1 تيموتاوس 5:25 - ثريفيث 2020

²⁵ أَمُّو عَاوذ شَان ن لْحَسَانَاث تْوَامظْهَارنْت-يد، عَاذ شَان ن لْحَسَانَاث نّغْنِي وَار زمَّرنْت شَا اَذ قِّيمنْت تْوَانُوْفَّرنْت.

1 تيموتاوس 5:25 Referans Kwoze

لوقا 11:33

ؤُڒَا ذ يجّن وَار يتْشَعِّيڒ ڒْقنْدِيڒ حمَا اَث يسرْس ذݣ يِج ومْشَان ينُوْفَّر نِغ اَخَاس يقْڒب اَقْنُوْش. لَّا، ئِتݣّ-يث خ ڒْمَرْفَاع حمَا اَذَاسن يُوْش ثْفَاوْث إِ يِنِّي إِي د غَا يَاذْفن.

1 تيموتاوس 3:7

أُو لَابُد عَاوذ اَث وقَّرن يِنِّي يدْجَان ن بَارَّا وَار يدْجِين شَا ذ ڒْمُوْمِنِين بَاش وَار خَاس تْعيِّيبن شَا يِوْذَان وَار يوطِّي شَا ذِي ثخْشبْث نِّي ن إِبْڒِيس.

ڒخذايم 22:12

يُوْسَا-د غَارِي ذِنِّي يجّن قَّارن-اَس أَنَاس. نتَّا ذَايس دِّين، يتْطَاعَا إِ شَرِيعَا. سَّاوَاڒن خَاس مْلِيح مَارَّا يسْرَائِيلِيْين إِي زدّْغن ذِي دِمَشق. ئِبدّ-د زَّاثِي ينَّا-ٱيِي: آي ؤُمَا شَاوُل، ڒخُّو اَذ تْذوْڒذ اَذ تْوَاڒِيذ! ڒخْدّنِّي ݣنْفِيغ تْوَاڒِيغ نتَّا.

ڒخذايم 10:22

نَّان-اَس: "قَا نشِّين يسّكّ-اَنغ-د كُوْرْنِينْيُوْس يجّن ن وعَسْكَارِي ذ اَمقّْرَان ن اَرُّوْمَانُوْس. نتَّا ذ يجّن ن ورْيَاز نِيشَان يتݣّْوذ أَربِّـي، تْوقَّارن-ث مَارَّا ڒْقُوْم ن أَيث-إِسْرَائِيل. ينَّا-ٱس يجّن ن لْمَلَاك ن أَربِّـي: سكّ غَار بُطْرُس، اَذ د يَاس غَار ثدَّارْث نّش اَذَاس ثْصنّْطذ مِين ذَاش غَا يِينِي."

ڒخذايم 9:36

ذِي ثنْدِينْت ن يَافَا ذِنِّي يجّن ن ثْمحْضَارْث قَّارن-اَس طَابِيتَا (ڒْمَعْنَا ن يِيسم-أَ، <ثِيغِيت ن وزْغَار>). تݣّ ڒْخِير اَطَّاس تْعَاوَان يمسْعَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:16

أَمُّو، جّث ڒْقنْدِيڒ نْوم يشعّڒ إِ يِوْذَان حمَا اَذ ࢲرن ڒخْذَايم نْوم ثِصبْحَانِين اَذ حمْذن بَابَاثْوم يدْجَان ذݣ وجنَّا.

أيث-فيليـپـي 1:11

زَّايس زِي عِيْسَى لْمَسِيح اَذ تِيڒِيم ثْعمَّرم س مِين د يتَارْون ڒْحَقّ. مَارَّا مَانَايَا إِ لْعَظَمَا ن أَربِّـي ذ لْحَمْد نّس.

لواحي ن يوحنا 14:13

سْڒِيغ إِ يِجّن ن ثْمِيجَّا زݣ وجنَّا ثقَّار: "أَرِي مَانَايَا: سَّعْذ ن يمتِّينن إِي غَا يمّْثن سَّا اَڒ ثْسَاونْت ؤُمْنن زِي سِيذِيثْنغ." أَرُّوْح ن أَربِّـي يقَّار: "وَاه، حمَا اَذ ريّْحن زِي تَمَارَا نْسن ڒَاحقَّاش ذفَّارنْت-ثن لْحَسَانَات نْسن."