أيث-ؤفسوس 2:2 - ثريفيث 2020

² ذَايْسنْت إِي تُوْغَا تْعِيشم خْمِي ثݣُّوْرم ذݣ وبْرِيذ ن دُّنشْت-أَ ثْذفَّارم اَرَّايس ن ڒحْكَام إِي يدْجَان جَار وجنَّا ذ ثْمُوْرْث يعْنِي شِّيطَان إِي يدْجَان نتَّا ذ اَرُّوْح نِّي إِݣ يخدّْمن ذݣ يِنِّي إِي يعصَّان أَربِّـي.

أيث-ؤفسوس 2:2 Referans Kwoze

أيث-ؤفسوس 6:12

لِأَنَّا نشِّين وَار نتْمنْغِي شَا ضد إِ يِوْذَان ن ويْسُوْم ذ يذَامّن. لَّا، نتْمنْغَا ضذ ن ثْزمَّار ن ثَادْجسْت-أَ ثَانِيتَا ن زْمَان-أَ ذ يِنِّي إِݣ يحكّْمن ذ يِنِّي إِݣ يجهْذن ذِي ثَادْجسْت-أَ. نشِّين نتْمنْغَا ضذ ن شَّيَاطِين يعفَّانن إِݣ يدْجَان ذݣ يمُوْشَان ن يجنَّاثن.

1 يوحنا 5:19

نسّن إِلَّا نشِّين زِي أَربِّـي، نسّن عَاوذ مَارَّا دُّنشْت-أَ اَقَات سْوَادَّاي إِ ثْزمَّار ن لْمُفْسِيد.

أيث-ؤفسوس 2:3

نشِّين مَارَّا تُوْغَا نتْعِيش اَم نِثْنِي ذݣ يِجّن ن ڒْوقْث وَامِي تُوْغَا نتْسعَّاف شّهَاوَاث ن اَرَّاي اَعفَّان ن نّفْس نّغ نْذفَّار مِين يرزُّو ذ مِين يتْفكَّار. تُوْغَانغ اَم مَارَّا يوْذَان يعْنِي نشِّين زݣ يِنِّي إِي غَا يعَاقب سِيذِي أَربِّـي.

يوحنا 12:31

ڒخُّو اَذ تْوَاعَاقب دُّنشْت-أَ. ڒخُّو لْمُفْسِيد نِّي اَمقّْرَان ن دُّنشْت-أَ اَخَاس اَزّْڒن.

أيث-ؤفسوس 5:6

وَار تجَّاث شَان حَدّ اَكنِّيو يشْمث س وَاوَاڒن نّس يخْوَان. لِأَنَّا خ سَّبَاب ن ثْمسْرَايِين-أَ إِ د يهوَّا وغْضَاب ن أَربِّـي خ يِنِّي إِي ث يعصَّان.

يوحنا 8:44

بَابَاثْوم ذ إِبْڒِيس، ثْرزُّوْم اَذ تذْفَارم مِين يخس نتَّا. زݣ ومزْوَارُو نتَّا ينقّْ يوْذَان. وَار غَارس شَا لْعَلَاقَا اَك لْحَقِيقَا مِينْزِي نتَّا وَار ذَايس بُو لْحَقِيقَا. مڒْمِي مَا يسْخرَّق، أَتَاف يسَّاوَاڒ زِي مِين ذَايس مِينْزِي نتَّا ذ بُو-يخرِّيقن، ذ بَابَاثْسن ن يخرِّيقن.

أيث-ؤفسوس 4:22

إِيوَا تُوْغَا ثْڒمْذم اَذ تْسمْحم ذِي طَّبِيعَا نِّي نْوم تُوْغَا غَارْوم قْبڒ. لِأَنَّا طَّبِيعَا نِّي نْوم ثَرشَّا عْلَاحْسَاب شّهْوث نّس يسْتْوَاغَرّن.

