أيث-ݣلاطيا 1:7 - ثريفيث 2020

⁷ وَلَكِن وَار ذِنِّي بُو شَان ن لإِنْجِيل نّغْنِي. غِير ذِنِّي شَان يِوْذَان إِي كنِّيو يسْخرْوَاضن رزُّوْن اَذ سْعوّْجن لإِنْجِيل ن لْمَسِيح.

أيث-ݣلاطيا 1:7 Referans Kwoze

ڒخذايم 15:24

نتْسْڒَا بلِّي شَان يِوْذَان زَّايْنغ ؤُسِين-د غَارْوم بْڒَا لْإِذن نّغ، سدّْعن-كنِّيو، سِيذْفن ذَايْوم شّكّ س وَاوَاڒ نْسن.

أيث-ݣلاطيا 5:10

نش غَارِي تِّقث ذِي أَربِّـي وَار ثْقبّْڒم بُو شَان ن اَرَّاي نّغْنِي. وَلَكِن ونِّي إِي كنِّيو يسْخرْوَاضن، مِين مَا يعْنَى نتَّا اَث يحَاسب س لْعِقَاب نّس.

22 أيث-كورينث 11:13

شُوْف، يرْيَازن اَم يِيْنَا تَارَّان يخف نْسن ذ اَرُّسُل خدّْمن ذ يغدَّارن، سْنعْمِيڒن ذ اَرُّسُل ن لْمَسِيح.

أيث-ݣلاطيا 5:12

أُو يِنِّي إِي كنِّيو يهدْجْشن خ طَّهَارث-أَ تْمنِّيغ اَذ رَاحن نِثْنِي اَذ قسّن يخف نْسن!

22 أيث-كورينث 2:17

أَقَا نشِّين مَاشِي اَم خَربِّي ن يِوْذَان يتݣّن تِّجَارَا ذݣ وَاوَاڒ ن أَربِّـي، نشِّين ذِي لْمَسِيح نسَّاوَاڒ س وُوْڒ يصْفَا زِي أَربِّـي أُو زَّاث إِ أَربِّـي.

لواحي ن يوحنا 20:3

ئِنْضَر-يث ذِي ڒَادْجغ بْڒَا ڒَاحدّ، ئِبلّع خَاس ثَوَّارْث يشمّع-يت بَاش سّنِّي اَڒ ثْسَاونْت وَار يخدّع شَا ڒݣْنُوْس اَڒ غَا كمّْڒن اَڒَاف ن يسݣّْوُوْسَا نِّي. منْبَعْد إِ مَانَاينِّي لَابُد اَذ يتْوَاضْڒق شْوَايْت ن ڒْوقْث.

2 يوحنا 1:10

ونِّي إِي غَارْوم د يتَاسن وَار د يتِيوِي اَكِذس تَّعْلِيم-أَ، ئِتْخصَّا-كنِّيو وَار ث ثْسِيذِيفم شَا غَار ثُوْذْرِين نْوم وَار ذَاس ثقَّارم شَا حتَّا ؤُڒَا ذ أَزُوْل.

1 يوحنا 4:1

آي يمْعِيزّن ينُو، وَار تِيقِّيم شَا ذِي مَارَّا اَرُّوْحَاث، جَرّْبم-ثن بَاش اَذ تسّْنم مَا زِي أَربِّـي مَا لَّا. قَا فّْغن-د اَطَّاس ن يثَرَّاسن غَار دُّنشْت-أَ تَارَّان يخف نْسن ذ لْأَنْبِيَا.

لواحي ن يوحنا 19:20

يتْوَاطّف ڒْوَحْش ذ اَمحْبُوْس، أَكِذس ونِّي يتَارَّان يخف نس ذ نَّبِي إي تُوْغَا يتݣّن لْمُعْجِزَاث زَّاث إِ ڒْوَحْش. س لْمُعْجِزَاث نِّي يخْذع يِنِّي إِي ذِي يدْجَا طَّبَع ن ڒْوَحْش تْسجَّاذن-اَس إِ لْأَصْنَام نّس. ڒْوَحْش ذ ونِّي يتَارَّان يخف نّس ذ نَّبِي منْضَارن س ثْنَاين إِذْسن ذِي ڒبْحَر ن ثْمسِّي يرقّن س ڒكْبْرِيْيث أُو نِثْنِي اَقَاثن عَاذ س بُوْحْبڒ نْسن.

لواحي ن يوحنا 13:14

ئِخدّع يمزْذَاغ ن ثْمُورْث س لْمُعْجِزَاث نِّي إِي ذَاس يتْوَاسمْحن اَثنْت يݣّ زَّاث إِ ڒْوَحْش اَمزْوَارُو. يُوْمَر يمزْذَاغ ن ثْمُوْرْث اَذ صنْعن يجّن ن لْأَصْنَام اَم ڒْوَحْش نِّي إِي ذِي يدْجَا وجَرِّيح ن سِّيف وَلَكِن نتَّا يدَّر.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 2:20

وَلَكِن عيّْبغ خَاش وَامِي ثجِّيذ إِزَابِيل ثَمْغَارْث تَارَّا يخف نّس ذ نَّبِـيَا. ثْخدّع لْعِبَاد ينُو، ثْسڒْمَاذ-يثن اَذ فسْذن، أَذ شّن زِي دْبِيحث يتْقدَّامن إِ لأَصْنَام.

