أيث-كولوس 3:8 - ثريفيث 2020

⁸ وَلَكِن ڒخُّو ثِمسْڒَايِين نِّي يتْخصَّا اَخَاوم ثنْت ثسْبعّْذم قَاع يعْنِي اَعصَّاب ذ وغْضَاب ذ شَّرّْ ذ ڒْبَاطڒ ذ وَاوَاڒن يعفَّانن إِي ثقَّارم س وقمُّوْم نْوم.

أيث-كولوس 3:8 Referans Kwoze

أيث-ؤفسوس 4:29

وَار تجَّاث شَا اَذ د يفّغ زݣ وقمُّوْم نْوم شَان وَاوَاڒ ذ اَعفَّان. لَّا، أَذ د يفّغ زَّايس غِير اَوَاڒ اَصبْحَان ونِّي يتْشجَّاعن ذ ونِّي يتْحلَّالن بَاش اَزَّايس سْنفْعن يِنِّي ذَاس يتسْڒَان.

أيث-ؤفسوس 4:22

إِيوَا تُوْغَا ثْڒمْذم اَذ تْسمْحم ذِي طَّبِيعَا نِّي نْوم تُوْغَا غَارْوم قْبڒ. لِأَنَّا طَّبِيعَا نِّي نْوم ثَرشَّا عْلَاحْسَاب شّهْوث نّس يسْتْوَاغَرّن.

أيث-ؤفسوس 5:4

أُو لَابُد عَاوذ وَار يتِيڒِي شَا جَارَاوم اَوَاڒ اَعفَّان نِغ ذ وَاوَاڒ يخْوَان نِغ ذ نُّكْتَا ذ ثَعفَّانْت؛ لَّا، ئِتْخصَّا اَذ يِيڒِي شُّكر إِ أَربِّـي.

أيث-كولوس 3:5

خ مَانَايَا نْغث مِين يدْجَان ذَايْوم ذِي طَّبِيعَا نْوم ن دُّنشْت-أَ يعْنِي لْفَسَاد ذ مِين يخنْزن ذ شّهْوث ذ ڒْخَاضَر اَعفَّان ذ طْمَاع إِݣ يدْجَان نتَّا اَم لْعِبَادَا ن لْأَصْنَام.

أيث-ؤفسوس 4:26

عصّْبث بْڒَا مَا اَذ تݣّم ڒْمُعْصِيّث. وَار تجَّاث شَا ثْفُوْشْت اَخَاوم ثغْڒِي كنِّيو عَاذ تْعصِّيبم.

يعيبرانيين 12:1

إِذن عْلَاحْسَاب نِثْنِي، يعْنِي ڒشْهُوْذ نِّي ن لْإِيمَان إِي خَانغ يتنّْضن اَم يِجّن ن ؤُمُوْنِي ذ اَمقّْرَان، لَابُد أَ نكَّر أَ نكّس كُڒ دْقڒ ذ كُڒ ڒْمُعْصِيّث إِي ذَانغ يسحْصَارن. أَ نَازّْڒث س صْبَار ثَازّْڒَا نِّي إِي ذَانغ يتْرَاجَان غَار زَّاث.

أيث-كولوس 3:9

وَار سْخرِّيقم شَا خ وَايَاوْيَا ڒَاحقَّاش ثْبدّْڒم طَّبِيعَا نِّي نْوم تُوْغَا غَارْوم قْبڒ ذَايس يخَرْوِيضن وَاهَا.

1 بطرس 2:1

إِذن فَا كّْسث زݣ وُوْرَاون نْوم مَارَّا شَّرّْ ذ مَارَّا لْغذْرَان ذ نِّفَاق ذ ڒحْسذ ذ مَارَّا ڒْبَاطڒ.

22 أيث-كورينث 12:20

شُوْف، ݣّْوْذغ خْمِي د غَا اَوْضغ وَار كنِّيو تِيفغ شَا مَامّش تْمنِّيغ اَكنِّيو اَفغ. أُو عَاوذ وَار ذَايِي تِيفم شَا مَامّش تْمنِّيم اَذَايِي ثَافم. ݣّْوْذغ اَذ اَفغ جَارَاوم اَمنْغِي ذ ڒحْسذ ذ وعَصّب، كُڒ يجّن يرزُّو إِ يِيخف نّس وَاهَا، ذ ڒْبَاطڒ ذ نَّمِيمَا، ذَايْوم تَّكبُّور ذ ڒْفَاوْضَا.

1 أيث-كورينث 3:3

كنِّيو عَاذ تݣّم اَرَّاي إِ طَّبِيعَا ثَعفَّانْت نْوم. مڒَا يتِيڒِي ڒحْسذ جَارَاوم ذ ومنْغِي، أَتَاف تݣّم اَرَّاي إِ طَّبِيعَا ثَعفَّانْت نْوم اَتَاف تْعِيشم اَم يِوْذَان ن دُّنشْت-أَ وَاهَا، نِغ لَّا؟

أَسڒْمذ ن سِيذِيثْنغ عِيْسَى لْكِتَاب ن مَتَّى 5:22

وَلَكِن نش قَّارغ-اَوم: مَارَّا ؤُو غَا يعَصْبن خ وُوْمَاس اَتَاف اَذ يتْوَاحْكم. ونِّي غَا يِينِين إِ وُوْمَاس: آي اَغْيُوْڒ، أَتَاف اَذ يتْوَاحْكم ذِي لْمَحْكَامَا ثَمقّْرَانْت. ذ ونِّي غَا يِينِين إِ وُوْمَاس: آي اَفْغُوْڒ، أَتَاف يسْذَاهدْج اَذ يرَاح غَار ثْمسِّي ن جَهنَّمَا.

