أيث-ؤفسوس 3:19 - ثريفيث 2020

¹⁹ أَذ تسّْنم عَاوذ مْلِيح ڒمْحِبّث-أَ ثَانِيتَا ن لْمَسِيح مشْحَاڒ ثمْغر خ مَارَّا ثُوْسْنَا ذِي دُّنشْت-أَ بَاش اَذ تشَّارم س مِين يشُّوْر أَربِّـي.

أيث-ؤفسوس 3:19 Referans Kwoze

أيث-ؤفسوس 1:23

جْمَاعث-أَ نتَّاث إِي يدْجَان ذ دَّات ن لْمَسِيح أُو زَّايس نتَّاث إِي يشُّوْر يِيخف نّس أُو ذ نتَّا إِي يشُّوْرن مَارَّا ذِي مِين ذِي مَا.

أيث-كولوس 1:10

حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.

22 أيث-كورينث 5:14

لِأَنَّا ڒمْحِبّث ن لْمَسِيح تْسَيْطَر خَانغ وَامِي نسّن يجّن يمُّوْث عْلَاحْسَاب مَارَّا يوْذَان. فَلِهَاذَا ڒْموْث نّس ذ ڒْموْث ن مَارَّا يوْذَان.

يوحنا 1:16

س لْبَرَكَا نّس ثَمقّْرَانْت يبَرك-اَنغ مَارَّا س اَرْضَا خ اَرْضَا.

أيث-فيليـپـي 4:7

ثُمَّا ڒهْنَا ن أَربِّـي إِݣ يتجْهِيذن خ مَارَّا ڒفْهَامث ذِي دُّنشْت-أَ ذ ونِّي إِي غَا يحْضَان ؤُڒَاون نْوم ذ ڒَعْقُوْڒَاث نْوم ذِي عِيْسَى لْمَسِيح.

أيث-ݣلاطيا 2:20

تْوَاصلّْبغ اَك لْمَسِيح. سَّا اَڒ ثْسَاونْت مَاشِي ذ نش إِ غَا يدَّرن؛ لَّا، ذ لْمَسِيح إِي غَا يدَّرن ذَايِي. ثُوْذَارْث-أَ إِي دَّرغ ڒخُّو ذِي دَّات ينُو، أَقَا دَّرغ-ت س لْإِيمَان ينُو زِي مِّيس ن أَربِّـي إِي ذَايِي يحِبّن يصدّق خَافِي يخف نّس.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

أيث-ؤفسوس 3:18

بَاش اَذ يِيڒِي غَارْوم جّهذ اَك مَارَّا صَّالِحِين اَذ تْزمَّرم اَذ تْفهْمم مشْحَاڒ ثِيڒِيو مشْحَاڒ ثَزيْرَاث مشْحَاڒ ثُوْعْڒَا مشْحَاڒ ثُوْدْجغ ڒمْحِبّث ن لْمَسِيح.

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:6

سَّعْذ نْسن إِ يِنِّي يدْجُوْزن يفُّوْذن غَار مِين يدْجَان نِيشَان، ڒَاحقَّاش نِثْنِي اَذ جَّاوْنن.

أيث-ؤفسوس 5:25

آي يرْيَازن، حِبّم ثِمْغَارِين نْوم مَامّش يحِبّ لْمَسِيح جْمَاعث ن ڒْمُوْمِنِين يصدّق خَاس يخف نّس حمَا اَت يسِّيصْفَا. يَارِّي-ت ذ ثَمنْقَاوِيث وَامِي ت يسِيرذ س وَامَان ذ وَاوَاڒ نّس.

أيث-فيليـپـي 1:7

غَارِي ڒْحَقّ اَذَايْوم فكَّرغ اَمنِّي ڒَاحقَّاش اَقَا كنِّيو غَارِي ذݣ وُوْڒ ينُو. أَقَا مَارَّا ثْشَرّْشم اَكِذِي ذِي اَرْضَا ن ڒْخذْمث-أَ وَاخَّا اَقَايِي ذِي ڒحْبس نِغ تْذَفَاعغ خ لْإِنْجِيل ذ ڒْحَقّ إِي ذَايس.

أيث-روما 8:35

وِي ذَانغ غَا يعزْڒن زِي ڒمْحِبّث ن لْمَسِيح؟ ؤُڒَا ذ يجّن! ڒَا ذ اَزيَّار، ڒَا ذ تَمَارَا، ڒَا ذ اَعدّب، ڒَا ذ بُوْهيُّوْف، ڒَا ذ ثُوْعَرْيَانْت، ڒَا ذ لْخَطَر، ؤُڒَا ذ سِّيف.

1 بطرس 1:8

ثْحِبّم-ث وَاخَّا وَار ث ثࢲْرِيم شَا. أَقَا ثُوْمْنم زَّايس وَاخَّا وَار ث تْوِيڒِيم شَا ڒخُّو. كنِّيو ثْعمَّرم س يِجّن ن ڒفْرَاحث ذ ثَمقّْرَانْت وَار ثْزمَّرم شَا اَت ثْشَرّْحم.