2 بطرس 2:3 - ثريفيث 2020

³ عْلَاحْسَاب اَعدِّيس نْسن اَذَاوم شّن ڒْمُوْخ س وَاوَاڒن إِي تْسَايَاسن وَاهَا. مشْحَاڒ زݣ وَامِي لْعِقَاب نْسن عَاذ يتْرَاجَا-ثن وَار يتطّص شَا.

2 بطرس 2:3 Referans Kwoze

22 أيث-كورينث 2:17

أَقَا نشِّين مَاشِي اَم خَربِّي ن يِوْذَان يتݣّن تِّجَارَا ذݣ وَاوَاڒ ن أَربِّـي، نشِّين ذِي لْمَسِيح نسَّاوَاڒ س وُوْڒ يصْفَا زِي أَربِّـي أُو زَّاث إِ أَربِّـي.

1 أيث-سلونيك 2:5

شُوْف، قَا ثسّْنم عمَّارْص مَا نْسڒْهَا حَدّ س وَاوَاڒن نِغ عمَّارْص مَا نضْمع حَدّ عْلَاحْسَاب شَا ن سَّبَاب. ئِشهّذ خَانغ أَربِّـي!

أيث-روما 16:18

لِأَنَّا يِيْنَا وَار خدّْمن شَا إِ سِيذِيثْنغ عِيْسَى لْمَسِيح، خدّْمن غِير إِ وعدِّيس نْسن وَاهَا. س وَاوَاڒ يِيزِيضن ذ لْمُهَوَاضَا يزوّْقن خدّْعن ؤُڒَاون ن يِنِّي إِي ذِي ثدْجَا نِّيّث.

ثبرات زي يهوذا 1:15

أَذ يحَاسب مَارَّا يوْذَان. مَارَّا يِنِّي يعصَّان اَذَاسن د يسْمظْهَار مَارَّا ڒفْعَايڒ نْسن ثِعفَّانِين إِي ݣِّين ذݣ ؤُبْرِيذ نْسن اَعفَّان، أَذ سّْنن عَاوذ مَارَّا اَوَاڒن نِّي وَار يحْڒِين إِي خَاس نَّان يِنِّي يعصَّان وَار ذفَّارن شَا أَربِّـي."

ثبرات غار تيتوس 1:11

يِيْنَا اَقمُّوْم نْسن يتْخصَّا-يَاسن اَذَاسن يتْوَاقّن. نِثْنِي مشْحَاڒ ن لْعَائِلَاث كمْڒنْت إِي سْپَـرْذْڒن وَامِي ذَاسن سڒْمَاذن ثِمسْڒَايِين يتْخصَّا-يَاسن وَار ذَاسن ثنْت سڒْمِيذن شَا، نِثْنِي ضمّْعن ذِي تْمنْيَاث وَاهَا.

1 تيموتاوس 6:5

يرْيَازن-أَ تْهوَّاڒن جَارَاسن س ڒَعْقُوْڒَاث نْسن يعوّْجن ثْودَّر-اَسن لْحَقِيقَا. تْفكَّرن بلِّي لْإِيمَان ذ يجّن ن وبْرِيذ بَاش اَذ ربْحن تْمنْيَاث.

2 بطرس 2:9

أَمُّو عَاوذ يسّن أَربِّـي اَذ يسنْجم يِنِّي إِي ذَاس يتْطَاعَان زِي ڒمْحَاين إِي خَاسن د يتكّن. ئِسّن عَاوذ اَذ يقّن ينِّي يعصَّان سْوَادَّاي لْحُكم نّس حتَّا ٱڒ يُوْم لْحِسَاب ذ لْعِقَاب.

2 بطرس 2:1

إِيوَا زِي زِيش كَّرن شَا ن لْأَنْبِيَا جَار شَّعْب سْنعْمِيڒن وَاهَا. أَمنِّي عَاوذ إِي د غَا كَّرن شَان يمْسڒْمَاذن جَارَاوم زَعْمَا. س ثْنُوْفْرَا يثَرَّاسن-أَ اَذ سِيذْفن تَّعْلِيم ن لْبِدَاع جَارَاوم إِݣ يسْفنَّان وَاهَا. أَذ نْكَرن وَاخَّا ذ سِيذِيثْسن إِي خَاسن يخدْجْسن لْفِدْيَا. يِيْنَا ذغْيَا تَاوِين-د ڒفْنَا خ يِيخف نْسن.

2 بطرس 1:16

وَا شُوْف، نشِّين تُوْغَا وَار نْذفَّار شَا ثِحُوْجَا نِّي إِي تْوَاݣّنْت س ڒفْطَانث ن بْنَاذم وَامِي إِي كنِّيو نْسفْهَام خ جّْهذ نّس ذ نْهَار نِّي إِي ذِي د غَا يَاس سِيذِيثْنغ عِيْسَى لْمَسِيح؛ لَّا، نشِّين نࢲْرَا س ثِيطَّاوِين نّغ مشْحَاڒ ثمْغَر ثُوْعْڒَات نّس.

1 بطرس 5:2

اَروْسث ثْحِيْمرْث نِّي ن أَربِّـي إِي خف كنِّيو يتْكلَّاف نتَّا. حْضَام-تث س ڒْخَاضَر نْوم مَاشِي س يِجّن ن بزّز إِي خَاوم تݣّن مِينْزِي اَمُّو إِي يخس أَربِّـي. مَاشِي س طّْمَع ن ڒفْضِيحث، لَّا س وُوْڒَاون نْوم.

