يوحنا 16:3 - ثريفيث 2020

³ نِثْنِي تݣّن مَانَايَا مِينْزِي وَار سِّينن شَا بَابَا، وَار ذَايِي سِّينن ؤُڒَا ذ نش.

يوحنا 16:3 Referans Kwoze

يوحنا 15:21

نِثْنِي تݣّن-اَوم مَانَايَا مَارَّا خ سَّبَاب ن يِيسم ينُو مِينْزِي وَار سِّينن شَا ونِّي إِي ذَايِي د يسّكّن.

يوحنا 17:25

آ بَابَا يدْجَان نِيشَان، دُّنشْت وَار ش ثسِّين شَا وَلَكِن نش قَا سّْنغ-ش. يِيْنَا اَكِذِي سّْنن قَا ثسّكّذ-اَيِي-د شك.

2 أيث-سلونيك 1:8

أَذ ينْتَاقم زݣ يِنِّي وَار يسِّينن شَا أَربِّـي ذ يِنِّي وَار يتْطِيعِين شَا إِ لْإِنْجِيل ن سِيذِيثْنغ عِيْسَى.

يوحنا 8:55

كنِّيو وَار ث ثسِّينم شَا، نش سّْنغ-ث. مڒَا نِّيغ ؤُڒَا ذ نش وَار ث سِّينغ شَا، أَذ يڒِيغ اَم كنِّيو ذ بُو-يخرِّيقن. وَلَكِن نش سّْنغ-ث، تݣّغ اَرَّاي إِ وَاوَاڒ نّس.

يوحنا 8:19

نَّان-اَس: "مَانِي يدْجَا بَابَاش؟" ينَّا-ٱسن عِيْسَى: "كنِّيو وَار ذَايِي ثسِّينم شَا، وَار ثسِّينم ؤُڒَا ذ بَابَا. مَعْلِيك ذَايِي ثسّْنم اَذ تيڒِي ثسّْنم ؤُڒَا ذ بَابَا."

1 يوحنا 4:8

ونِّي وَار يتخْسن شَا وَار يسِّين شَا أَربِّـي ڒَاحقَّاش أَربِّـي ذ ڒمْحِبّث إِݣ يدْجَا.

1 يوحنا 3:1

خْزَرث مشْحَاڒ ذ ثَمقّْرَانْت ڒمْحِبّث إِي ذَانغ د يُوْشَا بَابَاثْنغ وَامِي نتْوَاسمَّا ذ ثَارْوَا ن أَربِّـي! أُو ذ صَّح اَمُّو إِي ندْجَا. دُّنشْت-أَ، مَايمِّي وَار ذَانغ ثسِّين شَا نشِّين؟ ڒَاحقَّاش ؤُڒَا ذ نتَّا وَار ث ثسِّين شَا.

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.

1 أيث-كورينث 2:8

ڒفْهَامث-أَ وَار ت يفْهِيم ؤُڒَا ذ يجّن زِي لْحُكَّام ن ڒْوقْث-أَ. لَّا، لِأَنَّا مَعْلِيك تُوْغَا ت فهْمن، إِڒِي وَار صلِّيبن شَا سِيذِيثْنغ غَار ثدْجَا لْعَظَمَا.

يوحنا 15:23

ونِّي إِي ذَايِي يتْعِيفَّان، أَتَاف يتْعِيفَّا ؤُڒَا ذَ بَابَا عَاوذ.

لوقا 10:22

ئِمُّوْش-اَيِي كُڒْشِي زِي بَابَا. وَار يسِّين حَدّ مِين يعْنَا مِّيس منْغِير بَابَاس. وَار يسِّين حَدّ مِين يعْنَا بَابَاس منْغِير مِّيس. بَابَاس، أَث سّْنن غِير يِنِّي ؤُمِي يخس مِّيس اَذَاسن ثِيذ يسْمظْهَار."

1 تيموتاوس 1:13

نش قْبڒ تُوْغَا قَّارغ اَوَاڒن وَار يحْڒِين خ أَربِّـي تْعدَّابغ ڒْمُوْمِنِين، نش ذ يجّن بْنَاذم يضدْجْمن. وَاخَّا تُوْغَا خذْمغ مَانَاينِّي يسظْهَار-اَيِي-د أَربِّـي اَرَّاحْمث نّس لِأَنَّا خذْمغ مَانَاينِّي س ڒقْفَاڒث ينُو بْڒَا مَا ٱذ سّْنغ مِين يدْجَان نِيشَان، ؤُڒ ينُو وَار ذَايس بُو لْإِيمَان.

ڒخذايم 3:17

ڒخُّو سّْنغ آي أَيثْمَا بلِّي ثݣِّيم مَانَاينِّي إِ عِيْسَى س ڒقْفَاڒث نْوم كنِّيو ذ اَرُّوْيَاس نْوم.

1 يوحنا 2:23

ونِّي غَا ينْكَرن مِّيس اَتَاف وَار غَارس يتِيڒِي شَا بَابَاس. ونِّي إِي غَا يقبْڒن مِّيس اَتَاف اَغَارس يِيڒِي بَابَاس.