1 تيموتاوس 5:13 - ثريفيث 2020

¹³ عَاوذ اَذ ذوْڒنْت ذ ثِمعْݣَازِين ݣُّوْرنْت زِي ثَدَّارْث غَار ثدَّارْث تݣّنْت فَرْق-شّْغڒ. مَاشِي ذ ثِمعْݣَازِين وَاهَا، تْعَاوَاذنْت ڒخْبُوْرَاث تَاذْفنْت ذِي شّْغُوْرَاث ن مِيدّن قَّارنْت ثِمسْڒَايِين وَار يتْخصَّا شَا اَذ تْوَانَّانْت.

1 تيموتاوس 5:13 Referans Kwoze

ڒخذايم 20:30

عَاوذ زَّايْوم اَذ د مظْهَارن شَان يثَرَّاسن اَذ سْعوّْجن لْحَقِيقَا حمَا ٱذ جَرّن غَارْسن يمحْضَارن.

ثبرات غار تيتوس 1:11

يِيْنَا اَقمُّوْم نْسن يتْخصَّا-يَاسن اَذَاسن يتْوَاقّن. نِثْنِي مشْحَاڒ ن لْعَائِلَاث كمْڒنْت إِي سْپَـرْذْڒن وَامِي ذَاسن سڒْمَاذن ثِمسْڒَايِين يتْخصَّا-يَاسن وَار ذَاسن ثنْت سڒْمِيذن شَا، نِثْنِي ضمّْعن ذِي تْمنْيَاث وَاهَا.

ڒخذايم 20:20

وَار زَّايْوم سْنُوْفَّرغ وَالُو، نش تْخبَّرغ-كنِّيو س مَارَّا مِين كنِّيو غَا ينفْعن. سڒْمَاذغ-اَوم-ث زَّاث إِ يِوْذَان أُو عَاوذ زِي ثدَّارْث غَار ثدَّارْث.

لوقا 10:7

قِّيمم ذِي ثدَّارْث نِّي، شّم سْوم زِي مِين غَارْسن مِينْزِي ونِّي يتْبشَّارن غَارس ڒْحَقّ اَذ يتْخَاڒس. وَار تْرَاحم شَا زِي ثدَّارْث غَار ثدَّارْث.

3 يوحنا 1:10

س مَانَايَا مڒَا ؤُسِيغ-د نش، أَذ فضْحغ مِين يتݣّ نتَّا يسَّاوَاڒ س وَاوَاڒ ن ثُوْبُّوْهْڒِيَا وَار يحْڒِين ضذ نّغ. وَار يقْنِيع شَا س مَانَاينِّي، نتَّا يتَاݣِي اَذ يتْرحَّاب س وَاوْمَاثن يسْبدَّا ؤُڒَا ذ يِنِّي يتْرحَّابن زَّايْسن يتَازّڒ خَاسن زِي جْمَاعث.

1 بطرس 4:15

حْضَام اَكِذْوم يِيڒِي يجّن جَارَاوم إِݣ يتْوَاعدَّابن مِينْزِي ينْغَا بْنَاذم نِغ يُوْشَار نِغ ذ لْمُجْرِيم نِغ يتَاذف ذِي شّْغُوْڒَاث ن مِدّن.

ثبرات غار يعقوب 3:10

وَاش زݣ يِجّن ن وقمُّوْم إِي زِي غَا نْسُوْفغ شُّكر ذ نَّعْڒث؟ لَّا آي أَيثْمَا، مَانَايَا يتْخصَّا وَار يتِيڒِي شَا.

1 تيموتاوس 5:12

أَمُّو اَذ تْوَاحكْمنْت مِينْزِي سمْحنْت ذِي لْوَعذ نْسنْت إِي ݣِّينْت ذ اَمزْوَارُو.