أيث-ؤفسوس 3:5 - ثريفيث 2020

⁵ ڒْمَعْنَا-يَا وَار ثِيذ يسْمظْهَار شَا أَربِّـي إِ ثَارْوَا ن آدَم ذِي زْمَانَاث إِي يعْذُوْن اَم مَامّش ثِيذ يسْمظْهَار ڒخُّو س أَرُّوْح يقدّْسن إِ اَرُّسُل صَّالِحِين اَك لْأَنْبِيَا.

أيث-ؤفسوس 3:5 Referans Kwoze

ثبرات زي يهوذا 1:17

فَا كنِّيو آي يمْعِيزّن ينُو، فكَّرث مِين تُوْغَا قَّارن زِي قْبڒ اَرُّسُل ن سِيذِيثْنغ عِيْسَى لْمَسِيح.

2 بطرس 3:2

خْسغ اَذ تْعقْڒم خ وَاوَاڒن نِّي تُوْغَا نَّان ذِي زْمَان لْأَنْبِيَا صَّالِحِين؛ خْسغ اَذ تْعقْڒم عَاوذ خ ڒُوْصِيّث نِّي ن ومْسنْجم نّغ ذ سِيذِيثْنغ يعْنِي ثنِّي إِي ذَاوم د يمُّوْشن س ؤُقمُّوْم ن اَرُّسُل نْوم.

أيث-ؤفسوس 2:20

ثَدَّارْث-أَ نتَّاث ثبْنَا خ دْسَاس ن يِيزْرَا يدْجَان ذ اَرُّسُل ذ لْأَنْبِيَا. أُو لْمَسِيح س يِيخف نّس اَقَاث ذ اَزْرُو نِّي يدْجَان ذݣ ومْشَان اَصبْحَان ذِي ثْغمَّارْث ن دْسَاس نّس.

أيث-ؤفسوس 3:9

عَاوذ بَاش اَذ سظْهَارغ مْلِيح إِ مَارَّا يوْذَان مِين يخطّط أَربِّـي ذِي ڒْمَعْنَا نِّي ينُوْفَّرن إِݣ يجَّا نتَّا ذݣ يِخف نّس ذِي زْمَانَاث يعْذُوْن أُو ذ نتَّا ذ لْخَالِق ن مَارَّا مِين يدْجَان ذ ثِمسْڒَايِين.

ڒخذايم 10:28

ينَّا-ٱسن: "قَا ثسّْنم بلِّي يسْرَائِيلِيْين غَارْسن حْرَام اَذ خلّْطن اَك ڒْبَارَّانِي نِغ اَذ اَذْفن ثَدَّارْث نْسن. وَلَكِن أَربِّـي يسْفَاهم-اَيِي-د قْبڒ وَار قَّارغ إِ حَدّ قَا شك حْرَام نِغ مكْرُوْه.

لوقا 10:24

مِينْزِي اَذَاوم ينِيغ: أَطَّاس ن لْأَنْبِيَا ذ يزدْجِيذن رْزُوْن اَذ ࢲرن مِين تْوَاڒَام، وَلَكِن وَار ث ࢲْرِين شَا. رْزُوْن اَذ سْڒن مِين ثسْڒَام، وَلَكِن وَار ث سْڒِين شَا."

يوحنا 14:26

لْمُعَاوِن نِّي نتَّا ذ أَرُّوْح يقدّْسن، أَثِيذ يسّكّ بَابَا عْلَاحْسَاب يسم ينُو اَذَاوم يسڒْمذ كُڒْشِي اَكنِّيو يسْفكَّر مَارَّا مِين ذَاوم نِّيغ.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:17

أَقَا تسْڒَام ڒْحَقّ: أَطَّاس ن لْأَنْبِيَا ذ ڒْمُوْمِنِين رْزُوْن اَذ ࢲرن مِين تْوَاڒَام، وَلَكِن وَار ث ࢲْرِين شَا. رْزُوْن اَذ سْڒن مِين تسْڒَام، وَلَكِن وَار ث سْڒِين شَا.

أيث-روما 16:25

ئِتْوَابَرَاك أَربِّـي! نتَّا ذ ونِّي يزمَّرن اَذَاوم يُوْش جّْهذ س لْإِنْجِيل-أَ إِي تْبشَّارغ أُو عَاوذ س ؤُحدّث ن عِيْسَى لْمَسِيح عْلَاحْسَاب مِين د يبَانن تُوْغَاث مَانَاينِّي زِي زْمَان ينُوْفَّر.

يوحنا 16:13

خْمِي د غَا يَاس أَرُّوْح ن لْحَقِيقَا، أَتَاف اَذَاوم د يسْبيّن لْحَقِيقَا ثكْمَاڒ. أَقَا نتَّا وَار يسِّيوِيڒ شَا زݣ يِيخف نّس، يسَّاوَاڒ إِلَّا زِي مِين ذَاس غَا يِينِي أَربِّـي. أَذَاوم يخبَّر ذِي ثْمسْڒَايِين إِي د غَا يَاسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:34

خ مَانَايَا خْزَرم! تْسكِّيغ-اَوم-د لْأَنْبِيَا ذ يمِيغِيسن ذ يمْسڒْمَاذن. ئِجّن زَّايْسن اَث ثنْغم، ئِجّن اَث ثْصلّْبم. ئِجّن زَّايْسن اَث ثُوْوْثم س وسْغُوْن ذِي ثمْزِيذَاوِين، ئِجّن اَخَاس ثَازّْڒم زِي ثنْدِينْت غَار ثنْدِينْت.

لوقا 11:49

خ مَانَايَا عَاوذ ثقَّار لْحِكْمَا ن أَربِّـي اَذَاسن سّكّغ لْأَنْبِيَا ذ اَرُّسُل، ئِجّن اَث نْغن يجّن اَخَاس اَزّْڒن.

1 أيث-كورينث 2:10

ثِمسْڒَايِين نِّي يسْمظْهَار-اَنغ-ثنْت-يد أَربِّـي س اَرُّوْح نّس. لِأَنَّا اَرُّوْح ن أَربِّـي يخزَّر ذِي ثْمسْڒَايِين مَارَّا، وَاخَّا ذ مِين يُوْدْجْغن ن أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 20:7

نَّان-اَس: وَالُو، وَار ذَانغ يسخْذم حَدّ. ينَّا-ٱسن: رُوْحم ؤُڒَا ذ كنِّيو غَار ومَرْجع ينُو.