أيث-ݣلاطيا 6:7 - ثريفيث 2020

⁷ وَار خدّْعث شَا يخف نْوم، أَربِّـي وَار ث يشمّث ؤُڒَا ذ يجّن. يعْنِي مِين مَا يزْرع بْنَاذم، ذ مَانَاينِّي إِي غَا يمْجَار.

أيث-ݣلاطيا 6:7 Referans Kwoze

22 أيث-كورينث 9:6

فكَّرث، ونِّي غَا يزرْعن ذْرُوْس اَذ يمْجَار ذْرُوْس. ونِّي غَا يزرْعن اَطَّاس اَذ يمْجَار اَطَّاس.

1 أيث-كورينث 15:33

وَار خدّْعث شَا يخف نْوم: "ثَمْعَاشَارث ثَعفَّانْت، تْضيَّاع تَّرْبِيَا ثَصبْحَانْت."

أيث-ؤفسوس 5:6

وَار تجَّاث شَان حَدّ اَكنِّيو يشْمث س وَاوَاڒن نّس يخْوَان. لِأَنَّا خ سَّبَاب ن ثْمسْرَايِين-أَ إِ د يهوَّا وغْضَاب ن أَربِّـي خ يِنِّي إِي ث يعصَّان.

1 أيث-كورينث 6:9

مَا وَار ثسِّينم شَا بلِّي يِنِّي وَار يُوْمِينن شَا وَار زْمَّرن اَذ وَارْثن ڒْمُلْك ن أَربِّـي؟ وَار خدّْعم شَا يخف نْوم. يِنِّي يتݣّن لْفَسَاد، ذ يِنِّي يعبّْذن لْأَصْنَام، ذ يِنِّي يزنَّان، ذ يحَنْجِيرن يفسّْذن اَك يرْيَازن، ذ يرْيَازن يفسّْذن اَك يرْيَازن،

لوقا 16:25

ينَّا-ٱس بْرَاهِيم: عْقڒ آ مِّي ينُو، شك ثيْسِيذ ڒْحَقّ نّش زِي ڒْخِير ذِي ثُوْذَارْث نّش، لِعَازَر يعِيش مْعَادّب. ڒخُّو نتَّا اَقَاث ذَا مْلِيح، شك اَقَّاش ذِي ڒَعْدَاب.

ثبرات غار يعقوب 1:22

فَا مَاشِي اَذ تسْڒم إِ وَاوَاڒ ن أَربِّـي أُو صَافِي؛ ئِتْخصَّا-كنِّيو اَزَّايس ثْخدّْمم حمَا وَار ثْخدّْعم شَا يخف نْوم.

1 يوحنا 3:7

آ يحنْجِيرن، وَار تجَّام حَدّ اَكنِّيو يخْذع. ونِّي إِݣ يقِّيمن يسْخدَّام مِين يدْجَان نِيْشَان قَا نتَّا اَقَاث نِيْشَان مَامّش إِݣ يدْجَا سِيذِيثْنغ.

أيث-ݣلاطيا 6:3

شُوْف، مڒَا شَان ن بْنَاذم يتْفكَّار اَذ يفْتَخَر س يِيخف نّس وَلَكِن نتَّا وَار ذَايس وَالُو، أَتَاف يخدّع يخف نّس.

ثبرات غار يعقوب 1:26

ونِّي يتْحَسَّابن يخف نّس غَارس دِّين وَار يحطِّي شَا يِيڒس نّس، أَتَاف يخدّع يخف نّس وَاهَا وَار غَارس بُو دِّين.

1 أيث-كورينث 3:18

ئِتْخصَّا وَار ذِنِّي يتِيڒِي حَدّ يخدّع يخف نّس. مڒَا ذِنِّي شَان يِجّن جَارَاوم يحسّب يخف نّس ذ اَمِيغِيس ذِي زْمَان-أَ، ئِتْخصَّا اَذ يذْوڒ ذ اَبُوْهَاڒِي زَعْمَا بَاش اَذ يِيڒِي ذ اَمِيغِس.

1 يوحنا 1:8

مڒَا نقَّار وَار ذَايْنغ بُو ڒْمُعْصِيَاث اَتَاف نسْخَرِّيق خ يِيخف نّغ وَاهَا، أَتَاف لْحَقِيقَا وَار ذَايْنغ ثْزدّغ شَا.

لوقا 21:8

ينَّا-ٱسن: "حْضَام يخف نْوم حمَا وَار كنِّيو يخدّع حَدّ. أَطَّاس إِي د غَا يَاسن س يِيسم ينُو زَعْمَا اَذ ينِين قَا نش ذ لْمَسِيح! عَاوذ اَذَاوم ينِين قَا ڒْوقْث ثُوْوض-د! وَلَكِن كنِّيو يتْخصَّا وَار ثن تذْفِيرم شَا.

ثبرات زي يهوذا 1:18

نَّان-اَوم: "ذِي ڒِيَّام نِّي ينݣُّوْرَا اَذ يڒِين مُجُوْدِين يِنِّي يذحّْشن خ يِوْذَان، ذفَّارن شّهَاوَاث نْسن ثِعفَّانِين وَاهَا."

2 أيث-سلونيك 2:3

لَّا، وَار تجَّام حَدّ اَكنِّيو يشْمث س وَالُو. أَتَاف وَار يزمَّر يُوْم نِّي اَذ د يَاس قْبڒ مَا ٱذ سمْحن اَطَّاس اَطَّاس ن يِوْذَان ذ اَمزْوَارُو ذِي أَربِّـي اَذ د يمظْهَار لْمسْخُوْط مِّيس ن ڒفْنَا.