أيث-ݣلاطيا 6:3 - ثريفيث 2020

³ شُوْف، مڒَا شَان ن بْنَاذم يتْفكَّار اَذ يفْتَخَر س يِيخف نّس وَلَكِن نتَّا وَار ذَايس وَالُو، أَتَاف يخدّع يخف نّس.

أيث-ݣلاطيا 6:3 Referans Kwoze

1 أيث-كورينث 3:18

ئِتْخصَّا وَار ذِنِّي يتِيڒِي حَدّ يخدّع يخف نّس. مڒَا ذِنِّي شَان يِجّن جَارَاوم يحسّب يخف نّس ذ اَمِيغِيس ذِي زْمَان-أَ، ئِتْخصَّا اَذ يذْوڒ ذ اَبُوْهَاڒِي زَعْمَا بَاش اَذ يِيڒِي ذ اَمِيغِس.

1 أيث-كورينث 8:2

ئِجّن مڒَا يتْغِير-اَس يسّن، لَّا وَار يسِّين شَا. عَاذ يتْخصَّا-يَاس اَذ يسّن.

أيث-روما 12:3

فَا س لْبَرَكَا إِي ذَايِي يُوْشَا أَربِّـي قَّارغ إِ مْكُڒ يجّن زَّايْوم: وَار حسّب شَا يخف نّش كْتَار زِي مِين ثعْنِيذ. شك فكَّر س ڒَعْقڒ نّش عْلَاحْسَاب مشْحَاڒ ن لإِيمَان إِي ذَاش يُوْشَا أَربِّـي.

22 أيث-كورينث 3:5

يعْنِي مَارَّا مَانَايَا وَار ذَاس نْزمَّر شَا نشِّين س يِيخف نّغ. وَار نتْحسِّيب شَا بلِّي ثِزمَّار-أَ تَاسنْت-يد زَّايْنغ؛ لَّا، تَاسنْت-يد زِي أَربِّـي.

1 أيث-كورينث 13:2

نش مَعْلِيك غَارِي لْقُدْرَا اَذ سِّيوْڒغ اَم لْأَنْبِيَا، مَعْلِيك فهْمغ مَارَّا مِين ينُوْفَّرن ذ مَارَّا ثُوْسْنَا، مَعْلِيك سْخدَّامغ لْإِيمَان اَذ سْمُوْتِّيغ يذُوْرَار-أَ، إِڒِي ذ وَالُو إِي دْجِيغ نش مڒَا وَار تْحِبِّيغ شَا.

1 يوحنا 1:8

مڒَا نقَّار وَار ذَايْنغ بُو ڒْمُعْصِيَاث اَتَاف نسْخَرِّيق خ يِيخف نّغ وَاهَا، أَتَاف لْحَقِيقَا وَار ذَايْنغ ثْزدّغ شَا.

أيث-روما 12:16

عِيشث اَݣ وَايَاوْيَا ذِي ڒهْنَا. وَار سمْغَارث شَا يخف نْوم، مْعَشَارث اَݣ يپُـوْبْرِيثن. وَار تَارَّاث شَا يخف نْوم ذ يمِيغِيسن.

لوقا 18:11

ئِبدّ وفَرِّيسِي نِّي يتْࢲَدْجَا ذِي نّفْس نّس ينَّا: يَا أَربِّـي تْشكَّرغ-شك، مِينْزِي وَار دْجِيغ شَا اَم يِوْذَان نّغْنِي يدْجَان ذ يخوَّانن نِغ ذ يِنِّي وَار يدْجِين شَا نِيشَان نِغ ذ يِنِّي يزنَّان نِغ اَم وَانِيتَا إِݣ يجمّْعن ضَّرِيبَا!

ثبرات غار يعقوب 1:22

فَا مَاشِي اَذ تسْڒم إِ وَاوَاڒ ن أَربِّـي أُو صَافِي؛ ئِتْخصَّا-كنِّيو اَزَّايس ثْخدّْمم حمَا وَار ثْخدّْعم شَا يخف نْوم.

ثبرات غار يعقوب 1:26

ونِّي يتْحَسَّابن يخف نّس غَارس دِّين وَار يحطِّي شَا يِيڒس نّس، أَتَاف يخدّع يخف نّس وَاهَا وَار غَارس بُو دِّين.

2 تيموتاوس 3:13

أَمَّا يرْيَازن يعفَّانن ذ يرْيَازن يشمَّاثن نِثْنِي اَذ ارْنِين ذِي ثُوْعُوْفّْنَا وَاهَا، نِثْنِي اَذ شمّْثن اَذ تْوَاشمّْثن.

22 أيث-كورينث 12:11

عَاذ سَّاوَاڒغ س ثُوْبُّوْهْڒِيَا-يَا زَعْمَا، ذ كنِّيو إِي خَافِي يبزّن اَمُّو. شُوْف، تُوْغَا يتْخصَّا-كنِّيو اَذَايِي ثْشكَرم، مَايمِّي؟ لِأَنَّا نش وَاخَّا ذ وَالُو إِي دْجِيغ، وَار دْجِيغ بُو ذ اَنقْصِي زِي اَرُّسُل نِّي يمزْوُوْرَا.

أيث-ݣلاطيا 2:6

أَمَّا يِنِّي تْغِير-اَوم ذ يمقّْرَانن خَاوم، نِثْنِي وَار اَرْنِين ؤُڒَا ذ يجّن ن وَاوَاڒ زِي مِين بشَّرغ نش. قَّارغ مَانَايَا، مِين مَا عْنَان يِيْنَا غَارِي كِيف-كِيف، يعْنِي أَربِّـي وَار يتݣّ بُو س وُوْذمَاون جَارَانغ.

ڒخذايم 5:36

قْبڒ إِ وُوْسَّان-أَ، ئِكَّر-د يجّن ن ورْيَاز قَّارن-اَس أَثُوْدَّاس. يَارَّا يخف نّس ذ اَمقّْرَان، ذْفَارن-ث شَان اَرْبعَا مِيَّا ن يرْيَازن. وَلَكِن نْغِين-ث، مَارَّا يِنِّي إي ث يذْفَارن مْسفْرَاقن ذوْڒن ذ وَالُو.

أيث-ݣلاطيا 2:9

يَعْقُوْب ذ بُطْرُس ذ يُوْحَنَّا يتْوَاحْسَابن ذ يمقّْرَانن ذِي جْمَاعث نِّي، فهْمن اَرْضَا إِي ذَايِي يُوْشَا أَربِّـي سدْجْمن خَانغ نش ذ بَرْنَابَا س وفُوْس اَفُوْسِي نْسن اَمْعَاشَر. قبْڒن-اَنغ نشِّين أَ نْرَاح أَ نْبشَّر إِ يِنِّي يدْجَان ذ ييُوْنَانِيْين، نِثْنِي اَذ بشَّرن إِ يِنِّي يدْجَان زِي أَيث-إِسْرَائِيل.