2 تيموتاوس 4:13 - ثريفيث 2020

¹³ خْمِي د غَا ثَاسذ، أَوِي-د اَكِذش اَزدْجَاب ينُو ونِّي إِي جِّيغ اَك كَرْپُـوْس ذِي ثنْدِينْت ن تْرَاوْس ؤُڒَا ذ لْكُتُب ينُو خَاصَّتَان يِنِّي يدْجَان ن يڒمَاون.

2 تيموتاوس 4:13 Referans Kwoze

1 أيث-كورينث 4:11

قَا عَاذ ذِي ثْسَعَّات-أَ ندْجُوْز، نْفُوْذ، أَقَانغ س يخَارْطِيطن، تْمَرَّاثن-اَنغ، وَار غَارْنغ مَانِي غَا نْدُوْرَّا.

ڒخذايم 16:11

سّنِّي نْسَفر ذݣ وغَرَّابُو زِي ثنْدِينْت ن تْرَاوْس، نْرُوْح نِيشَان غَار ثنْدِينْت ن سَامُوْتْرَاكْيَا. ثِيوشَّا نّس نْرُوْح غَار ثنْدِينْت ن نِيَاپُـوْلِيس.

ڒخذايم 16:8

س مَانَايَا سمْحن ذِي مِيسْيَا هْوَان غَار ثنْدِينْت ن تْرَاوْس.

22 أيث-كورينث 11:27

خدّْمغ، شَّاثغ تَمَارَا، تْنُوْسغ اَطَّاس ن دْجِيَاڒِي بْڒَا يضص. فُوْذغ دْجُوْزغ، قِّيمغ اَطَّاس ن ثْوَاڒَاثِين بْڒَا لْمَكْلَا. ثْنقّ-اَيِي ثسْمض اَرُّوْض ينُو ذ ؤُقْلِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:40

ونِّي يخْسن اَش يَاوِي غَار شْرَاع حمَا اَذَاش يَاوِي ثَقْمِيجَات، ؤُش-اَس ؤُڒَا ذ اَزدْجَاب نّش.

ڒخذايم 20:38

خيّْقن اَطَّاس س وَارَاڒ نِّي إِي ذَاسن ينَّا وَار ثْࢲرّم شَا اَغمْبُوْب ينُو سَّا ٱڒ ثْسَاونْت. سّنِّي ؤُوِين-ث غَار وغَرَّابُو.