22 أيث-كورينث 10:12 - ثريفيث 2020

¹² شُوْف، وَار نْزمَّر أَ نْقَرَن يخف نّغ نِغ أَ نْمثّل يخف نّغ اَك يِنِّي يتْشكَّارن إِ يِيخف نْسن. يِيْنَا خْمِي تْميَّازن يخف نْسن اَك وَايَاوْيَا نِغ تْمثَّالن يخف نْسن اَك وَايَاوْيَا يعْنِي ذَايْسن ڒقْفَاڒث.

22 أيث-كورينث 10:12 Referans Kwoze

لوقا 18:11

ئِبدّ وفَرِّيسِي نِّي يتْࢲَدْجَا ذِي نّفْس نّس ينَّا: يَا أَربِّـي تْشكَّرغ-شك، مِينْزِي وَار دْجِيغ شَا اَم يِوْذَان نّغْنِي يدْجَان ذ يخوَّانن نِغ ذ يِنِّي وَار يدْجِين شَا نِيشَان نِغ ذ يِنِّي يزنَّان نِغ اَم وَانِيتَا إِݣ يجمّْعن ضَّرِيبَا!

22 أيث-كورينث 10:18

لِأَنَّا مَاشِي ونِّي يتْقدَّامن يخف نّس إِي غَا يتْوَاقبّْڒن؛ لَّا، ونِّي إِي غَا يتْوَاقبّْڒن ذ سِيذِي أَربِّـي إِي ث غَا يقدّْمن.

أيث-روما 15:18

شُوْف، زعْمغ اَذ سِّيوْڒغ غِير خ مِين يخدّم لْمَسِيح خ وفُوْس ينُو حمَا يِنِّي وَار يدْجِين شَا زِي أَيث-إِسْرَائِيل اَذ طَاعن إِ أَربِّـي س وَاوَاڒ ذ ڒخْذَايم ينُو،

22 أيث-كورينث 3:1

نشِّين، مَا نبْذَا أَ نْشكَّر يخف نّغ عَاوذ زَعْمَا بَاش اَذَاوم نْقدّم يخف نّغ؟ مَا نشِّين اَم شَا ن يثَرَّاسن غَا يحْذَاجن ثِبْرَاثِين بَاش اَخَانغ شهّْذنْت، يعْنِي ثِبْرَاثِين نِّي اَذ د اَسنْت زَّايْوم نِغ اَغَارْوم د اَسنْت؟

22 أيث-كورينث 5:12

مَا نبْذَا أَ نْشكَّر يخف نّغ عَاوذ زَعْمَا؟ لَّا، نْتِيشّ-اَوم مِينْزِي خَانغ غَا تفْتَخَرم. مَايمِّي؟ يعْنِي حمَا اَغَارْوم يِيڒِي مِينْزِي غَا ثَارّم خ يِنِّي يتفْتَخَرن خ مِين د يتْبَانن غَار بَارَّا مَاشِي مِين يدْجَان غَار ذَاخڒ ذݣ وُوْڒ.

22 أيث-كورينث 10:11

لَّا! ونِّي يسَّاوَاڒن اَمنِّي يتْخصَّا-يَاس اَذ يسّن مِين نعْنَا نشِّين ذِي ثبْرَاثِين-أَ نّغ اَخْمِي نتْغَاب، أَمنِّي إِي غَا نخْذم خْمِي د نْحطَّار.