يوحنا 3:6 - ثريفيث 2020

⁶ مِين يتْوَاخڒْقن زِي دَّات، نتَّاث ذ دَّات. مِين يتْوَاخڒْقن زِي أَرُّوْح ن أَربِّـي، نتَّا ذ أَرُّوْح.

يوحنا 3:6 Referans Kwoze

22 أيث-كورينث 5:17

س مَانَايَا، ونِّي يدْجَان ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم يعْذُو يُوْسَا-د مِين يدْجَان ذ جْذِيذ.

1 يوحنا 3:9

ونِّي د يخڒْقن زِي أَربِّـي وَار يقِّيم شَا يسْخدَّام ڒْمُعْصِيَاث ڒَاحقَّاش ثَقُّوْشْت ن أَربِّـي ثْزدّغ ذَايس. وَار يزمَّر شَا اَذ يقِّيم ذِي ڒْمُعْصِيَاث ڒَاحقَّاش يخْڒق-د زِي أَربِّـي.

1 أيث-كورينث 6:17

وَلَكِن ونِّي يمُوْنن اَكذ سِيذِيثْنغ اَذ يذْوڒ ذ يج ن اَرُّوْح اَكِذس.

أيث-روما 7:18

نش طَّبِيعَا ثَعفَّانْت ينُو سّْنغ وَار ذَايس ثزْذِيغ ؤُڒَا ذ يجّن ن ثْمسْڒَايْث ذ ثَصبْحَانْت. لِأَنَّا رزُّوْغ اَذ ݣّغ ثِمسْڒَايِين ثِصبْحَانِين، وَلَكِن وَار زمَّرغ اَثنْت ݣّغ.

أيث-روما 8:13

لِأَنَّا كنِّيو مڒَا تݣّم اَرَّاي إِ طَّبِيعَا ثَعفَّانْت نْوم، أَذ تمّْثم. مڒَا ثْنقّم ڒفْعَاير ن دَّات نْوم س اَرُّوْح ن أَربِّـي، أَذ تدَّرم.

أيث-ؤفسوس 2:3

نشِّين مَارَّا تُوْغَا نتْعِيش اَم نِثْنِي ذݣ يِجّن ن ڒْوقْث وَامِي تُوْغَا نتْسعَّاف شّهَاوَاث ن اَرَّاي اَعفَّان ن نّفْس نّغ نْذفَّار مِين يرزُّو ذ مِين يتْفكَّار. تُوْغَانغ اَم مَارَّا يوْذَان يعْنِي نشِّين زݣ يِنِّي إِي غَا يعَاقب سِيذِي أَربِّـي.

أيث-كولوس 2:11

ذَايس ذِي نتَّا عَاوذ إِي ذِي ثْطهَّارم وَلَكِن مَاشِي ذ يجّن ن طَّهَارث يݣِّين س يفَاسّن ن بْنَاذم؛ لَّا، ثْطهَّارم طَّبِيعَا نْوم ثَعفَّانْت قَاع س يِجّن ن طَّهَارث يݣِّي-ت لْمَسِيح.

أيث-ݣلاطيا 5:24

أُو يِنِّي يدْجَان ن عِيْسَى لْمَسِيح صَافِي صلّْبن طَّبِيعَا نِّي ثَعفَّانْت نْسن اَكذ شّهْوث ذ ڒْخَاضَر ن طَّبِيعَا-يَا.

يوحنا 1:13

يِيْنَا وَار د خْڒِيقن شَا عْلَاحْسَاب دُّوْرِّيث ؤُڒَا عْلَاحْسَاب مِين تخْس دَّات ؤُڒَا عْلَاحْسَاب ڒْخَاضَر ن ورْيَاز؛ لَّا، ذ أَربِّـي إِي ثن د يجِّين.

أيث-روما 7:5

لِأَنَّا قْبڒ وَامِي تُوْغَا نْتݣّ اَرَّاي إِ طَّبِيعَا ثَعفَّانْت نّغ، اَرْنِينْت ذَايْنغ شّهَاوَاث ثِعفَّانِين عْلَاحْسَاب مِين ذَانغ ثنَّا شَّرِيعَا، خدّْمنْت شّهَاوَاث نِّي ذِي دَّات نّغ أُوْشَا نْتَارو ڒخْذَايم يتَاوِين غَار ڒْموْث.

أيث-روما 7:25

تْشكَّرغ أَربِّـي عْلَاحْسَاب سِيذِيثْنغ عِيْسَى لْمَسِيح! س مَانَايَا ذِي ڒَعْقڒ ينُو نش ذ يسْمغ ن شَّرِيعَا ن أَربِّـي، نش ذِي دَّات ينُو ذ يسْمغ ن طَّبِيعَا ن ڒْمُعْصِيّث.

يوحنا 3:7

مڒَا نِّيغ-أَش يتخصَّا-كنِّيو اَذ د تْخڒْقم ذ جْذِيذ، وَار تْعجِّيب شَا.