ڒخذايم 1:7 - ثريفيث 2020

⁷ ينَّا-ٱسن عِيْسَى: "وَار ذَاوم يتْوَاسْمح شَا اَذ تسّْنم لْأَوْقَات نِغ ذ تَّوَارِيخ تُوْغَا يݣَّا بَابَا س سُّلْطَا نّس.

ڒخذايم 1:7 Referans Kwoze

أَسڒْمذ ن سِيذِيثْنغ عِيْسَى لْكِتَاب ن مَتَّى 24:36

شُوْف، نْهَار نِّي نِغ ثْسَعَّات نِّي وَار ت يسِّين ؤُڒَا ذ يجّن، لَّا لْمَلَائِكَاث ذݣ وجنَّا ؤُڒَا ذ مِّيس. يسّن-يت غِير بَابَا وَاحْذس.

مرقس 13:32

شُوْف، نْهَار نِّي نِغ ثْسَعَّات نِّي وَار ت يسِّين ؤُڒَا ذ يجّن، لَّا لْمَلَائِكَاث ذݣ وجنَّا ؤُڒَا ذ مِّيس. ئِسّن-يت غِير بَابَا وَاحْذس.

مرقس 10:40

وَلَكِن اَغِيمِي خ وفُوْسِي ينُو نِغ خ وࢲڒْمَاض ينُو وَار يدْجِي بُو ذ نش إِي ث غَا يُوْشن، أَذ يمُّوْش إِ يِنِّي ؤُمِي يتْوَاسّوْجذ."

أيث-ؤفسوس 1:10

ڒْمَعْنَا-يَا ينُوْفَّرن يخطّط-يت-يد بَاش اَذ تبْذَا ثْصدْجَاح ذِي ڒْوقْث نّس نِيشَان بَاش اَذ يسْمُوْن أَربِّـي مَارَّا ثِمسْڒَايِين ذِي لْمَسِيح، يعْنِي ثِمسْڒَايِين ذݣ وجنَّا ذ ثْمُوْرْث.

لوقا 21:24

أَثن نْغن س ڒسْيُوْف، أَثن اَوِين ذ يمحْبَاس غَار مَارَّا ڒݣْنُوْس. سّنِّي يِنِّي وَار يدْجِين شَا زِي أَيث-إِسْرَائِيل اَذ هذْمن لْقُدْس اَڒ غَا فْنَانْت لْأَوْقَات نْسن.

2 تيموتاوس 3:1

فَا لَابُد يتْخصَّا اَذ تْفهْمذ بلِّي ؤُسَّان ينݣُّوْرَا اَذ يڒِين قصْحن.

1 تيموتاوس 6:15

أَثِيذ يسْمظْهَار أَربِّـي ذِي ڒْوقْث إِي ذِي يخس نتَّا يعْنِي أَربِّـي ذ ونِّي إِݣ يتْوَابَرْكن ذ ونِّي إِݣ يتحْكَامن وَاحْذس نتَّا ذ اَزدْجِيذ ن يزدْجِيذن ذ مَوْلَانَا ن لْمَوْلَانَاث.

ڒخذايم 17:26

زݣ يِجّن ن بْنَاذم إِي زِي د يخْڒق مَارَّا ڒݣْنُوْس بَاش اَذ زذْغن ذِي دُّنشْت-أَ اَمن-ثكْمَاڒ. ئِحدّ-اَسن نْهُوْرَاث ن تَّارِيخ نْسن ذ مَانِي إِي غَا زذْغن.

أَسڒْمذ ن سِيذِيثْنغ عِيْسَى لْكِتَاب ن مَتَّى 20:23

ينَّا-ٱسن: "وَاه، أَتَاف اَذ تسْوم زِي ڒْكَاس ينُو. وَلَكِن اَغِيمِي خ وفُوْسِي ينُو ذ وࢲڒْمَاض ينُو وَار يدْجِي بُو ذ نش إِي ث غَا يُوْشن، أَذ يمُّوْش إِ يِنِّي ؤُمِي ثن يسوْجذ بَابَا."