1 أيث-كورينث 6:11

أَمُّو إِي تُوْغَا تݣّن ڒبْعَاض زَّايْوم، وَلَكِن ڒخُّو تْوَاسِيرْذم، تْوَاسِّيصْفَام، تْوَاسمْصْڒَاحم اَك أَربِّـي س يِيسم ن سِيذِيثْنغ عِيْسَى لْمَسِيح أُو س اَرُّوْح ن أَربِّـي نّغ.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

1 يوحنا 5:4

أَقَا مَارَّا ونِّي إِي د يخڒْقن زِي أَربِّـي اَذ يغْڒب خ دُّنشْت-أَ. ذ وَا ذ اَغْڒَاب إِي زِي نغْڒب خ دُّنشْت-أَ يعْنِي لْإِيمَان نّغ.

1 يوحنا 3:10

مَامّش غَا نݣّ أَ نسْفرق ثَارْوَا ن أَربِّـي ذ ثَارْوَا ن إِبْڒِيس؟ قَا يِنِّي وَار يقِّيمن شَا سْخدَّامن مِين يدْجَان نِيْشَان وَار دْجِين شَا زِي أَربِّـي. عَاوذ ونِّي وَار يتخْسن شَا ؤُمَاس وَار يدْجِي شَا زِي أَربِّـي.

1 بطرس 1:14

إِڒِيم اَم ثَارْوَا يتْطَاعَان، وَار ذفَّارث شَا شّهَاوَاث نِّي ثِعفَّانِين ثِنِّي إِي ذِي تُوْغَا تْعِيشم ذِي ڒقْفَاڒث نْوم يعْذُوْن.

لواحي ن يوحنا 20:2

ئِطّف ونِّي يݣِّين اَم دَّيْنَاصُوْر نتَّا ذ فِيغر نِّي ن زْمَان يعْنِي إِبْڒِيس نِغ ذ شِّيطَان، ئِقّن-يث يحْبس-يث اَڒَاف ن يسݣّْوُوْسَا.

1 يوحنا 4:4

كنِّيو آ يحنْجِيرن، زِي أَربِّـي إِي ثدْجَام. ئِثَرَّاسن-أَ ثْغڒْبم-ثن ڒَاحقَّاش ونِّي يدْجَان ذَايْوم يمْغَر خ ونِّي يدْجَان ذِي دُّنشْت-أَ.

1 بطرس 4:3

إِيوَا صَافِي، ثجِّيْوْنم زِي مِين تُوْغَا تْعِيشم عْلَاحْسَاب مِين رزُّوْن اَذ ݣّن لْكُفَّار يعْنِي ڒقْبَاحث ذ شّهَاوَاث ثِعفَّانِين ذ وَاطَّاس ن شّْرب ذ لْفَسَاد ذ زّْهُو ذ لْعِبَادَا ن لْأَصْنَام يعِيفّن.

أيث-كولوس 1:21

كنِّيو تُوْغَا قْبڒ تِݣّْوْجم خ أَربِّـي تْمنْغَام اَكِذس س ڒَعْقُوْڒَاث نْوم تݣّم ثِمسْڒَايِين ذ ثِعفَّانِين.

أيث-ݣلاطيا 1:4

لْمَسِيح يصدّق يخف نّس خ ڒْمُعْصِيّث نّغ س ڒْخَاضَر ن أَربِّـي بَابَاثْنغ حمَا اَذَانغ يسنْجم زِي زْمَان-أَ اَعفَّان إِي ذِي ندْجَا.

أيث-روما 12:2

وَار تݣّم شَا مِين تݣّن يِوْذَان ذِي ڒْوقْث-أَ ثَانِيتَا. ئِتْخصَّا اَغَارْوم يِيڒِي يجّن ن ڒَعْقڒ ذ جْذِيذ حمَا اَذ تْوَابدّْڒم، سّنِّي اَذ تسّْنم كنِّيو مِين يخس أَربِّـي، يعْنِي مِين يصبْحَان ذ مِين ذَاس يتعْجِيبن وَار ذَايس بُو وخطِّي.

