2 أيث-سلونيك 3:1 - ثريفيث 2020

¹ أَمَّا ثِمسْڒَايِين نّغْنِي آي أَيثْمَا، تَّارث خَانغ إِ أَربِّـي بَاش اَوَاڒ ن سِيذِيثْنغ اَذ يتنْتَاشَر اَذ يتْوَاسمْغَار مَامّش إِي يوقْعن جَارَاوم.

2 أيث-سلونيك 3:1 Referans Kwoze

1 أيث-سلونيك 5:25

آي أَيثْمَا، تَّارم إِ أَربِّـي خَانغ.

أيث-كولوس 4:3

ذِي نّفْس ن ڒْوقْث تَّارم-اَس إِ أَربِّـي خَانغ بَاش اَذ يرْزم ثَوَّارْث إِ وَاوَاڒ نّغ أَ نْبشَّر س ڒْمَعْنَا ينُوْفَّرن ن لْمَسِيح إِي خف إِي دْجِيغ نش ذِي ڒحْبس.

1 أيث-كورينث 16:9

أَقَا ثْنُوْرْزم-اَيِي-د يجّن ن ثوَّارْث ذ ثَمقّْرَانْت إِ ڒْخذْمث وَلَكِن يِنِّي إِݣ يتْعَارَّاضن اَقَاثن مُوْجُوْدِين.

1 أيث-سلونيك 1:8

زَّايْوم كنِّيو إِي د يفّغ صُّوْت ن وَاوَاڒ ن سِيذِيثْنغ. مَاشِي يفّغ-د ذِي مَاسِدُوْنْيَا ذ ؤُخَايَا وَاهَا؛ لَّا، يفّغ-د ڒخْبَر-أَ خ لْإِيمَان نْوم زِي أَربِّـي غَار يِوْذَان ذِي مَارَّا يمُوْشَان. خ مَانَايَا وَار ذَانغ يتْخصِّي شَا اَخَاس نسِّيوڒ مِينْزِي يوْذَان تسْڒَان خَاوم.

ڒخذايم 19:20

أَمنِّي اَوَاڒ ن سِيذِي أَربِّـي يتنْتَاشر يَرنِّي غَارس جّْهذ اَطَّاس.

1 أيث-سلونيك 5:17

تتَّارم إِ أَربِّـي بْڒَا مَا ٱذ تْبدّم،

ڒخذايم 12:24

وَلَكِن أَوَاڒ ن أَربِّـي يتنْتَاشر نتَّا يَرنِّي.

2 تيموتاوس 2:9

خ لْإِنْجِيل-أَ إِي تْوَاعدَّابغ نش قنّن-اَيِي س سْنَاسڒ اَم يِجّن ن لْمُجْرِيم. وَلَكِن اَوَاڒن ن أَربِّـي لَّا، وَار زمَّرن اَثن قنّن س سْنَاسڒ.

1 أيث-سلونيك 4:1

فَا آي أَيثْمَا عْلَاحْسَاب ثِمسْڒَايِين نّغْنِي، كنِّيو قَا ثْقبْڒم زَّايْنغ مَامش إِي غَا ثْعِيشم بَاش اَخَاوم يَارْضَا أَربِّـي؛ أَمنِّي عَاوذ إِي تْعِيشم. ڒخُّو ذِي عِيْسَى لْمَسِيح نتْحشَّام-يكنِّيو نتْوصَّا-كنِّيو بَاش اَذ تݣّم عَاذ كْتَار.

1 أيث-سلونيك 2:13

نشِّين نتْشكَّر أَربِّـي خَاوم بْڒَا مَا ٱ نْبدّ وَامِي ثْقبْڒم اَوَاڒ نّس إِي ذَاوم د نْسِيْوض. ثْقبْڒم-ث مَاشِي اَم وَاوَاڒ ن يِوْذَان، ثْقبْڒم-ث اَم وَاوَاڒ ن أَربِّـي نِيشَان. ئِخدّم وَاوَاڒ-أَ عَاوذ ذَايْوم كنِّيو إِي يُوْمْنن.

1 أيث-سلونيك 2:1

آي أَيثْمَا، كنِّيو س يِيخف نْوم ثسّْنم نّْفَع نِّي إِي د نُوْوِي وَامِي د نُوْسَا غَارْوم.

1 أيث-سلونيك 1:5

لِأَنَّا لْإِنْجِيل إِي نتْبشَّار وَار د يُوْسِي شَا غَارْوم س وَاوَاڒن وَاهَا، يُوْسَا-د غَارْوم س ثْزمَّار ذ أَرُّوْح يقدّْسن ذ يِج وقنَّاع يمْغَر. أَقَا ثسّْنم مَامش تُوْغَا نتْعِيش جَارَاوم عْلَاحْسَاب كنِّيو.

أيث-روما 15:30

فَا تتَّارغ زَّايْوم آي اَيثْمَا، س سِيذِيثْنغ عِيْسَى لْمَسِيح ذ ڒمْحِبّث ن اَرُّوْح ن أَربِّـي اَذ تْبدّم اَكِذِي س ثْࢲَادْجِيث نْوم غَار أَربِّـي س سَّبَاب ينُو.

ڒخذايم 6:7

ئِنْتَاشَار وَاوَاڒ ن أَربِّـي، مَارْنِين-د اَطَّاس ن يمحْضَارن ذِي لْقُدْس، ؤُمْنن اَطَّاس ن ڒْفُقَهَا ن أَيث-إِسْرَائِيل زِي لْإِنْجِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:38

تَّارث زِي بَاب ن ثْفدْجَاحْث اَد يَرْنِي يشوَّارن ذݣ ومَرْجع نّس."

لوقا 10:2

ينَّا-ٱسن إِ يمحْضَارن نّس: "ثَفدْجَاحْث اَطَّاس وَلَكِن ذْرُوْس يشوَّارن إِي غَا يخذْمن. تَّارث زِي بَاب ن ثْفدْجَاحْث اَذ يَرْنِي يشوَّارن ذݣ ومَرْجع نّس.

22 أيث-كورينث 13:11

صَافِي آي أَيثْمَا، فَرّْحث. صڒْحث يبْرِيذن نْوم نِيشَان. تْصنَّاطث غَارِي مِين ذَاوم قَّارغ. إِڒِيث ذ يجّن ذِي اَرَّاي نْوم. تْعِيشث ذِي ڒهْنَا. أَربِّـي نّغ ن ڒمْحِبّث ذ ڒهْنَا اَذ يِيڒِي اَكِذْوم.