Biblia Todo Logo
Bib sou entènèt

- Piblisite -




ثبرات غار يعقوب 4:8 - ثريفيث 2020

8 أَذْسث غَار أَربِّـي، نتَّا اَغَارْوم د يَاذس. آ يِنِّي يخْضَان، سِيرْذث يفَاسّن نْوم. آ يِنِّي كُڒ ڒَعْقڒ مِين ذَاوم يقَّار، سصْفَاث ؤُڒَاون نْوم.

Gade chapit la Kopi




ثبرات غار يعقوب 4:8
44 Referans Kwoze  

أُو مَارَّا ونِّي غَار يدْجَا لْأَمَال-أَ اَذ يسِّيصْفَا يخف نّس اَم مَامّش يدْجَا نتَّا يصْفَا.


ئِفّغ-د يجّن لْأَمَال حْسن زِي ڒُوْصِيّث نِّي، زَّايس إِي غَا نْقَارّب غَار أَربِّـي ڒَاحقَّاش شَّرِيعَا ن مُوْسَى وَار د تَارِّي ؤُڒَا ذ يجّن ڒْحَاجث وَار ذَايس بُو ڒْعِيب.


إِذن آي يمْعِيزّن ينُو، وَامِي ذَانغ يعَاهذ أَربِّـي خ ثْمسْڒَايِين-أَ لَابُد أَ نسِّيصْفَا يخف نّغ زِي مَارَّا مِين ذَانغ يسخْنِيزن ذِي دَّات ذ اَرُّوْح حمَا أَ نِيڒِي ذ صَّالِحِين بْڒَا اَخطِّي س ثِيݣّْوْذِي ن أَربِّـي.


أَمَان-أَ نِثْنِي ذ يجّن لْمِثَال خ طَّهَارث نّغ ن وَامَان إِي كنِّيو يسنْجَامن ڒخُّو. مَاشِي اَذ يتْوَاكّس ڒوْسخ زِي دَّات نّغ؛ لَّا، طَّهَارث-أَ نتَّاث ذ يجّن ن ؤُڒَاغِي نْوم إِ أَربِّـي بَاش اَذَاوم د يُوْش يجّن ن ضَّمِير مرْتَاح. مَانَايَا خ سَّبَاب ن عِيْسَى لْمَسِيح وَامِي د يكَّر زِي ڒْموْث.


مڒَا ثَشجَّارْث ذ ثَصبْحَانْت، أَتَاف اَذ تَارو مِين يدْجَان ذ اَصبْحَان. مڒَا ثَشجَّارْث ذ ثَعفَّانْت، أَتَاف اَذ تَارو مِين يدْجَان ذ اَعفَّان. ثَشجَّارْث ثْظهَّار-د س مِين تَارو.


فَلِيهَذَا خْسغ يرْيَازن ذِي مَارَّا يمُوْشَان اَذ ࢲَّادْجن اَذ يْسِين يفَاسّن نْسن يصْفَان غَار وجنَّا بْڒَا مَا ٱذ تْعصّْبن بْڒَا مَا ٱذ تْمنْغَان.


ڒخُّو ثسِّيصْفَام يخف نْوم وَامِي ثْطَاعم إِ لْحَقِيقَا بَاش اَذ تِيڒِي ذَايْوم يجّن ن ڒمْحِبّث جَار وَاوْمَاثن بْڒَا نِّفَاق. س مَانَايَا يتْخصَّا-كنِّيو اَذ ثخْسم اَيَاوْيَا اَطَّاس س وُوْڒَاون نْوم.


ئِتْشكَّا، كُڒ ڒَعْقڒ نّس مِين ذَاس يقَّار منْبَعْد يتْذوَّاخ ذݣ يبْرِيذن نّس مَارَّا.


وَار يݣِّي بُو س وُوْذمَاون جَارَانغ، ئِسِيرذ-اَسن ؤُڒَاون نْسن وَامِي ؤُمْنن.


"مَايمِّي يمحْضَارن نّش بطّْڒن لْعَادَاث ن ڒجْذُوْذ نّغ؟ مَايمِّي وَار سِيرِيذن شَا يفَاسّن نْسن قْبڒ مَا ٱذ شّن اَغْرُوْم."


وَامِي يُوْفَا بِيلَاطُس بلِّي وَار يقْضِي وَالُو اَرْنِين ذِي لْفَوْضَا، ييْسِي اَمَان يسِيرذ يفَاسّن نّس زَّاث إِ ڒْغَاشِي نِّي ينَّا-ٱسن: "أَقَا نش تْبرِّيغ اَزدْجِيف ينُو زݣ يذَامّن ن ورْيَاز-أَ! أَقَاث خ يِيرِي نْوم!"


ڒفْهَامث إِي د يهوَّان زݣ وجنَّا، مِين ذَايس مُهِم قَاع اَذ تِيڒِي ثصْفَا. نتَّاث عَاوذ ذَايس ڒهْنَا ذ صّْبَار، وَار ذَايس تِيڒِي بُو ثْغنَّانْت. ثشُّوْر س أَرَّحْمث ذ لْحَسَنَاث، وَار ذَايس بُو وُوْذمَاون نِغ ذ نِّفَاق.


Swiv nou:

Piblisite


Piblisite