ثبرات غار يعقوب 4:4

آ يِنِّي يخدّْعن، كنِّيو مَا وَار ثسِّينم شَا بلِّي ونِّي يتخْسن دُّنشْت-أَ ذ ونِّي ذ ڒْعَذُو ن أَربِّـي؟ وَاه، ونِّي يخْضَرن دُّنشْت-أَ قَا نتَّا نِيشَان ذ ڒْعَذُو ن أَربِّـي.

1 أيث-كورينث 5:10

وَلَكِن تُوْغَا وَار سِّيوِيڒغ شَا خ لْكُفَّار ن دُّنشْت-أَ يِنِّي يتݣّن لْفَسَاد نِغ ذ يضمَّاعن نِغ ذ يغشَّاشن نِغ ذ يِنِّي يعبّْذن لْأَصْنَام. مَعْلِيك اَمنِّي اَذ يِيڒِي لَابُد اَذ تفّْغم زِي دُّنشْت-أَ قَاع.

ڒخذايم 5:3

ينَّا-ٱس بُطْرُس: "آي أَنَاس، مَايمِّي ثجِّيذ شِّيطَان اَش يغَرّ يُوْذف ذݣ وُوْڒ نّش ثسْخرّْقذ خ أَرُّوْح يقدّْسن ثسْنُوْفَّرذ شَان ن تْمنْيَاث إِ يِيخف نّش زِي تْمنْيَاث ن ثْمُوْرْث نِّي؟

يوحنا 15:19

مَعْلِيك كنِّيو زِي دُّنشْت-أَ، إِڒِي كنِّيو ثْعِيزّم خ دُّنشْت-أَ. وَلَكِن كنِّيو وَار ثدْجِيم شَا زِي دُّنشْت. نش يخْضَرغ-كنِّيو زِي دُّنشْت-أَ، س مَانَاينِّي تْعِيفَّا-كنِّيو دُّنشْت.

يوحنا 14:30

وَار كِذْوم سِّيوِيرغ شَا نش عَاذ اَطَّاس مِينْزِي لْمُفْسِيد نِّي اَمقّْرَان ن دُّنشْت-أَ يتَاس-د. وَار غَارس بُو ثْزمَّار خَافِي.

2 بطرس 2:14

ثِيطَّاوِين نْسن غِير خزَّرنْت ذِي زّْنَا، وَار تْجِيْوِيننْت شَا س ڒْمُعْصِيَاث. نِثْنِي تْحدْجَاقن-د يِنِّي وَار يتجْهِيذن شَا ذِي لْإِيمَان، ؤُوْڒَاون نْسن تْرِينَارن ذِي طّْمَع. نِثْنِي ذ ثَارْوَا ن نَّعْڒث.

يوحنا 16:11

أُو غَلْطن خ لْحِسَاب مِينْزِي لْمُفْسِيد نِّي اَمقّْرَان ن دُّنشْت-أَ يتْوَاحْكم.

يوحنا 13:27

وَامِي يطّف اَرقُّوْز نِّي ن وغْرُوْم يَهُوْذَا ڒخْدّنِّي يُوْذف-يث شِّيطَان. ينَّا-ٱس عِيْسَى: "ذغْيَا، ٱݣّ مين غَا ثݣّذ."

يوحنا 13:2

قْبڒ اَمنْسِي تُوْغَا إِبْڒِيس يغَرّ يَهُوْذَا مِّيس ن سِمْعَان إِسْخَرْيُوْطِي حمَا اَذ يزّنْز عِيْسَى.

يوحنا 8:23

ينَّا-ٱسن عِيْسَى: "كنِّيو زݣ وَادَّاي يعْنِي زِي ثْمُوْرْث، نش زݣ وجنَّا. كنِّيو زِي دُّنشْت-أَ، نش وَار دْجِيغ شَا زِي دُّنشْت-أَ.

يوحنا 7:7

دُّنشْت وَار ثْزمَّر شَا اَكنِّيو ثْعِيفّ، نش تْعِيفَّا-ٱيِي دُّنشْت مِينْزِي شهّْذغ قَا ڒخْذَايم ن دُّنشْت-أَ ذ ثِعفَّانِين.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:38

أَمَرْجع نتَّا ذ دُّنشْت. زَّرِّيعث ثَصبْحَانْت نتَّاث ذ ثَارْوَا ن ڒْمُلْك وجنَّا. ئِسنَّانن نِثْنِي ذ ثَارْوَا ن وعفَّان نِّي ن إِبْڒِيس.

