1 تيموتاوس 6:9 - ثريفيث 2020

⁹ يِنِّي يرزُّوْن اَذ يڒِين ذ تْوَاجَر اَتَاف اَذ تْوَاغَرَّان اَذ وْضَان ذݣ يِجّن ن ثخْشبْث ذ وَاطَّاس ن شّهَاوَاث إِݣ يسْبُوْهْڒُوْين إِݣ يسفْشَاذن إِݣ يسْغرَّاقن يرْيَازن ذِي اَرّْوِينَا ذ ڒفْنَا.

1 تيموتاوس 6:9 Referans Kwoze

1 تيموتاوس 3:7

أُو لَابُد عَاوذ اَث وقَّرن يِنِّي يدْجَان ن بَارَّا وَار يدْجِين شَا ذ ڒْمُوْمِنِين بَاش وَار خَاس تْعيِّيبن شَا يِوْذَان وَار يوطِّي شَا ذِي ثخْشبْث نِّي ن إِبْڒِيس.

ڒخذايم 8:20

ئِكَّر بُطْرُس ينَّا-ٱس: "لَّا، جْمع نُّقَارْث نّش قَا اَذ تِيڒِي ذ ثِمسِّي اَكِذش ذِي ڒفْنَا مِنْزِي ثنْوِيذ اَذ تسْغذ لْهَدِيَا ن أَربِّـي س تْمنْيَاث!

أَسڒْمذ ن سِيذِيثْنغ عِيْسَى لْكِتَاب ن مَتَّى 13:22

زَّرِّيعث نِّي إِݣ يوْضَان جَار يسنَّانن نتَّاث اَم يِجّن ن بْنَاذم إِي يتْسْڒَان إِ وَاوَاڒ ن أَربِّـي ذَايس اَمْنُوْس ن دُّنشْت، يشمّث-يث طّْمَع ن وَاݣْڒَا، سّنِّي يتْوَاجيّف وَاوَاڒ ن أَربِّـي وَار ينفّع شَا.

ثبرات زي يهوذا 1:11

يَا ڒفْضِيحث نْسن! تبْعن اَبْرِيذ نِّي ن قَبِيل. سمْحن ذݣ يِيخف نْسن ضمْعن ذِي تْمنْيَاث ݣُّوْرن ذِي لْغَالط ن بَلْعَام. فْنَان ذِي لْحِرَاك نِّي ن قُرَاح وَامِي يعَارّض إِ مُوْسَى.

2 بطرس 2:3

عْلَاحْسَاب اَعدِّيس نْسن اَذَاوم شّن ڒْمُوْخ س وَاوَاڒن إِي تْسَايَاسن وَاهَا. مشْحَاڒ زݣ وَامِي لْعِقَاب نْسن عَاذ يتْرَاجَا-ثن وَار يتطّص شَا.

أيث-ؤفسوس 4:22

إِيوَا تُوْغَا ثْڒمْذم اَذ تْسمْحم ذِي طَّبِيعَا نِّي نْوم تُوْغَا غَارْوم قْبڒ. لِأَنَّا طَّبِيعَا نِّي نْوم ثَرشَّا عْلَاحْسَاب شّهْوث نّس يسْتْوَاغَرّن.

مرقس 4:19

ذَايْسن اَمْنُوْس ن دُّنشْت، يشمّث-يثن طّْمَع ن وَاݣْڒَا، ذَايْسن شّهَاوَاث ن ثْمسْڒَايِين نّغْنِي، سّنِّي يتْوَاجيّف وَاوَاڒ ن أَربِّـي وَار ينفّع شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:15

ينَّا-ٱسن: "مِين ذَايِي غَا ثُوْشم مڒَا ؤُوِيغ-اَوم-د عِيْسَى؟" حسْبن-اَس ثْڒَاثِين ن ثْپـيَّاسِين ن نُّقَارْث ؤُشِين-اَس-ثنْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 19:22

أَحنْجِير نِّي، وَامِي يسْڒَا إِ مَانَاينِّي يرُوْح يخيّق اَطَّاس ڒَاحقَّاش غَارس اَطَّاس ن وَاݣْڒَا.

2 تيموتاوس 2:26

أُوْشَا اَذ د اَرّن ڒْبَاڒ نْسن اَذ اَروْڒن زِي ثخْشبْث ن إِبْڒِيس ونِّي إِي ثن يحبّْسن حمَا اَذ ݣّن ڒْخَاضَر نّس.

1 تيموتاوس 1:9

نسّن شَّرِيعَا-يَا عَاوذ وَار د ثخْرِيق شَا إِ يِنِّي يسمْصْڒَاحن اَك أَربِّـي. لَّا، ثخْڒق-د إِ يِنِّي يدْجَان ذ يعفَّانن ذ يِنِّي إِي ذِي ثدْجَا ثْغنَّانْت ذ يِنِّي وَار يذفِّيرن شَا أَربِّـي ذ يِنِّي يعصَّان ذ يِنِّي وَار يصْفِين شَا ذ يِنِّي وَار غَار يدْجِي بُو دِّين ذ يِنِّي ينقّن بَابَاثْسن ذ يمَّاثْسن ذ يِنِّي ينقّن يوْذَان

لوقا 21:35

نْهَار نِّي اَذ يطّف مَارَّا يِنِّي يدْجَان خ ثْمُوْرْث.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:19

وَار سْنُوْفُّوْرث شَا ڒْكنْز نْوم ذِي دُّنشْت-أَ مَانِي يَرشَّا تتّنْت-ث ثْكشَّاوِين ذ مَانِي دْجَان يشفَّارن شَّاثن نْقَابث تَاشَارن-ث.

لوقا 12:21

أَمنِّي إِي غَا يِيڒِي ونِّي يجمّْعن اَݣْڒَا إِ يِيخف نّس وَاهَا وَار يجمّع شَا إِ أَربِّـي."

1 تيموتاوس 6:10

لِأَنَّا ڒمْحِبّث ن تْمنْيَاث نتَّا ذ لْأَصل ن وَاطَّاس ن لْأَنْوَاع ن شَّرّْ. ڒبْعَاض ن يِوْذَان إِݣ يتخْسن تْمنْيَاث اَقَا فّْغن اَبْرِيذ سْنُوْقُّوْبن يخف نْسن س وَاطَّاس ن ڒحْرِيقَاث.

1 تيموتاوس 6:17

يِنِّي إِݣ يدْجَان ذ تْوَاجَر ذِي دُّنشْت-أَ إِي ذِي ندْجَا تْوصَّا-ثن بَاش وَار ذَايْسن يتِيڒِي شَا تَّكبُّر بَاش وَار تݣّن شَا لْأَمَال نْسن ذݣ وَاݣْڒَا ذِي وَار ثدْجِي بُو تِّقث. لَّا، أَذ يِيڒِي لْأَمَال نْسن ذِي أَربِّـي ونِّي إِي ذَانغ يتْذبَّرن مَارَّا ثِمسْڒَايِين س ڒْخِير اَزَّايْسنْت نْفَرح.

ثبرات غار تيتوس 2:12

أَرْضَا-يَا يتْربَّا-يَانغ أَ ننْكَر شَّرّْ ذ شّهَاوَاث ن دُّنشْت-أَ، أَ نْعِيش ذِي زْمَان-أَ أَ نحْكَام خ ثْنفْسِيث نّغ اَذَايْنغ يِيڒِي لْمَعْقُوْل ذ لْإِيمَان