2 يوحنا 1:12 - ثريفيث 2020

¹² عَاذ غَارِي اَطَّاس إِي خْسغ اَذَاوم ثِيذ اَرِيغ إِ كنِّيو وَلَكِن اَذ يِيڒِي حْسن مڒَا وَار سْتعْمِيڒغ شَا ذِي ثِوْڒِيقِين ذ سّْمخ. لَّا، تْمنِّييغ اَغَارْوم د اَسغ اَكِذْوم سِّيوْڒغ اَغمْبُوْب ذݣ وغمْبُوْب بَاش ڒفْرَاحث نّغ اَذ تجَّاون.

2 يوحنا 1:12 Referans Kwoze

يوحنا 16:12

غَارِي اَطَّاس ن ثْمسْڒَايِين اَذَاوم ثنْت ينِيغ، وَلَكِن ڒخُّو قسْحنْت خَاوم.

يوحنا 15:11

نِّيغ-أَوم مَانَايَا حمَا اَذ تِيڒِي ذَايْوم ڒفْرَاحث ينُو، حمَا اَذ تِيڒِي ڒفْرَاحث نْوم ثْعمَّر.

1 يوحنا 1:4

نْتَارِي-يَاوم-د ثِمسْڒَاِين-أَ حمَا ڒفْرَاحث نّغ اَذ تجَّاون.

يعيبرانيين 13:19

تتَّارغ-اَوم س وُوْڒ ينُو خَصَّاتَان اَذ تࢲَّادْجم بَاش ذغْيَا اَغَارْوم د ذوْڒغ.

أيث-روما 15:24

خْمِي غَا رَاحغ غَار سْپَـانْيَا تْمنِّيغ اَخَاوم د كّغ، أَكِذْوم قِّيمغ اَكِذْوم فَرْحغ شْوَايْت ن ڒْوقْث. نش تْمنِّيغ زَّايْوم اَذَايِي ثْعَاوْنم اَذ كمّْڒغ خ وبْرِيذ ينُو.

يوحنا 17:13

ڒخُّو ݣُّوْرغ-د غَارك. سَّاوَاڒغ اَوَاڒن-أَ أُو نش عَاذ اَقَايِي ذِي دُّنشْت حمَا اَغَارْسن ثِيڒِي ڒفْرَاحث ينُو ثكْمَاڒ.

يوحنا 16:24

حتَّا ٱڒ ڒخُّو وَار ثتَّارم وَالُو عْلَاحْسَاب يسم ينُو. تَّارث اَذ تَافم، أَتَاف ڒفْرَاحث نْوم اَذ تِيڒِي ثكْمَاڒ.

يعيبرانيين 13:23

ئِتْخصَّا اَذ تسّْنم بلِّي ضڒْقن-اَس-د إِ وُوْمَاثْنغ تِيْمُوْتَاوُس. أَكنِّيو ࢲرغ اَكِذس يعْنِي مڒَا يُوْسَا-د ذغْيَا.

ثبرات غار فليمون 1:22

أُو عَاوذ سوْجذ-اَيِي يجّن ن ثْغُوْرْفَات، تْمنِّيغ اَغَارْوم د عقْبغ عْلَاحْسَاب ثْࢲَادْجِيث نْوم.

2 تيموتاوس 1:4

خْمِي تْفكَّرغ ذݣ يمطَّاون نّش يتطّف-اَيِي-د يجّن مزْڒِي اَش ࢲرغ حمَا اَذ عمَّرغ س ڒفْرَاحث.

يوحنا 3:29

ونِّي غَار ثدْجَا ثسْڒِيث، نتَّا ذ مُوْڒَاي. أَوْزِير ن مُولَاي يعْنِي ونِّي يتْبدَّان زَّاثس يتْسْڒَا-يَاس، نتَّا يفَرّح اَطَّاس إِ وَاوَاڒ ن مُوْڒَاي. أَمُّو ؤُڒَا ذ نش فَرْحغ اَطَّاس.

3 يوحنا 1:10

س مَانَايَا مڒَا ؤُسِيغ-د نش، أَذ فضْحغ مِين يتݣّ نتَّا يسَّاوَاڒ س وَاوَاڒ ن ثُوْبُّوْهْڒِيَا وَار يحْڒِين ضذ نّغ. وَار يقْنِيع شَا س مَانَاينِّي، نتَّا يتَاݣِي اَذ يتْرحَّاب س وَاوْمَاثن يسْبدَّا ؤُڒَا ذ يِنِّي يتْرحَّابن زَّايْسن يتَازّڒ خَاسن زِي جْمَاعث.