أيث-ؤفسوس 5:21 - ثريفيث 2020

²¹ طَاعم إِ وَايَاوْيَا عْلَاحْسَاب ڒُوقَّر نْوم إِ لْمَسِيح.

أيث-ؤفسوس 5:21 Referans Kwoze

أيث-فيليـپـي 2:3

وَار تݣّم وَالُو زِي لْأَنَانِيَا نِغ زِي تَّكبُّر. بْڒَا تَّكبُّر وقَّرم ينّغْنِي حْسن زݣ يِيخف نْوم.

أيث-ؤفسوس 5:24

أُو مَامّش ثْطَاعَا جْمَاعث ن ڒْمُوْمِنِين إِ لْمَسِيح، أَمنِّي إِي غَا طَاعنْت ثمْغَارِين إِ يرْيَازن نْسنْت ذِي مَارَّا.

أيث-ؤفسوس 5:22

آ ثِمْغَارِين، طَاعنْت إِ يرْيَازن نْكنْت مَامّش إِي ثْطَاعَانْت إِ سِيذِيثْنغ.

1 بطرس 5:5

آي يحنْجِيرن، كنِّيو طَاعث عَاوذ إِ يِنِّي يدْجَان ذ يمقّْرَانن. سْوجْذث يخف نْوم مَارَّا كنِّيو س يِجّن ن اَرَّاي اَك وَايَاوْيَا وَار ذَايس بُو تَّكبُّر مِينْزِي <أَربِّـي اَقَاث ضد ن يِنِّي يسمْغَارن يخف نْسن، يِنِّي يسمْزَاين يخف نْسن يتِيشّ-اَسن اَرْضَا نّس.>

يعيبرانيين 13:17

طَاعث إِ يِنِّي خَاوم يتْرَايَّان، ݣّم-اَسن اَرَّاي مِينْزِي ذ يِنِّي إِݣ يحطَّان ڒَعْمَار نْوم. أَذ ؤُشن نِثْنِي ڒحْسَاب خ مَانَايَا إِ أَربِّـي. طَاعث إِ يِيْنَا بَاش ڒْخذْمث نْسن اَزَّايس فَرْحن وَار خَاسن تْبسِّيڒ شَا. مڒَا ثݣِّيم ثَغنَّانْت اَتَاف وَار كنِّيو ينفّع وَالُو.

1 بطرس 2:17

وقَّارث مَارَّا يوْذَان. سْعِيزّث اَيثْمَاثْوم. ݣّْوْذث زِي أَربِّـي. وقَّارث اَزدْجِيذ.

1 تيموتاوس 3:4

أَذ يِيڒِي ذ يجّن ن بْنَاذم إِݣ يحكّْمن خ ثدَّارْث نّس مْلِيح، تْطَاعَان-اَس يحنْجِيڒن نّس تْسذْحَان-ث.

أيث-ݣلاطيا 5:13

شُوْف آي أَيثْمَا، ئِڒَاغَا-يَاوم-د أَربِّـي بَاش اَذ تِيڒِيم حُرّ. وَلَكِن وَار تجَّاث شَا لْحُرِّيَا-يَا نْوم اَذ تِيڒِي ذ يجّن ن وبْرِيذ إِي زِي غَا ثْسعِّيفم شّهْوث ن طَّبِيعَا ثَعفَّانْت نْوم؛ لَّا، أَذ تْسخَّارم إِ وَايَاوْيَا س ڒمْحِبّث.

1 تيموتاوس 2:11

ثَمْغَارْث أُو لَابُد اَذ تڒْمذ س طَّاعَا ذ ڒْهُدْنث.

1 بطرس 2:13

خ سَّبَاب ن سِيذِيثْنغ طَاعث إِ كُڒ لْحَاكم ؤُمِي يمُّوْش ڒْحَقّ نِيْشَان اَذ يحْكم. وَاخَّا نتَّا ذ اَزدْجِيذ يتحْكَامن خ مَارَّا،

22 أيث-كورينث 7:1

إِذن آي يمْعِيزّن ينُو، وَامِي ذَانغ يعَاهذ أَربِّـي خ ثْمسْڒَايِين-أَ لَابُد أَ نسِّيصْفَا يخف نّغ زِي مَارَّا مِين ذَانغ يسخْنِيزن ذِي دَّات ذ اَرُّوْح حمَا أَ نِيڒِي ذ صَّالِحِين بْڒَا اَخطِّي س ثِيݣّْوْذِي ن أَربِّـي.

22 أيث-كورينث 5:11

فَلِهَاذَا وَامِي نسّن أَ نݣّْوذ زِي سِيذِيثْنغ، نْرزُّو يوْذَان اَذ قْتَنْعن. ئِي مِين نعْنَا نشِّين يسّن-يث أَربِّـي مْلِيح، أُو تْمنِّيغ عَاوذ ضَّمِير نْوم اَذ يسّن مَانَاينِّي.