ثبرات غار تيتوس 1:7

أَقَا اَرَّايس ن جْمَاعث يتْكلَّاف نتَّا س لْمسْؤُلِيَا زِي أَربِّـي أُو لَابُد اَذ يِيڒِي بْڒَا ڒْعِيب، وَار ذَايس يتِيڒِي بُو تَّكبُّر، وَار يتْعصِّيب شَا ذغْيَا، وَار يسكَّر شَا س شّْرب، وَار يشِّيث شَا، وَار يضمّع شَا ذِي تْمنْيَاث.

ثبرات زي يهوذا 1:11

يَا ڒفْضِيحث نْسن! تبْعن اَبْرِيذ نِّي ن قَبِيل. سمْحن ذݣ يِيخف نْسن ضمْعن ذِي تْمنْيَاث ݣُّوْرن ذِي لْغَالط ن بَلْعَام. فْنَان ذِي لْحِرَاك نِّي ن قُرَاح وَامِي يعَارّض إِ مُوْسَى.

ثبرات زي يهوذا 1:7

أَمُّو عَاوذ إِي ݣِّين يمزْذَاغ ذِي ثنْدِينْت نِّي ن سَادُوْم ذ ثنْدِينْت نِّي ن عَمْمُوْرَا ذ يبِيلَاجن نِّي إِي ذَاسنْت-يد ينّضن. سلّْمن يخف نْسن إِ لْفَسَاد ذ شّهْوث نِّي مَاشِي طَّبِيعِي. يعْنِي نِثْنِي يݣِّي-ثن أَربِّي ذ لْعِبْرَا، تْوَاعَاقْبن س يِجّن ن لْعِقَاب ن ثْمسِّي وَار يفنِّين شَا عمَّارْص.

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.

1 بطرس 2:8

أُو عَاوذ يقَّار: <ئِج ن تِّيرْشث إِي ذِي تنْقْڒَاضن يِوْذَان، ذ يجّن ن وزْرُو إِي ثن يغطّْڒن.> قَا تنْقْڒَاضن ذَايس مِينْزِي عصَّان اَوَاڒ نّس، أَمنِّي إِي خَاسن يُوْرَا.

1 تيموتاوس 3:8

أَمنِّي عَاوذ يمْسخَّارن أُو لَابُد اَذ يڒِين مْوقّرِين اَغَارْسن يِيڒِي وَاوَاڒ، أَتَاف وَار سسّن شَا اَطَّاس ن شّْرب وَار ظمّْعن شَا ذِي ڒوْسخ ن دُّنشْت-أَ.

1 تيموتاوس 3:3

ئِتْخصَّا وَار يتݣّ شَا لْمَدلَّا ن سّكْرَا، وَار يشِّيث شَا اَذ يِيڒِي تْرَانْكِيڒ. ئِتْخصَّا وَار يتْمنْغِي شَا س وَاوَاڒ، وَار يظمّع شَا ذِي تْمنْيَاث.

1 أيث-سلونيك 5:3

أَتَاف خْمِي غَا يِنِين يِوْذَان اَقَا ذِنِّي لْأَمَان ذ ضّْمَان ڒخْدّنِّي اَخَاسن د يهْوَا يجّن ن لْخَرَاب ذغْيَا اَمشْنَاو مَامش د يتَاس ڒحْڒِيق ن ثَارْوَا إِ ثمْغَارْث يتَارْون. أَتَاف وَار زمَّرن نِثْنِي اَذ اَروْڒن.

يوحنا 2:16

ينَّا-ٱسن إِ يِنِّي يزْنُوْزَان يذْبِيرن: "إِيْسِيث مَانَايَا سَّانِيتَا. وَار تَارَّاث شَا ثَدَّارْث ن بَابَا ذ سُّوْق!"

لوقا 22:47

يَالَّاه عِيْسَى يسَّاوَاڒ يُوْوض-د يَهُوْذَا، ئِجّن زِي ثنْعَاش ن اَرُّسُل نّس. يُوْوِي-د اَكِذس ڒْغَاشِي اَطَّاس، ئِقَارّب غَارس حمَا اَخَاس يسدْجم خ وغمْبُوْب نّس.

لوقا 20:20

بْذَان يمْسڒْمَاذن نِّي ن شَّرِيعَا ذ اَرُّوْيَاس ن ڒْفُقَهَا حطَّان عِيْسَى، رزُّوْن اَث طّْفن خ شَان وَاوَاڒن نّس حمَا اَث سلّْمن إِ لْحَاكم ذ سُّلْطَا نّس. رُوْحن سّكّن-اَس إِ عِيْسَى شَان يِوْذَان سْنعْمِيڒن اَقَاثن نِيشَان وَلَكِن نِثْنِي ذ يبرْݣَاݣن.

لوقا 18:8

أَذَاوم ينِيغ: أَذَاسن يُوْش ڒْحَقّ ذغْيَا. إِنَّمَا، مِّيس ن بْنَاذم نْهَار إِي ذِي د غَا يَاس، مَا ٱذ يَاف لإِيمَان ذِي ثْمُوْرْث؟"

ثبرات زي يهوذا 1:16

شُوْف، يثَرَّاسن-أَ تْشثْشَان وَاهَا، تنْتَاقَاذن خ مِدّن، نِثْنِي ذفَّارن شّهَاوَاث نْسن ثِعفَّانِين؛ سمْغَارن يخف نْسن س ؤُقمُّوْم نْسن، تسْڒهَّان يوْذَان بَاش اَذ نفّْعن يخف نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:14

{يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنافِقين! تتّم إِ ثَاجَّاڒِين مَارَّا مِين غَارْسنْت. ثسْمظْهَارم-د يخف نْوم تْࢲَادْجَام اَطَّاس حمَا اَذ تْبيّْنم إِ يِوْذَان بلِّي ثْصبْحم اَطَّاس زَعْمَا. خ مَانَاينِّي اَذ تْوَاعَاقْبم كْتَار.}