2 أيث-سلونيك 1:5 - ثريفيث 2020

⁵ مَانَايَا ذ يجّن ن دَّلِيل بلِّي لْحُكم ن أَربِّـي يدْجَا نِيشَان، أُو س دَّلِيل-أَ اَكنِّيو يحْسب ثسْذَاهدْجم ڒْمُلْك نّس إِي خف ثْعدّْبم.

2 أيث-سلونيك 1:5 Referans Kwoze

أيث-فيليـپـي 1:28

عَاوذ وَار تݣّْوْذم شَا قَاع زݣ يِنِّي إِي ذَاوم يتْعَارَّاضن. مَانَايَا إِي تݣّم اَغَارْسن ثِيڒِي ذ يجّن ن لْعَلَامَا إِي د يسْبيَّانن مْلِيح نِثْنِي اَذ فْنَان كنِّيو اَذ تْنجْمم. مَارَّا مَانَايَا اَذ د يَاس زِي أَربِّـي.

ڒخذايم 14:22

ݣِّين ؤُڒ ذݣ يمحْضَارن نِّي، شجّْعن-ثن بَاش اَذ اَرْنِين ذِي لْإِيمَان نْسن. قَّارن-اَسن: أُو لَابُد اَخَانغ ثكّ اَطَّاس ن تَمَارَا بَاش نشِّين ڒْمُوْمِنِين أَ نَاذف ذِي ڒْمُلْك ن أَربِّـي.

لواحي ن يوحنا 19:2

ڒحْكَام نّس ذ ڒْحَقّ يدْجَا نِيشَان. ئِحَاسب لْفَسْدَا ثَمقّْرَانْت إِݣ يسفْسَاذن ثَمُوْرْث س لْفَسَاد نّس، ئِنْتَاقم زَّايس عْلَاحْسَاب يذَامّن ن يِنِّي يعبّْذن أَربِّـي."

لوقا 20:35

وَلَكِن ينّغْنِي يحسّب-يثن أَربِّـي اَغَارْسن ثِيڒِي ثُوْذَارْث ن ڒبْدَا، خْمِي د غَا كَّرن زِي ڒْموْث اَتَاف نِثْنِي وَار مدْجْشن شَا وَار تْوَاسْمدْجِيشن شَا.

2 تيموتاوس 2:12

مڒَا نصْبَر، أُوْشَا أَ نحْكم اَكِذس. مڒَا ننْكَر-يث، أَوْشَا عَاوذ نتَّا اَذَانغ ينْكَر.

2 أيث-سلونيك 1:11

خ مَانَايَا نْتتَّار إِ أَربِّـي خَاوم ڒبْدَا بَاش اَكنِّيو يَارّ ثسْذَاهدْجم اَڒَاغِي نّس. أُو س جّْهذ نّس اَذَاوم يَارو مَارَّا ڒْخِير إِي ثخْسم أَذ تݣّم، أَذَاوم يَارو كُڒ ڒْخذْمث عَاوذ إِي د تَاسن زِي لْإِيمَان نْوم.

أيث-روما 8:17

أُو نشِّين مڒَا اَقَانغ ذ ثَارْوَا ن أَربِّـي، أَتَاف أَ نْوَارث. يعْنِي أَ نْوَارث زِي أَربِّـي، أَ نْوَارث اَك لْمَسِيح. وَلَكِن يخصَّا-يَانغ أَ نْشَرش اَكِذس ذݣ وعدّب نّس حمَا أَ نْشَرش اَكِذس عَاوذ ذِي لْعَظَمَا نّس.

لواحي ن يوحنا 16:7

سْڒِيغ إِ يِجّن ن صُّوْت يقَّار-د زِي ڒْمذْبَح: "وَاه آ سِيذِي أَربِّـي نّغ إِݣ يزمَّرن إِ كُڒْشِي، ڒحْكَامَاث نّش ذ ڒْحَقّ، أَقَاثنْت نِيشَان."

لواحي ن يوحنا 15:4

آ سِيذِي، مِين عْنَان يِنِّي وَار ش يتݣّْوْذن؟ مِين عْنَان يِنِّي يسم نّش وَار ث يسمْغَارن؟ أَقَا شك وَاحْذش إِݣ يصْفَان. مَارَّا ڒݣْنُوْس اَذ د اَسن اَذاش سجّْذن، مِنْزِي ڒخْذَايم نّش بَاننْت-يد نِيشَان."

لواحي ن يوحنا 3:4

أَكِذش ذِنِّي ڒبْعَاض ن يِوْذَان ذِي سَرْدِيس وَار سْوسِيخن شَا اَرُّوْض نْسن، أَكِذِي ؤُيُوْرن س وَارُّوْض ذ اَشمْڒَاڒ ڒَاحقَّاش سْذَاهدْجن-ت.

1 أيث-سلونيك 2:14

آي أَيثْمَا، ثْذوْڒم اَم ثْجُمَاع نِّي ن ڒْمُوْمِنِين ن أَربِّـي ذِي عِيْسَى لْمَسِيح ثِنِّي إِي يدْجَان ذِي ثْمُوْرْث ن يَهُوْذِيَا. لِأَنَّا يوْذَان ن ثْمُوْرْث نْوم تْبُوْصَارن خَاوم اَم أَيث-يَهُوْذِيَا تْبُوْصَارن خ ثْجُمَاع ن ڒْمُوْمِنِين إِي ذِنِّي.

أيث-كولوس 1:12

بَاش اَذ تْشكَّرم بَابَاثْنغ ونِّي إِي ذَاوم يُوْشِين ڒْحَقّ اَذ تْشَرْشم ذِي لْوَرث ن صَّالِحِين ذِي نُّوْر.

أيث-ؤفسوس 4:1

إِذن فَا نش إِݣ يدْجَان ذ اَمحْبُوْس خ سَّبَاب ن سِيذِيثْنغ اَكنِّيو نْهِيغ بَاش اَذ تُوْيُوْرم نِيشَان عْلَاحْسَاب اَوَاڒ نِّي إِي ذَاوم د يڒَاغَان زݣ وجنَّا.

أيث-روما 2:5

وَلَكِن شك س ثْغنَّانْت-أَ إِي ذَايك ذ وُوْڒ نّش وَار يتُوْبن شَا تسْمُوْنِيذ اَغْضَاب إِ يِيخف نّش اَڒ يُوْم لْحِسَاب ذ لْعِقَاب، نْهَار إِي ذِي د غَا يمظْهَار ڒْحُكم ن أَربِّـي س ڒْحَقّ.

ڒخذايم 13:46

بُوْلُس ذ بَرْنَابَا نَّان-اَسن س يِجّن ن زْعَامث: "نشِّين تُوْغَا يتْخصَّا اَذَاوم نسِّيوڒ إِ كنِّيو ذ يمزْوُوْرَا س وَاوَاڒ ن أَربِّـي. وَامِي ثُوْݣِيم، ثْحكْمم خ يِيخف نْوم بلِّي كنِّيو وَار ثسْذِيهدْجم شَا ثُوْذَارْث ن ڒبْدَا، ڒخُّو قَا نشِّين أَ نْرَاح غَار يِنِّي وَار يدْجِين شَا زِي أَيث-إِسْرَائِيل.

لوقا 21:36

حْضَاث، ࢲَادْجم ذِي مْكُڒ ڒْوقْث حمَا اَتَاف ثْزمَّرم اَذ تْنجْمم زِي مَارَّا مِين غَا يوقْعن اَذ تْبدّم زَّاث إِ مِّيس ن بْنَاذم."