لواحي ن يوحنا 2:6

وَلَكِن ثݣِّيذ مْلِيح وَامِي ثْعِيفّذ ڒخْذَايم ن ينِيْكُوْلَاثن إِي عِيفّغ ؤُڒَا ذ نش.

لواحي ن يوحنا 2:2

نش سّْنغ ڒخْذَايم نّش ذ تَمَارَا نّش ذ صّْبَار نّش. سّْنغ وَار ثْقبّْڒذ شَا يِنِّي يدْجَان ذ يعفَّانن، ثْجَرّْبذ يِنِّي يقَّارن قَا نشِّين ذ اَرُّسُل ثُوْفِيذ-ثن سْخرِّيقن وَاهَا.

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.

2 يوحنا 1:7

أَقَا اَطَّاس ن يثَرَّاسن نِثْنِي ذ يغدَّارن فّْغن-د غَار دُّنشْت-أَ، نكَّرن بلِّي عِيْسَى لْمَسِيح يمظْهَار-د س دَّات ن بْنَاذم. أَثَرَّاس-أَ إِي يدْجَان اَمُّو نتَّا ذ اَغدَّار وَاهَا ذ دّجَّال إِي يدْجَا.

1 يوحنا 2:26

ؤُرِيغ-اَوم-د ثِمسْڒَايِين-أَ خ يِنِّي يرزُّوْن اَكنِّيو خذْعن.

2 تيموتاوس 2:18

نِثْنِي فّْغن اَبْرِيذ ن لْحَقِيقَا قَّارن قَا صَافِي يُوْم لْقِيَامَا يوْقع، تْضيَّاعن لْإِيمَان ن ڒبْعَاض ن يِوْذَان.

أيث-ݣلاطيا 6:17

سَّا اَڒ ثْسَاونْت يتْخصَّا وَار ذَايِي يتݣّ حَدّ تَمَارَا ڒَاحقَّاش دَّات ينُو ذَايس لْأَثَار ن عِيْسَى.

أيث-ݣلاطيا 4:17

يوْذَان-أَ يسعّْوَاجن لْإِنْجِيل، مِين رزُّوْن؟ تݣّن اَكِذْوم ڒْخِير اَطَّاس زَعْمَا وَلَكِن عْلَاحْسَاب اَعدِّيس نْسن يمْغَارن. رزُّوْن اَكنِّيو كسْبن بَاش اَكنِّيو سْبعّْذن خَانغ، ثُمَّا كنِّيو إِي ذَايْسن غَا يݣّن ڒْخِير اَطَّاس.

أيث-ݣلاطيا 2:4

رزُّوْن خَاس خ مَانَاينِّي شَان ن وَاوْمَاثن زَعْمَا تْبُوْصَارن وَاهَا، ؤُذْفن-د جَارَانغ س ثْنُوْفْرَا حمَا اَذ جسّْسن خ لْحُرِّيَا إِي غَارْنغ ذِي لْمَسِيح بَاش اَذَانغ اَرّن اَم يسمْغَان إِ شَّرِيعَا نْسن.

22 أيث-كورينث 4:2

نشِّين نتْبعَّاعذ خ ثْمسْڒَايِين ن ڒفْضِيحث إِݣ يتْوَاخدّْمن س ثْنُوْفْرَا. وَار نسْخدِّيم شَا ثَحْرَايْمِيث، وَار نتْحرِّيف شَا اَوَاڒ ن أَربِّـي. نشِّين زَّاث إِ أَربِّـي نْسڒْمَاذ لْحَقِيقَا بْڒَا مَا اَت نسْنُوْفَّر. أَمُّو غَارْسن مَارَّا يوْذَان ذِي ضَّمِير نْسن بلِّي ذَايْنغ تِّقث.

ڒخذايم 20:30

عَاوذ زَّايْوم اَذ د مظْهَارن شَان يثَرَّاسن اَذ سْعوّْجن لْحَقِيقَا حمَا ٱذ جَرّن غَارْسن يمحْضَارن.

ڒخذايم 13:10

ينَّا-ٱس: "شك ذ مِّيس ن إِبْڒِيس. شك ذ ڒَعْذُو ن قَاع مِين يدْجَان نِيشَان، ثشُّوْرذ س لْحِيلَا ذ ثحْرَايْمشْت! مَا عَاذ ثْرزُّوْذ اَذ تْعوّْجذ يبْرِيذن إِي يدْجَان نِيشَان ن سِيذِي أَربِّـي؟

أَسڒْمذ ن سِيذِيثْنغ عِيْسَى لْكِتَاب ن مَتَّى 24:24

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

أيث-ݣلاطيا 1:6

نش ستْعجِّيبغ ذَايْوم، ذغْيَا ثْسمْحم ذِي أَربِّـي إِي ذَاوم د يڒَاغَان س اَرْضَا ن لْمَسِيح ثْذفَّارم شَان ن لإِنْجِيل نّغْنِي مْزُوَّار!