أيث-ؤفسوس 4:3 - ثريفيث 2020

³ ݣّث مَارَّا لْمجْهُوْد نْوم بَاش اَذ تِيڒِيم ذ يجّن ذِي أَرُّوْح يقدّْسن وَامِي ثطّْفم فُوْس ذݣ وفُوْس س ڒهْنَا.

أيث-ؤفسوس 4:3 Referans Kwoze

1 أيث-كورينث 1:10

فَا تتَّارغ زَّايْوم آي اَيثْمَا س يِيسم ن سِيذِيثْنغ عِيْسَى لْمَسِيح، مْسفْهَامث اَك وَايَاوْيَا حمَا وَار يتِيڒِي بُو لْخِلَاف جَارَاوم. ئِتْخصَّا كنِّيو اَذ تِيڒِيم كِيف-كِيف ذِي ڒَعْقُوْڒَاث نْوم ذ اَرَّاي نْوم.

يعيبرانيين 12:14

ݣّث لْمجْهُوْد بَاش اَذ تْعِيشم ذِي ڒهْنَا اَك مَارَّا يوْذَان أُو بَاش اَذ تِيڒِيم ثصْفَام. بْڒَا أَ نِيڒِي نصْفَا وَار ذِنِّي حَدّ إِي غَا يࢲرن مَاوْلَانَا.

يوحنا 13:34

ڒخُّو تِيشّغ-اَوم يجّن ن ڒُوْصِيّث ذ جْذِيذ: حِبّث اَيَاوْيَا. أُو حِبّث اَيَاوْيَا مَامّش كنِّيو حِبّغ نش.

22 أيث-كورينث 13:11

صَافِي آي أَيثْمَا، فَرّْحث. صڒْحث يبْرِيذن نْوم نِيشَان. تْصنَّاطث غَارِي مِين ذَاوم قَّارغ. إِڒِيث ذ يجّن ذِي اَرَّاي نْوم. تْعِيشث ذِي ڒهْنَا. أَربِّـي نّغ ن ڒمْحِبّث ذ ڒهْنَا اَذ يِيڒِي اَكِذْوم.

1 أيث-سلونيك 5:13

ؤُشم-اَسن يجّن ن لْقِيمَا ثمْغَر س ڒمْحِبّث نْوم عْلَاحْسَاب ڒْخذْمث نْسن. إِڒِيم عَاوذ ذِي ڒهْنَا اَك وَايَاوْيَا.

أيث-ؤفسوس 4:4

جْمَاعث ذ يشْتن، أَرُّوْح يقدّْسن ذ يجّن. أَمنِّي أَربِّـي وَامِي ذَاوم د يڒَاغَا، يڒَاغَا-ٱوم-د غَار لْأَمَال ذ يجّن.

أيث-ؤفسوس 4:13

أَڒ غَا نِيڒِي مَارَّا ذ يجّن ذِي لْإِيمَان أُو ذِي ثُوْسْنَا خ مِّيس ن أَربِّـي. أَڒ غَا نِيڒِي مَارَّا عَاوذ نمْغر يعْنِي ذ يرْيَازن اَم ڒَعْبَر نِّي يكْمَاڒ ن ڒْقدّْ ن لْمَسِيح.

مرقس 3:24

لْممْلَكَا إِي ذِي تْمنْغَان اَيْثْبَاب نّس يجّن اَك ونّغْنِي وَار ثْزمَّر اَذ تقِّيم.