لواحي ن يوحنا 13:8

مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.

1 يوحنا 3:8

ونِّي إِݣ يقِّيمن يسْخدَّام ڒْمُعْصِيَاث نتَّا زݣ إِبْڒِيس ڒَاحقَّاش إِبْڒِيس يقِّيم يعصَّا زݣ ومزْوَارُو. مَايمِّي د يمظْهَار مِّيس ن أَربِّـي؟ ئِمظْهَار-د بَاش اَذ يرز ڒفْعَايڒ ن إِبْڒِيس.

ثبرات غار يعقوب 1:7

بْنَاذم-أَ يتْخصَّا-يَاس وَار يتْفكِّير شَا بلِّي سِيذِي أَربِّـي اَذَاس يُوْش شَان ڒْحَاجث.

2 تيموتاوس 4:10

مِينْزِي دِيْمَاس يسْمح ذَايِي ثُوْوِي-ث ڒمْحِبّث ن دُّنشْت-أَ يرُوْح غَار ثنْدِينْت ن سَالُوْنِيك. ئِرُوْح كْرِيسْكُوْس غَار لْإِقْلِيم ن ݣَلَاطْيَا، ئِرُوْح تِيتُوْس غَار جِّهث ن دَلْمَاسْيَا.

ڒخذايم 19:35

يُوْسَا-د نَائِب ن لْحَاكم ن ثنْدِينْت يهدّن ڒْغَاشِي نِّي ينَّا-ٱسن: "آي يرْيَازن ن ؤُفَسُوْس، مَا ذِنِّي شَا حَدّ إِي وَار يسِّينن شَا بلِّي ثَنْدِينْت-أَ ن ؤُفَسُوْس ذ نتَّاث إِي يحطَّان زَّاوْيِث ن ثَارْطَمِيسْت ثَمقّْرَانْت ذ وزْرُو نّس اَمْقدّس إِي د يوْضَان زݣ وجنَّا؟

لوقا 22:31

ينَّا-ٱس عِيْسَى: "خْزَر آ سِمْعَان: شِّيطَان يرْزُّو اَكنِّيو يغَرْبڒ اَم مَامّش تْغَارْبَڒن يرْذَان.

لوقا 16:8

بَاب ن شِّي يشكَّر اَوقَّاف نّس ذِي يدْجَا لْحِيلَا خ ڒفْطَانث نّس. شُوْف، ثَارْوَا ن زْمَان-أَ ذَايْسن ڒفْطَانث جَارَاسن كْتَار زِي ثَارْوَا ن نُّوْر.

أَسڒْمذ ن سِيذِيثْنغ عِيْسَى لْكِتَاب ن مَتَّى 11:19

يُوْسَا-د مِّيس ن بْنَاذم يتتّ يسسّ وَار يتْࢲُوْمِّي شَا، نَّان قَا وَانِيتَا يتتّ يسسّ اَطَّاس، عَاوذ نتَّا ذ اَمدُّوْكڒ ن يعشَّارن ذ يِنِّي يعصَّان. إِنَّمَا، ڒفْهَامث ن أَربِّـي قبّْڒن-تث مَارَّا يِنِّي يفهّْمن."

لواحي ن يوحنا 16:17

ثكَّر لْمَلَائِكَا وِيس سبْعَا ثْزدْجع ثِمجْمَارْث نّس ذِي لْهَوَا سْڒِيغ إِ يِجّن ن ثْمِيجَّا زِي ثمْزِيذَا ثَمقّْرَانْت إِي د يكِّيْن زِي لْعَرْش يقَّار س جّْهذ: "صَافِي، يتْوَاكمّڒ!"

