2 تيموتاوس 2:12 - ثريفيث 2020

¹² مڒَا نصْبَر، أُوْشَا أَ نحْكم اَكِذس. مڒَا ننْكَر-يث، أَوْشَا عَاوذ نتَّا اَذَانغ ينْكَر.

2 تيموتاوس 2:12 Referans Kwoze

أيث-روما 8:17

أُو نشِّين مڒَا اَقَانغ ذ ثَارْوَا ن أَربِّـي، أَتَاف أَ نْوَارث. يعْنِي أَ نْوَارث زِي أَربِّـي، أَ نْوَارث اَك لْمَسِيح. وَلَكِن يخصَّا-يَانغ أَ نْشَرش اَكِذس ذݣ وعدّب نّس حمَا أَ نْشَرش اَكِذس عَاوذ ذِي لْعَظَمَا نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 10:33

ونِّي ذَايِي غَا ينْكَرن زَّاث إِ يِوْذَان، أَتَاف اَث نْكَرغ نش زَّاث إِ بَابَا يدْجَان ذݣ وجنَّا.

لواحي ن يوحنا 20:4

ࢲْرِيغ لْعَرْشَاث ذ يِنِّي خَاسن يقِّيمن ثمُّوْش-اَسن سُّلْطَا اَذ حكْمن. ࢲْرِيغ بُوْحْبڒ ن يِنِّي ؤُمِي يتْوَاقسّن يزدْجِيفن لِأَنَّا ذفَّارن مِينْخف يشْهذ عِيْسَى ذ وَاوَاڒ ن أَربِّـي. نِثْنِي تُوْغَاثن وَار سجّْذن شَا إِ ڒْوَحْش نِغ إِ لْأَصْنَام نّس، تُوْغَا وَار قْبِيڒن شَا طَّبَع نّس خ ثنْيَارث نْسن نِغ خ وفُوْس نْسن. كَّرن-د زِي ڒْموْث حكْمن اَك عِيْسَى اَڒَاف ن يسݣّْوُوْسَا.

لواحي ن يوحنا 20:6

يِنِّي د غَا يكَّرن ذِي لْقِيَامَا ثَمزْوَارُوت سَّعْذ نْسن، أَقَاثن صْفَان. ڒْموْث وِيس ثْنَاين وَار غَارس تِيڒِي شَا سُّلْطَا خَاسن. اَذ يڒِين ذ ڒْفُقَهَا ن أَربِّـي ذ لْمَسِيح، أَكِذس حكْمن اَڒَاف ن يسݣّْوُوْسَا.

لوقا 12:9

ونِّي ذَايِي غَا ينْكَرن زَّاث إِ يِوْذَان، أَتَاف اَذ يتْوَانْكَر زَّاث إِ لْمَلَائِكَاث ن أَربِّـي.

لواحي ن يوحنا 5:10

ثݣِّيذ زَّايْسن يجّن ن لْممْلَكَا ن ڒْفُقَهَا إِ أَربِّـي نّغ، أَذ حكّْمن ذِي ثْمُوْرْث."

لوقا 9:26

ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا نّس ذ لْعَظَمَا ن بَابَاس اَك لْمَلَائِكَاث يقدّْسن.

لواحي ن يوحنا 2:13

نش سّْنغ مَانِي ثْزدّْغذ، ذِنِّي لْعَرْش ن شِّيطَان. شك تطّْفذ ذݣ يِيسم ينُو. وَار ثنْكَرذ شَا لْإِيْمَان إِي زَّايِي ثݣِّيذ، وَاخَّا ذݣ وُوْسَّان نِّي إِي ذِي نْغِين يجّن ن شَّهِيذ ينُو ذَايس ڒَامَان قَّارن-اَس أَنْتِپَـاس. نْغِين-ث زَّاثْوم مَانِي يزدّغ شِّيطَان.

لواحي ن يوحنا 1:9

نش ذ يُوْحَنَّا ذ ؤُمَاثْوم، شرّْشغ اَكِذْوم ذِي ڒمْحَاين ذ ڒْمُلْك ن أَربِّـي ذْ صّْبَار إِݣ يدْجَان ذِي عِيْسَى. تُوْغَا دْجِيغ ذِي ثيْزِيْرْث ن بَطْمُس عْلَاحْسَاب اَوَاڒ ن أَربِّـي ذ مِين خف يشْهذ عِيْسَى.

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.

أيث-فيليـپـي 1:28

عَاوذ وَار تݣّْوْذم شَا قَاع زݣ يِنِّي إِي ذَاوم يتْعَارَّاضن. مَانَايَا إِي تݣّم اَغَارْسن ثِيڒِي ذ يجّن ن لْعَلَامَا إِي د يسْبيَّانن مْلِيح نِثْنِي اَذ فْنَان كنِّيو اَذ تْنجْمم. مَارَّا مَانَايَا اَذ د يَاس زِي أَربِّـي.

