أيث-ݣلاطيا 3:10 - ثريفيث 2020

¹⁰ شُوْف، مَارَّا يِنِّي يتْعوَّاڒن خ طَّاعَا ن شَّرِيعَا ن مُوْسَى تْوَانَعّْڒن. مَايمِّي؟ ڒَاحقَّاش لْكِتَاب يقَّار: <تْوَانَعّْڒن مَارَّا يِنِّي وَار يخدّْمن شَا زِي مَارَّا ثِمسْڒَايِين إِي يُوْرِين ذِي شَّرِيعَا وَار زَّايْسنْت تݣّن شَا!>

أيث-ݣلاطيا 3:10 Referans Kwoze

أيث-روما 8:7

أَقَا ڒْخَاضَر يخدّْمن ذِي ثْمسْڒَايِين ن طَّبِيعَا ثَعفَّانْت ن بْنَاذم يتْعَرَّاض أَربِّـي. وَار يتْطِيعِي شَا شَّرِيعَا ن أَربِّـي، أُو ذ صَّح وَار يزمَّر شَا.

أيث-روما 6:23

أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

أيث-روما 4:15

أَقَا شَّرِيعَا ن مُوْسَى تَاوِي-د لْعِقَاب ن أَربِّـي. وَلَكِن مَانِي وَار تِيڒِي شَا شَّرِيعَا وَار تِيڒِي شَا ذِنِّي ڒْمُعْصِيّث.

أيث-ݣلاطيا 2:16

إِنَّمَا، نسّن بلِّي بْنَاذم وَار يتْوَاسمْصْڒَاح شَا اَك أَربِّـي يعْنِي مڒَا يطَاع إِ شَّرِيعَا ن مُوْسَى؛ لَّا، مَانَايَا إِلَّا س لْإِيمَان زِي عِيْسَى لْمَسِيح. خ مَانَايَا ؤُڒَا ذ نشِّين نُوْمن زِي عِيْسَى لْمَسِيح بَاش أَ نمْصْڒَاح اَك أَربِّـي س لْإِيمَان نِّي إِي زِي نُوْمن، مَاشِي س طَّاعَا ن شَّرِيعَا ن مُوْسَى. لِأَنَّا ؤُڒَا ذ يجّن ن بْنَاذم وَار يتْوَاسمْصْڒَاح شَا اَك أَربِّـي س طَّاعَا ن شَّرِيعَا نِّي.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:41

ڒخْدّنِّي يِنِّي يدْجَان خ وࢲڒْمَاض اَذَاسن يِينِي ؤُزدْجِيذ: آ يِنِّي ينْعڒ أَربِّـي بعّْذم خَافِي! رُوْحم غَار ثْمسِّي إِي وَار يخسِّين عمَّارْص، ئِسْوجْذن إِ شِّيطَان ذ شَّيَاطِين نّس!

22 أيث-كورينث 3:7

فَا شَّرِيعَا نِّي ن ڒْموْث، ثِيرَا نّس نقْشنْت ذِي ثڒْوِيحِين ن وزْرُو. شَّرِيعَا نِّي ثُوْسَا-د س يِجّن ن لْعَظَمَا ذ ثَمقّْرَانْت، أَتَاف أَيث-إِسْرَائِيل وَار زمَّرن اَذ قِّيمن خزَّرن ذݣ وغمْبُوْب ن مُوْسَى س لْعَظَمَا نِّي إِي ذَايس يتْشعْشِيْعن وَاخَّا تِيڒِي تْرَاح-اَس لْعَظَمَا نِّي.