أيث-ؤفسوس 4:14 - ثريفيث 2020

¹⁴ أَمنِّي وَار نتْغِيمِي شَا ذ يحنْجِيرن تَاوِينْت-اَنغ ڒمْوَاج تَارَّانْت-اَنغ. نِغ ذ اَرِّيح يتْصُوْض خَانغ يكسِّي-يَانغ سَّا ذ سَّا س كُڒ اَرِّيح زَعْمَا ن وسڒْمذ أُو س ثحْرَايْمِيث ذ يخَرْوِيضن ن يرْيَازن ذ مِين تْشِيطِّينن.

أيث-ؤفسوس 4:14 Referans Kwoze

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.

1 أيث-كورينث 14:20

لَّا آي اَيثْمَا، وَار تْفكَّرث شَا اَم يحنْجِيرن يمزْيَانن. إِڒِيث اَم يسيْمَان ذِي شَّرّْ؛ إِڒِيث اَم يمقّْرَانن عْلَاحْسَاب ڒَعْقڒ.

1 يوحنا 4:1

آي يمْعِيزّن ينُو، وَار تِيقِّيم شَا ذِي مَارَّا اَرُّوْحَاث، جَرّْبم-ثن بَاش اَذ تسّْنم مَا زِي أَربِّـي مَا لَّا. قَا فّْغن-د اَطَّاس ن يثَرَّاسن غَار دُّنشْت-أَ تَارَّان يخف نْسن ذ لْأَنْبِيَا.

22 أيث-كورينث 2:17

أَقَا نشِّين مَاشِي اَم خَربِّي ن يِوْذَان يتݣّن تِّجَارَا ذݣ وَاوَاڒ ن أَربِّـي، نشِّين ذِي لْمَسِيح نسَّاوَاڒ س وُوْڒ يصْفَا زِي أَربِّـي أُو زَّاث إِ أَربِّـي.

ثبرات غار يعقوب 1:6

وَلَكِن مَانَايَا يتْخصَّا-يَاس اَذَاس ث يتَّار س لْإِيمَان بْڒَا مَا ٱذ يشكّ ڒَاحقَّاش ونِّي يتْشكَّان يݣَّا اَم ڒْمُوْجث ن ڒبْحَر يسْهَاجَا-ت اَرِّيح يتَاوِي-ت يتَارَّا-ت-يد.

أيث-ؤفسوس 6:11

ݣّم خَاوم مَارَّا ڒسْنَاح ن أَربِّـي بَاش اَذ تسْبدّم مِين خَاوم يتْشِيطِّين إِبْڒِيس.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:24

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

2 تيموتاوس 4:3

أَقَا اَذ تَاس ڒْوقْث نِّي نِثْنِي وَار تْصنِّيطن شَا غَار تَّعْلِيم نِيشَان؛ أَغَارْسن د سْمُوْنن يجّن ن لْعَدَد ن يمْسڒْمَاذن سَّاوَاڒن غِير مِين ذَاسن يعجْبن إِ يمجَّان نْسن وَاهَا.

ثبرات زي يهوذا 1:12

يثَرَّاسن-أَ يِيْنَا تْوسَّاخن يمنْسِيون نْوم ن ثمْعَاشَرْث. تتّن اَكِذْوم بْڒَا مَا ٱذ سذْحَان، نِثْنِي ݣِّين اَم شَا ن يمكْسَاون إِي عتّْقن يخف نْسن وَاهَا. نِثْنِي ذ يسيْنُوْثن بْڒَا يَانْࢲَار غِير يتَاوِي-ثن اَرِّيح يتَارَّا-ثن. نِثْنِي ݣِّين اَم ثْشجُّوْرَا ذِي ڒخْڒِيف وَار يتَارْون شَا، تْنقْڒَاعنْت-يد زݣ يࢲوْرَان نْسنْت؛ يعْنِي يبْرِيذن نْسنْت مُّوْثن س ثْنَاين.

لواحي ن يوحنا 19:20

يتْوَاطّف ڒْوَحْش ذ اَمحْبُوْس، أَكِذس ونِّي يتَارَّان يخف نس ذ نَّبِي إي تُوْغَا يتݣّن لْمُعْجِزَاث زَّاث إِ ڒْوَحْش. س لْمُعْجِزَاث نِّي يخْذع يِنِّي إِي ذِي يدْجَا طَّبَع ن ڒْوَحْش تْسجَّاذن-اَس إِ لْأَصْنَام نّس. ڒْوَحْش ذ ونِّي يتَارَّان يخف نّس ذ نَّبِي منْضَارن س ثْنَاين إِذْسن ذِي ڒبْحَر ن ثْمسِّي يرقّن س ڒكْبْرِيْيث أُو نِثْنِي اَقَاثن عَاذ س بُوْحْبڒ نْسن.

