2 بطرس 1:5 - ثريفيث 2020

⁵ فَا خ سَّبَاب-أَ وَانِيتَان، ݣّث لْمجْهُوْد نْوم مَارَّا بَاش اَذ تَرْنِيم مِين يدْجَان ذ اَصبْحَان غَار لْإِيمَان نْوم؛ سّنِّي اَرْنِيم ثُوْسْنَا اَك مَانَايَا يدْجَان ذ اَصبْحَان؛

2 بطرس 1:5 Referans Kwoze

أيث-فيليـپـي 4:8

غَار ونݣَّارُو آي أَيثْمَا، مِين يدْجَان ذ لْحَقِيقَا ذ مِينْدِي يدْجَا ڒوْقَّار ذ مِين يدْجَان يسݣّْذن ذ مِين يدْجَان يصْفَان ذ مِين يدْجَان ذ اَصبْحَان ذ مِين خَانغ يعِيزّن ذ اَيِّي ثَمسْڒَايْث ذ ثَصبْحَانْت اَطَّاس اَذَاس نُوْش لْقِيمَا يتْخصَّا كنِّيو اَذ تْفكَّرم ذِي ثْمسْڒَايِين-أَ.

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.

2 بطرس 1:10

إِذن آي اَيثْمَا، ݣّث لْمجْهُوْد نْوم كْتَار عَاذ بَاش اَذ تْضمْنم اَڒَاغِي نّس غَارْوم بلِّي نتَّا يخْضَر-يكنِّيو. مڒَا ثݣِّيم ثِمسْڒَايِين-أَ، أَتَاف عمَّارْص اَذ د توْضَام.

يعيبرانيين 6:11

نخْس اَذ تْحَوْڒم كنِّيو س وُوْڒ كُڒ يجّن اَم قْبڒ بَاش اَذ تِيڒِيم كنِّيو متْأَكدِّين ذِي لْأَمَال نْوم اَڒ ونݣَّارُو.

أيث-فيليـپـي 1:9

ذ ثَانِيتَا ذ ثْࢲَادْجِيث ينُو اَتَاف اَذ تَرْنِي ڒمْحِبّث نْوم كْتَار أُو كْتَار بَاش اَذ تسّْنم مَارَّا اَذ تْميّْزم مَارَّا.

2 بطرس 3:14

خ مَانَايَا آي يمْعِيزّن ينُو، خْمِي غَا ثْرَاجَام كنِّيو إِ ثْمسْڒَايِين-أَ ݣّث لْمجْهُوْد نْوم بَاش اَكنِّيو يَاف اَكِذس ذِي ڒهْنَا بْڒَا ڒوْسخ بْڒَا ڒْعِيب.

يعيبرانيين 11:6

إِيوَا ؤُڒَا ذ يجّن وَار يزمَّر اَخَاس يَارطَّا أَربِّـي بْڒَا لْإِيمَان. مِينْزِي ونِّي إِي غَا يقَارّْبن غَار أَربِّـي لَابُد اَذ يَامن بلِّي نتَّا يدْجَا أُو ذ نتَّا إِݣ يتْجَزَان يِنِّي خَاس يرزُّوْن س وُوْڒَاون نْسن.

أيث-ؤفسوس 5:17

إِيوَا وَار تِيڒِيم شَا بْڒَا ڒَعْقڒ؛ لَّا، فهْمث مِين يخس سِيذِي أَربِّـي.

أيث-فيليـپـي 2:12

إِذن آي يمْعِيزّن ينُو، مَامش تُوْغَا ثتْطَاعَام ڒبْدَا زِي قْبڒ وَامِي تُوْغَايِي اَكِذْوم، أَمنِّي عَاوذ إِي غَا ذَايِي ثْطَاعم وَامِي خَاوم غَابغ. يعْنِي اَذ تقِّيمم تݣّم لْمجْهُوْد بَاش اَذ تْكمّْڒم مْلِيح ذݣ وسنْجم نْوم س يِجّن ن ثِيݣّْوْذِي ذ يِجّن ن تَرْجِيجِي.