لواحي ن يوحنا 13:14

ئِخدّع يمزْذَاغ ن ثْمُورْث س لْمُعْجِزَاث نِّي إِي ذَاس يتْوَاسمْحن اَثنْت يݣّ زَّاث إِ ڒْوَحْش اَمزْوَارُو. يُوْمَر يمزْذَاغ ن ثْمُوْرْث اَذ صنْعن يجّن ن لْأَصْنَام اَم ڒْوَحْش نِّي إِي ذِي يدْجَا وجَرِّيح ن سِّيف وَلَكِن نتَّا يدَّر.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:22

زَّرِّيعث نِّي إِݣ يوْضَان جَار يسنَّانن نتَّاث اَم يِجّن ن بْنَاذم إِي يتْسْڒَان إِ وَاوَاڒ ن أَربِّـي ذَايس اَمْنُوْس ن دُّنشْت، يشمّث-يث طّْمَع ن وَاݣْڒَا، سّنِّي يتْوَاجيّف وَاوَاڒ ن أَربِّـي وَار ينفّع شَا.

مرقس 4:19

ذَايْسن اَمْنُوْس ن دُّنشْت، يشمّث-يثن طّْمَع ن وَاݣْڒَا، ذَايْسن شّهَاوَاث ن ثْمسْڒَايِين نّغْنِي، سّنِّي يتْوَاجيّف وَاوَاڒ ن أَربِّـي وَار ينفّع شَا.

أيث-ؤفسوس 1:21

ئِسُوْعْڒَا-ث أَربِّـي اَطَّاس خ مَارَّا ڒحْكَام ذ ڒْمخْزن ذ جّْهذ ذ لْممْلَكَا. ئِسُوْعْڒَا-ث نتَّا عَاوذ خ كُڒ يسم إِي تݣّن ذ يسمَاون، مَاشِي غِيڒ ذِي زْمَان-أَ إِي ذِي ندْجَا وَاهَا وَلَكِن عَاوذ ذِي لْأَخِرَا.

أيث-ؤفسوس 2:11

إِيوَا عقْڒث بلِّي كنِّيو تُوْغَا ثدْجَام زݣ يِنِّي يتْوَاسمَّان ذ لْكُفَّار زَعْمَا، وَار ثݣِّيم شَا طَّهَارث. أَمنِّي إِي قَّارن ينِّي يتݣّن طَّهَارث (يعْنِي غِير مِين تݣّن ذِي دَّات س يفَاسّن ن بْنَاذم وَاهَا).

أيث-ؤفسوس 2:13

وَلَكِن وَامِي ثُوْمْنم زِي عِيْسَى لْمَسِيح، كنِّيو إِي تُوْغَا ثُوْݣّْوْجم اَطَّاس زِي أَربِّـي قْبڒ، صَافِي ڒخُّو يسْقَارّب-يكنِّيو-د غَارس س يذَامّن ن لْمَسِيح.

أيث-ؤفسوس 4:17

أَقَا مِين ذَاوم قَّارغ ذ ؤُزِيَّار-أَ إِي خَاوم تْزيَّارغ ذِي سِيذِيثْنغ، يعْنِي أُو لَابُد وَار ثݣُّوْرم شَا مَامّش ݣُّوْرن ڒݣْنُوْس س ڒَعْقُوْڒ نْسن يخْوَان.

أيث-ؤفسوس 5:8

شُوْف، ذݣ يِجّن ن ڒْوقْث كنِّيو تُوْغَا ذ ثَادْجسْت، ڒخُّو كنِّيو ثْذوْڒم ذ يجّن ن نُّوْر ذِي سِيذِي أَربِّـي. إِيوَا عِيشث اَم ثَارْوَا ن نُّوْر.

ثبرات غار يعقوب 1:27

دِّين يصْفَان إِي ينْقَان غَار أَربِّـي بَابَاثْنغ مِين يعْنَا؟ يعْنِي بْنَاذم يتْرَاح غَار يُوْجِيڒن ذ ثَاجَّاڒِين اَثن يعَاون ذݣ وزيَّار نْسن، أَذ يحْضَا يخف نّس حمَا وَار ث تْوسِّيخ شَا دُّنشْت-أَ.