يوحنا 17:1 - ثريفيث 2020

¹ وَامِي يسِّيوڒ عِيْسَى خ مَانَايَا، ئِيْسِي ثِيطَّاوِين نّس غَار وجنَّا ينَّا: "آ بَابَا، ثُوْوض-د ڒْوقْث. سمْغَار مِّيش حمَا اَش يسمْغَار.

يوحنا 17:1 Referans Kwoze

يوحنا 12:23

ئِنْدق-د عِيْسَى ينَّا-ٱسن: "ثُوْسَا-د ڒْوقْث اَذ يتْوَارْفع مِّيس ن بْنَاذم.

ڒخذايم 3:13

لَّا، ذ أَربِّـي ن ڒجْذُوْذ نّغ يعْنِي أَربِّـي ن بْرَاهِيم ذ أَربِّـي ن إِسْحَاق ذ أَربِّـي ن يعْقُوْب. لِأَنَّا ذ نتَّا إِي د يسْبيّْنن لْعَظَمَا نّس ذݣ وخدَّام نّس عِيْسَى. وَلَكِن ذ كنِّيو إي ث يسلّْمن إ لْحُكَّام ثنْكَرم-ث زَّاث إِ بِيلَاطُوْس وَامِي تُوْغَا يرزُّو اَذَاس يضْڒق.

يوحنا 7:39

مَانَايَا ينَّا-ث خ أَرُّوْح يقدّْسن إِي غَا يقبْڒن يِنِّي زَّايس يُوْمْنن. أَرُّوْح يقدّْسن عَاذ وَار ثِيذ يُوْشِي شَا مِينْزِي عِيْسَى عَاذ وَار يتْوَارْفع شَا.

1 بطرس 1:21

زَّايس نتَّا إِي زِي تَامْنم زِي أَربِّـي إِي ثِيذ يسكَّرن زݣ يمتِّينن، يُوْشَا-ٱس لْعَظَمَا بَاش تِّقث نْوم ذ لْأَمَال نْوم تِيڒِين ذِي أَربِّـي.

يوحنا 11:4

وَامِي يِسْڒَا إِ مَانَاينِّي عِيْسَى ينَّا ڒهْرَاش-أَ وَار د يُوْسِي شَا حمَا اَذ يمّث؛ لَّا، يُوْسَا-د ذ سَّبَاب إِ لْعَظَمَا ن أَربِّـي حمَا اَزَّايس يتْوَاسمْغَار مّيس ن أَربِّـي.

مرقس 14:41

ئِذْوڒ-د غَارْسن وِيس ثڒْت-مَرَّاث ينَّا-ٱسن: "عَاذ ثطّْصم، عَاذ ثْريّْحم؟ صَافِي، بَرَكَا! أَقَا ثُوْوض-د ڒْوقْث نِّي إِي ذِي غَا يتْوَاسلّم مِّيس ن بْنَاذم غَار يفَاسّن ن يِنِّي يعصَّان.

يوحنا 11:41

أُوْشَا نِثْنِي سْبعّْذن اَزْرُو نِّي. ئِيْسِي عِيْسَى ثِيطَّاوِين غَار وجنَّا ينَّا: "تْشكَّرغ-شك آ بَابَا ثسْتَاجْبذ-اَيِي.

يوحنا 8:20

ينَّا اَوَاڒ-أَ ذِي ثمْزِيذَا ثَمقّْرَانْت نْسن مَانِي جمّْعن صَّدَقَا، ئِسڒْمَاذ ذِنِّي. وَار ث يطِّيف ؤُڒَا ذ يجّن مِينْزِي ڒْوقْث نّس عَاذ وَار د تُوْوِيض.

يوحنا 7:30

ڒخْدّنِّي رزُّوْن اَث طّْفن، وَلَكِن وَار خَاس يسرْس فُوْس حَدّ زَّايْسن مِينْزِي ڒْوقْث نّس عَاذ وَار د تُوْوِيض.

يوحنا 16:32

أَذ د تَاس يجّن ن ڒْوقْث اَقَا ڒخُّو ثُوْسَا-د، أَذ تمْزدْجَاعم كنِّيو كُڒ يجّن زَّايْوم اَذ يروَّاح. أَذَايِي ثْسمْحم اَذ يڒِيغ وَاحْذِي، وَلَكِن وَار تِيڒِيغ شَا وَاحْذِي مِينْزِي بَابَا أَقَاث اَكِذِي.

يوحنا 13:1

قْبڒ إِ ڒْعِيذ اَمقّْرَان، نتَّا عِيْسَى يسّن قَا ڒْوقْث نّس ثُوْوض-د اَذ يمُوْتِّي زِي دُّنشْت-أَ غَار بَابَاس. نتَّا يحِبّ يِنِّي يدْجَان اَكِذس ذِي دُّنشْت، ئِحِبّ-يثن اَڒ ونݣَّارُو.

لوقا 22:53

تُوْغَا تْغِيمِيغ اَكِذْوم مْكُڒ نْهَار ذِي ثمْزِيذَا ثَمقّْرَانْت، وَار ذَايِي ثطِّيفم شَا. وَلَكِن ڒخُّو ذ ثْسَعَّات نْوم ذ جّْهذ ن ثَادْجسْث."

لوقا 18:13

وَلَكِن ونِّي يجمّْعن ضَّرِيبَا يبدّ غَار ڒݣّْوَاج. وَار يزْعِيم حتَّا اَذ ييْسِي ثِيطَّاوِين نّس غَار وجنَّا، ئِشَّاث ذݣ وُوْڒ نّس ينَّا: يَا أَربِّـي، رْحم-اَيِي نش ذ لْعَاصِي!