسِيذف ڒبْعَاض زَّايْوم غَار ڒحْبس حمَا اَذ تْوَاجَرّْبم. أَذ تْسعْذُوْم ڒمْحَاين ذي عشْرَايَّام. اَرْنِي ذِي لْإيْمَان نّش وَاخَّا اَش نْغن، نش اَذَاش ؤُشغ تَّاج ن ثُوْذَارْث.

لوقا 11:5

ينَّا-ٱسن عِيْسَى: "مَثَالَان يجّن زَّايْوم غَارس اَمدُّوْكڒ. ذِي ڒْوسْط ن دْجِيڒث يرُوْح غَار ومدُّوْكڒ نّس ينَّا-ٱس: آي اَمدُّوْكڒ، ؤُش-اَيِي ثْڒَاثَا ن وغْرُوْم مِينْزِي يجّن ن ومدُّوْكڒ ينُو يسَفَر يكَّا-د خَافِي، نش وَار غَارِي مِين ذَاس غَا ؤُشغ.

لوقا 13:4

نِغ ثْمنْطَاش نِّي إِي خف د توْضَا صُّوْمْعث ذِي حَاي-سِيلْوَام ثنْغِي-ثن، مَا تْغِير-اَوم بلِّي ݣِّين دُنُوْب كْتَار زِي مَارَّا يوْذَان يزدّْغن ذِي ثنْدِينْت ثكْمَاڒ ن لْقُدْس؟