مرقس 8:38

ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو ذِي زْمَان-أَ اَعفَّان يخدّْعن أَربِّـي، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا ن بَابَاس اَك لْمَلَائِكَاث يقدّْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:35

ينَّا-ٱس بُطْرُس: "نش وَار ش نكَّرغ شَا وَاخَّا اَكِذش إِي غَا مّْثغ." أَمنِّي إِي نَّان مَارَّا يمحْضَارن.

لواحي ن يوحنا 3:8

نش سّْنغ ڒخْذَايم نّش. أَقَا ݣِّيغ زَّاثش يجّن ن ثوَّارْث ثْنُوْرْزم وَار يزمَّر حَدّ اَت يبلّع. وَاخَّا جّْهذ نّش ذ ؤُقْلِيل، ثݣِّيذ اَرَّاي إِ وَاوَاڒ ينُو وَار ثنْكَرذ شَا يسم ينُو.

ڒخذايم 14:22

ݣِّين ؤُڒ ذݣ يمحْضَارن نِّي، شجّْعن-ثن بَاش اَذ اَرْنِين ذِي لْإِيمَان نْسن. قَّارن-اَسن: أُو لَابُد اَخَانغ ثكّ اَطَّاس ن تَمَارَا بَاش نشِّين ڒْمُوْمِنِين أَ نَاذف ذِي ڒْمُلْك ن أَربِّـي.

مرقس 10:33

"أَقَا نتْݣَعَّاذ غَار لْقُدْس مَانِي غَا يتْوَاخْذع مِّيس ن بْنَاذم إِ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَخَاس حكْمن س ڒْموْث، أَث سلّْمن إِ يِنِّي وَار يدْجِين شَا زِي أَيث-إِسْرَائِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:75

ذِنِّي يفكَّر-د بُطْرُس اَوَاڒ نِّي ن عِيْسَى وَامِي ذَاس ينَّا: قْبڒ مَا ٱذ يدّن ويَازِيض اَتَاف اَذَايِي ثنْكَرذ ثْڒَاثَا ن ثْوَاڒَاثِين. ئِفّغ غَار بَارَّا يرُو يمطَّاون ذ يمدْجَاحن اَطَّاس.

لواحي ن يوحنا 1:6

يݣَّا زَّايْنغ يجّن ن لْممْلَكَا ذ ڒْفُقَهَا إِ أَربِّـي بَابَاس. أَغَارس ثِيڒِي لْعَظَمَا ذ ڒحْكَام إِ نتَّا إِ ڒبْدَا، آمِين.

لوقا 22:29

مَامش ذَايِي يُوْشَا بَابَا يجّن ن ڒْمُلْك إِ نش، ؤُڒَا ذ نش اَذَاوم ؤُشغ يجّن ن ڒْمُلْك.

لوقا 22:30

يعْنِي ذِي ڒْمُلْك ينُو اَذ تقِّيمم اَكِذِي غَار مِيسَّا اَذ تشّم اَذ تسْوم. أَذ تقِّيمم خ ڒْعَرْشَاث حمَا اَذ تْحكْمم خ ثنْعَاش ن ثْقبَّاڒ ن أَيْث-إِسْرَائِل."

أيث-روما 5:17

يعْنِي س سَّبَاب ن ڒْمُعْصِيّث نِّي ن يِجّن ن بْنَاذم ثبْذَا ڒْموْث ثْحكّم خ يِوْذَان س سَّبَاب ن بْنَاذم نِّي. ڒخُّو س سَّبَاب ن يِجّن ن بْنَاذم، يعْنِي س عِيْسَى لْمَسِيح، ذ ثُوْذَارْث نتَّاث ثْحكّم اَطَّاس خ يِنِّي يقبّْڒن اَرْضَا يمْغَارن ن أَربِّـي ذ لْهَدِيَا إِي ثن يسمْصْڒَاحن اَكِذس.

1 تيموتاوس 5:8

شُوْف، ونِّي وَار يتْذبِّيرن خ ڒحْبَاب نّس خَاصَّتَان خ لْعَئِلَا نّس اَتَاف نتَّا ينْكَر لْإِيمَان، ونِّي وَار يُوْمِينن قَاع اَتَاف حْسن زَّايس.

لواحي ن يوحنا 3:10

ثصْبَرذ خ مِين ش وصِّيغ، س مَانَايَا اَتَاف نش اَش حْمِيغ زِي ثْسَاعَّات نِّي ن ڒمْحَاين إِي د غَا يهْوَان خ مَارَّا دُّنشْت-أَ حمَا يمزْذَاغ ن تْمُوْرْث اَزَّايس تْوَاجَرّْبن.

لواحي ن يوحنا 3:21

ونِّي غَا يربْحن اَث جّغ اَكِذِي يقِّيم خ لْعَرْش ينُو، أَم ربْحغ ؤُڒَا ذ نش قِّيمغ اَك بَابَا خ لْعَرْش نّس.