أيث-ݣلاطيا 5:15

وَلَكِن مڒَا تْمرْمَاشم اَيَاوْيَا اَم ڒُوْحُوْش وَا يتتّ وَا، حْضَام يخف نْوم اَذ تْسغْڒِيم اَيَاوْيَا.

أيث-روما 13:13

ئِتخصَّا لَابُد أَ نُوْيُوْر س لْإِحْتِرَام اَم ونِّي يݣُّوْرن ذِي ثْفَاوْث ن نْهَار. وَار نْتݣّ شَا لْمَدلَّا ن سّكْرَا ذ وَاطَّاس ن شّْرب ذ لْفَسَاد ذ ڒقْبَاحْث ذ ومنْغِي ذ ڒحْسذ.

ثبرات زي يهوذا 1:8

أَمُّو عَاوذ يثَرَّاسن-أَ. عْلَاحْسَاب ثِيْرْجَا نْسن سخْنَازن دَّات نْسن، نكَّرن سُّلْطَا، قَّارن اَوَاڒن وَار يحْڒِين خ لْمخْلُوْقَاث ن ؤُجنَّا.

2 بطرس 2:18

سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.

ثبرات غار يعقوب 2:7

مَا وَار ثسِّينم شَا بلِّي ذ نِثْنِي إِݣ يسَّاوَاڒن س ڒْعِيب ذݣ يِيسم اَصبْحَان ن لْمَسِيح ونِّي إِي زِي ذَاوم تْڒَاغَان يِوْذَان؟

1 تيموتاوس 1:20

زَّايْسن حِمِّيت ذ إِسْكَنْدر، جِّيغ-ثن نش إِ شِّيطَان حمَا اَذ تْوَاربَّان وَار قَّارن شَا اَوَاڒن نِّي وَار يحْڒِين خ أَربِّـي.

1 تيموتاوس 1:13

نش قْبڒ تُوْغَا قَّارغ اَوَاڒن وَار يحْڒِين خ أَربِّـي تْعدَّابغ ڒْمُوْمِنِين، نش ذ يجّن بْنَاذم يضدْجْمن. وَاخَّا تُوْغَا خذْمغ مَانَاينِّي يسظْهَار-اَيِي-د أَربِّـي اَرَّاحْمث نّس لِأَنَّا خذْمغ مَانَاينِّي س ڒقْفَاڒث ينُو بْڒَا مَا ٱذ سّْنغ مِين يدْجَان نِيشَان، ؤُڒ ينُو وَار ذَايس بُو لْإِيمَان.

أيث-ݣلاطيا 5:26

وَار نْسمْغَار شَا يخف نّغ س تَّكبُّر، وَار ذَايْنغ يتِيڒِي شَا ڒحْسذ ذ ثْغنَّانْت جَارَانغ.

أيث-ݣلاطيا 5:20

ذ لْعِبَادَا ن لْأَصْنَام ذ سّْحُوْر ذ لْعَدَاوَا ذ ؤُمنْغِي ذ لْغِيرَا ذ ؤُغْضَاب ذ لْأَنَانِيَا ذ لْخِلَافَاث ذ لْأَحْزَاب،

مرقس 7:22

ذ زّْنَا ذ طّْمَع ذ شَّرّْ ذ ڒْبَاطڒ ذ يخَرْوِيضن ذ ڒقْبَاحث ذ ثِيطَّاوِين ن يِوْذَان ذ تَّكبُّر ذ ثِبُوْهْڒِيَا.

لواحي ن يوحنا 16:9

شمْضن يِوْذَان س لْحَرَارَا يجهْذن. وَاخَّا اَمنِّي قَّارن اَوَاڒن وَار يحْڒِين ذݣ يِيسم ن أَربِّـي ونِّي غَار ثدْجَا سُّلْطَا خ لْمُصِيبَاث-أَ. وَار تُوْبن شَا، وَار ث سمْغَارن شَا.

ثبرات زي يهوذا 1:13

نِثْنِي ݣِّين اَم ڒمْوَاج ن ڒبْحَر شَّاثنْت س ڒفْضِيحث ن ؤُكُوْفُّو نْسنْت. نِثْنِي ݣِّين اَم شَان يثْرَان يفّْغن زݣ ؤُمْشَان نْسن ݣُّوْرن غَار يِجّن ن ثَادْجسْت ذ ثَبرْشَانْت إِݣ يتْوَاسْوجْذن إِ ڒبْدَا ن ڒبْدَاث.

2 بطرس 2:7

ئِسنْجم أَربِّـي غِير لُوْط نتَّا ذ يجّن ن بْنَاذم إِي يدْجَان نِيْشَان ثسْخيَّاق-يث ڒقْبَاحث ن لْمُفْسِدِين.

أيث-ؤفسوس 4:25

إِذن لَابُد كُڒ يجّن زَّايْوم اَذ يبعّذ زݣ يخرِّيقن اَذ يسِّيوڒ س ڒْحَقّ اَك وَاجَّار نّس لِأَنَّا نشِّين مَارَّا ذ يجّن ن جْمَاعث إِي ندْجَا.