أيث-ݣلاطيا 3:1

آ أَيث-ݣَلَاطْيَا، مَا ثْبُوْهْڒِيّم نِغ؟ وِي ذَاوم يݣِّين سّْحُوْر؟ نْشرّح-اَوم مْلِيح زَّاث إِ ثِيطَّاوِين نْوم مَامّش يمُّوْث لْمَسِيح خ صَّلِيب.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:11

أَذ د مظْهَارن اَطَّاس ن يِوْذَان اَذ اَرّن يخف نْسن ذ لْأَنْبِيَا، أَذ خذْعن اَطَّاس ن يِوْذَان.

1 يوحنا 2:26

ؤُرِيغ-اَوم-د ثِمسْڒَايِين-أَ خ يِنِّي يرزُّوْن اَكنِّيو خذْعن.

2 تيموتاوس 3:13

أَمَّا يرْيَازن يعفَّانن ذ يرْيَازن يشمَّاثن نِثْنِي اَذ ارْنِين ذِي ثُوْعُوْفّْنَا وَاهَا، نِثْنِي اَذ شمّْثن اَذ تْوَاشمّْثن.

22 أيث-كورينث 4:2

نشِّين نتْبعَّاعذ خ ثْمسْڒَايِين ن ڒفْضِيحث إِݣ يتْوَاخدّْمن س ثْنُوْفْرَا. وَار نسْخدِّيم شَا ثَحْرَايْمِيث، وَار نتْحرِّيف شَا اَوَاڒ ن أَربِّـي. نشِّين زَّاث إِ أَربِّـي نْسڒْمَاذ لْحَقِيقَا بْڒَا مَا اَت نسْنُوْفَّر. أَمُّو غَارْسن مَارَّا يوْذَان ذِي ضَّمِير نْسن بلِّي ذَايْنغ تِّقث.

أَسڒْمذ ن سِيذِيثْنغ عِيْسَى لْكِتَاب ن مَتَّى 11:7

وَامِي روّْحن يمحْضَارن ن يَحْيَى، عِيْسَى يبْذَا يسَّاوَاڒ خ يَحْيَى يقَّار-اَسن إِ ڒْغَاشِي نِّي: "مِينْخف ثفّْغم اَذ تࢲرم ذِي ڒخْڒَا؟ مَا غَار يج وغَانِيم يتْهزَّا-ث اَرِّيح؟ لَّا!

1 أيث-كورينث 12:2

قَا ثسّْنم بلِّي وَامِي تُوْغَا كنِّيو ذ لْكُفَّار تْوَاسُوْفْغم زݣ وبْرِيذ غَار لْأَصْنَام يزيْنُوْنن.

ڒخذايم 23:21

وَار ثن تجَّا شَا اَش سْقنْعن قَا ذِنِّي كْتَار زِي اَرْبعِين ن يرْيَازن وجّْذن إِ بُوْلُس، وعْذن أَربِّـي حَرّْمن يخف نْسن وَار تتّن وَار سسّن اَڒ ث غَا نْغن. أَقَا نِثْنِي وجّْذن، غِير تْرَاجَان اَذ تْوَافْقذ خ طَّلب نْسن!"

1 يوحنا 2:19

فّْغن زَّايْنغ وَلَكِن تُوْغَا وَار دْجِين شَا زَّايْنغ. مَعْلِيك زَّايْنغ، أَتَاف قِّيمن اَكِذْنغ. نِثْنِي فّْغن بَاش اَد د يبَان بلِّي وَار دْجِين شَا زَّايْنغ.

2 بطرس 2:18

سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.

ثبرات غار يعقوب 3:4

شُوْف عَاوذ، أَغَرَّابُو وَاخَّا ذ اَمقّْرَان اَطَّاس يذفّع-يث أَرِّيح يجهْذن، وَلَكِن اَرَّايس يزمَّر اَث ينْده س يِجّن ن دْمَام ذ اَمزْيَان اَث ينْده مَانِي مَا يخس.

1 تيموتاوس 3:6

أَرَّايس-أَ، مَاشِي يَالَّاه إِي يسْڒم اَذ يُوْفّ س تَّكبُّر خ ڒْخذْمث-أَ اَذ يوْضَا ذِي لْعُقُوْبَا نِّي ن إِبْڒِيس.

2 تيموتاوس 1:15

شك ثسّْنذ بلِّي مَارَّا يِنِّي يدْجَان ذِي لْإِقْلِيم ن آسْيَا سمْحن ذَايِي ؤُڒَا ذ فِيْخُوْلُوْس ذ هِيْرْمُوْجِيْنُوْس.

1 أيث-كورينث 3:19

شُوْف، ڒفْهَامث ن دُّنشْت-أَ نتَّاث ذ ثُوْبُّوْهْڒِيَا وَاهَا غَار أَربِّـي. لِأَنَّا يقَّار لْكِتَاب: <نتَّا يطّف يمِيغِيسن ذݣ يخَارْوِيضن نْسن.>