ڒخذايم 12:4 - ثريفيث 2020

⁴ ئِطّف-يث يݣِّي-ث ذِي ڒحْبس، ئِسلّم-يث إِ اَربْعَا ن لْفِرْقَاث ن ڒْعَسْكَار اَث حْضَان، مْكُڒ لْفِرْقَا ذَايس اَربْعَا. ئِنْوَا اَخَاس يحْكم زَّاث إِ شَّعْب منْبَعْد إِ ڒْعِيذ اَمقّْرَان.

ڒخذايم 12:4 Referans Kwoze

لوقا 22:33

ينَّا-ٱس بُطْرُس: "آ سِيذِي، أَقَايِي اَكِذش وجْذغ مڒَا ثُوْذْفذ ڒحْبس اَكِذش اَذْفغ، مڒَا ثمُّوْثذ اَكِذش مّْثغ."

لوقا 21:12

قْبڒ إِ مَارَّا مَانَايَا اَكنِّيو طّْفن، أَكنِّيو عدّْبن، أَكنِّيو سلّْمن إِ ثمْزِيذَاوِين نْسن. أَكنِّيو حبْسن، أَكنِّيو جَرّن غَار يزدْجِيذن ذ لْحُكَّام عْلَاحْسَاب يسم ينُو.

ڒخذايم 4:28

ݣِّين قَاع مِين تُوْغَا ثْزمّْمذ اَذ يوْقع س وفُوْس ذ ڒْخَاضَر نّش.

ڒخذايم 4:3

كَّرن طّْفن بُطْرُس ذ يُوْحَنَّا سِيذْفن-ثن ذِي ڒحْبس جِّين-ثن ذِنِّي اَڒ ثِيوشَّا مِينْزِي يعْذُو ڒْحَاڒ.

يوحنا 21:18

أَقَا تسْڒِيذ ڒْحَقّ: ذِي ثمْࢲِي نّش تْحزَّامذ يخف نّش تْرَاحذ مَانِي مَا ثخْسذ. وَلَكِن خْمِي غَا ثوْسَارذ، أَذ تْضڒْقذ يفَاسّن نّش اَتَاف حَدّ نّغْنِي اَش يحزّم اَش يَاوِي مَانِي وَار تخْسذ شَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:5

نَّان جَارَاسن: ئِتْخصَّا وَار ث نْتطّف شَا ذِي ڒْعِيذ حمَا شَّعْب وَار يتݣّ شَا لْفَوْضَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:9

سّنِّي اَكنِّيو سلّْمن يِوْذَان حمَا اَكنِّيو عدّْبن، أَكنِّيو نْغن. مَارَّا دُّوَل اَكنِّيو عِيفّن عْلَاحْسَاب يسم ينُو.

ڒخذايم 8:3

شَاوُل نتَّا يرزُّو اَذ يقْضَا خ جْمَاعث ن ڒْمُوْمِنِين، يتَاذف زِي ثدَّارث غَار ثدَّارْث يسُوْفُوْغ-د يرْيَازن ذ ثمْغَارِين يتݣّ-يثن ذِي ڒحْبس.

ڒخذايم 5:18

طّْفن-ثن ݣِّين-ثن ذِي ڒحْبس.

يوحنا 19:23

وَامِي ڒْعَسْكَار صلّْبن عِيْسَى، يْسِين اَرُّوْض نّس بْضَان-ث خ اَرْبعَا ن ثْسقَّار كُڒ اَعسْكْرِي ييْسِي ثَسْغَارْث نّس. يْسِين عَاوذ تْشَامِّير، تْشَامِّير نِّي يصْنع-يث وذرَّاز.

مرقس 14:1

ئِقِّيم-اَس يُوْمَاين إِ ڒْعِيذ اَمقّْرَان ن أَيث-إِسْرَائِيل ذ ڒْعِيذ نِّي ؤُمِي قَّارن ڒْعِيذ ن ثفْضِيرْث. أَرُّوْيَاس ن ڒْفُقَهَا ذ يمْسڒْمَاذن ن شَّرِيعَا رزُّوْن مَامّش ذَاس غَا ݣّن حمَا اَذ طّْفن عِيْسَى س ثحْرَايْمِيث اَث نْغن.

ڒخذايم 12:3

وَامِي يُوْفَا مَانَاينِّي يعْجب-اَسن إِ أَيث-إِسْرَائِيل يكَّر يطّف ؤُڒَا ذ بُطْرُس. ذِي ڒِيَّام ن ڒْعِيذ ن ثفْضِيرْث إِي ذِي يوْقع مَانَاينِّي.

ڒخذايم 12:5

تْعسَّاسن خ بُطْرُس ذِي ڒحْبس، جْمَاعث ن ڒْمُوْمِنِين تتَّارن خَاس إِ أَربِّـي.