أيث-كولوس 2:3

ذَايس ذِي نتَّا إِي تْوَاسْنُوْفَّرن مَارَّا ڒْكُنُوْز ن ڒفْهَامث ذ مَارَّا ڒْكُنُوْز ن ثُوْسْنَا.

يوحنا 6:27

وَار خدّْمث شَا إِ ڒْمَكْلَا يخسَّرن، خذْمث إِ ڒْمَكْلَا يتْغِيمَان إِ ثُوْذَارْث ن ڒبْدَا. ذ ثَا ذ ڒْمَكْلَا ذَاوم غَا يُوْش مِّيس ن بْنَاذم مِينْزِي وَانِيتَا يضْبع-يث أَربِّـي بَابَاس س طَّابَع نّس."

لوقا 24:21

نشِّين تُوْغَا نتْمنَّا بلِّي ذ نتَّا إِي غَا يسْنجْمن أَيْث-إِسْرَائِيل! نْهَارَا ذ وِيس ثڒْتِيَّام زݣ وَامِي يوْقع مَانَايَا.

أيث-كولوس 1:9

خ مَانَايَا زِي نْهَار نِّي وَامِي تُوْغَا نسْڒَا نشِّين خَاوم، نتْغِيمَا نْتتَّار-اَس إِ أَربِّـي خَاوم بَاش اَذ تْعمَّرم س ثُوْسْنَا خ ڒْخَاضَر ن أَربِّـي س مَارَّا ڒْعَقڒ ذ ڒفْهَامث إِݣ يتِيشّن أَرُّوْح يقدّْسن.

1 بطرس 3:7

آي يرْيَازن، أَمنِّي يتْخصَّا-يَاوم اَذ تݣّم عَاوذ، أَذ تْعِيشم اَك ثمْغَارِين نْوم س يِجّن ن ڒفْهَامث جَارَاوم. ؤُشم-اَس لْقِيمَا إِ ثمْغَارْث يدْجَان نتَّاث اَم ثْغرَّافْث يتْرزَّان ذغْيَا مِينْزِي ذ نِثنْتِي يتْوَارَّاثن اَكِذْوم لْبَرَكَا ن ثُوْذَارْث. حمَا وَار ذِنِّي تِيڒِي بُو شَان ن ڒْحَاجث اَذ ترز ثْࢲَادْجِيث نْوم.

يعيبرانيين 12:15

أَرّم-د ڒْبَاڒ نْوم بَاش وَار يتْغِيمِي حَدّ وَار يخطّڒ غَار اَرْضَا ن أَربِّـي، نِغ عَاوذ وَار يغمِّي شَان ن وࢲْوَار ذ اَمرْزَاݣ اَذ يݣّ لْمَشَاكِيل اَذ يضيّع اَطَّاس ن يِوْذَان.

1 أيث-كورينث 14:20

لَّا آي اَيثْمَا، وَار تْفكَّرث شَا اَم يحنْجِيرن يمزْيَانن. إِڒِيث اَم يسيْمَان ذِي شَّرّْ؛ إِڒِيث اَم يمقّْرَانن عْلَاحْسَاب ڒَعْقڒ.

لوقا 16:26

أُو عَاوذ ذِنِّي يجّن ن ڒَادْجغ يُوْدْجغ جَارَانغ. ئِجّن سَّانِيتَا مڒَا يخس اَغَارْوم د يعْذُو وَار يزمَّر شَا. ئِجّن سّنِّي مڒَا يخس اَغَارْنغ د يعْذُو وَار يزمَّر شَا.

2 بطرس 1:11

أَتَاف اَذَاوم تْوَاسّوْجذ عَاوذ يجّن ن ثوَّارْث ذ ثَصبْحَانْت غَار ڒْمُلْك نّس وَار يفنِّين شَا ن سِيذِيثْنغ عِيْسَى لْمَسِيح ونِّي إِي ذَانغ يسنْجَامن.