1 تيموتاوس 3:2 - ثريفيث 2020

² فَا اَرَّايس ن جْمَاعث مَاشِي اَم يِجّن ن بْنَاذم إِي تْعيَّابن يِوْذَان. أُو لَابُد اَغَارس ثِيڒِي يجّن ن ثمْغَارْث وَاهَا. أُو لَابُد اَذ يحْكم خ يِيخف نّس اَذَايس يِيڒِي لْمَعْقُوْل ذ لْإِحْتِرَام اَذ يتْرحَّاب زݣ ينوْجِيون اَغَارس ثِيڒِي ثْزمَّار اَذ يسڒْمذ يوْذَان.

1 تيموتاوس 3:2 Referans Kwoze

2 تيموتاوس 2:24

فَا اَخدَّام ن سِيذِيثْنغ لَابُد وَار يتْمنْغِي شَا س وَاوَاڒ اَطَّاس؛ ئِتْخصَّا-ٱس اَذ يِيڒِي ضْرِيف اَك مَارَّا يوْذَان، أَتَاف يسّن اَذ يسڒْمذ، أَتَاف غَارس تَّاسِع ن ڒْخَاضَر.

أيث-روما 12:13

عَاوْنث ڒْمُوْمِنِين صَّالِحِين يِنِّي يتحْذَاجن. رحّْبث خ يِنِّي يتْسَفَارن.

1 تيموتاوس 5:9

وَار تجَّا ؤُڒَا ذ يشْتن اَذ تْسجّل اَك ثَاجَّاڒِين غَار لْمُعَاوَنَا إِلَّا مڒَا غَارس زِي ستِّين يسݣّْوُوْسَا اَڒ ثْسَاونْت، إِلَّا مڒَا تُوْغَا غَارس يجّن ن ورْيَاز وَاهَا.

1 بطرس 4:9

لَابُد اَذ تْرحّْبم زݣ وَايَاوْيَا اَم ينوْجِيون بْڒَا مَا ٱذ تْشثْشَام.

1 بطرس 5:8

أَرّم-د ڒْبَاڒ نْوم، إِڒِيث عْلَابَال. ڒَعْذُو نْوم إِبْڒِيس قَا يتْقيَّاذ-كنِّيو اَم سّْبَاع يتْهِيرِّيو يرزُّو خ ونِّي إِي غَا يسغْڒِي.

يعيبرانيين 13:2

وَار تتُّوْث شَا اَذ تْرحّْبم زِي مِدّن مِينْزِي ڒبْعَاض إِي ݣِّين مَانَاينِّي تْرحَّابن زِي لْمَلَائِكَاث بْڒَا مَا ثنْت سّْنن.

ثبرات غار تيتوس 2:2

يِنِّي يمْغَارن اَذَايْسن يِيڒِي لْمَعْقُوْل، أَذ يڒِين مْوقّْرِين، أَذ حكْمن خ ثْنفْسِيث نْسن، أَذ يڒِين نِيشَان ذِي لْإِيمَان ذ ڒمْحِبّث ذ صّْبَر.

أيث-فيليـپـي 2:15

أَمُّو اَذ تِيڒِيم بَرِئِن بْڒَا ڒْعِيب ذِي ڒْوسْط ن يِوْذَان ن ڒْوقْث-أَ يعوّْجن يخَروْضن. ذَايْسن إِي ثْرقّم اَم يِيثْرَان ذِي دُّنشْت-أَ خْمِي ذَاسن تْقدَّامم اَوَاڒ ن ثُوْذَارْث. أَمنِّي اَذ فْتَخَرغ ذِي نْهَار نِّي ن لْمَسِيح نش وَار ؤُزِّيڒغ شَا وَار خْذِيمغ شَا ذِي ڒْخَاوِي وَاهَا.

1 بطرس 4:7

أَقَا يُوْسَا-د ونݣَّارُو ن مَارَّا ثِمسْڒَايِين. إِذن يتْخصَّا اَذ د تَارّم ڒْبَاڒ نْوم اَغَارْوم يِيڒِي ڒَعْقڒ نْوم بَاش اَتَاف اَذ تْزمَّرم اَذ تْࢲَادْجم.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

1 تيموتاوس 4:3

نِثْنِي اَذ سْبدّن يوْذَان بَاش وَار مدْجْشن شَا، قَّارن-اَسن عَاوذ قَا شَا ن لْمَكْلَاث ممْنُوْع اَثنْت شّن. وَلَكِن لْمَكْلَاث نِّي يخْڒق-يثنْت-يد أَربِّـي اَثنْت نقْبڒ نشِّين إِݣ يتَامْنن نسّن لْحَقِيقَا.

لوقا 1:6

زَكَرِيَا ذ إِلِيزَابت نِثْنِي ݣُّوْرن نِيشَان اَك أَربِّـي، ؤُڒ نْسن ذ اَشمْڒَاڒ. تݣّن مَارَّا مِين يُوْمَر ذ مَارَّا مِين يوصَّا سِيذِي أَربِّـي.

لوقا 2:36

تُوْغَا ذِنِّي عَاوذ يجّن ن نَّبِيَا ذ ثَوسَّارْث قَّارن-اَس حَنَان نتَّاث ذ يدْجِيس ن فَنْوِيل زِي ثقْبِيڒْث ن عَشُوْر. ثْعِيش اَك ورْيَاز نّس سبْعَا يسݣّْوُسَا.

1 تيموتاوس 3:8

أَمنِّي عَاوذ يمْسخَّارن أُو لَابُد اَذ يڒِين مْوقّرِين اَغَارْسن يِيڒِي وَاوَاڒ، أَتَاف وَار سسّن شَا اَطَّاس ن شّْرب وَار ظمّْعن شَا ذِي ڒوْسخ ن دُّنشْت-أَ.

1 تيموتاوس 3:12

ئِمْسخَّارن يتْخصَّا أُو لَابُد اَذ يڒِين ذ يرْيَازن ن يِجّن ن ثمْغَارْث وَاهَا، أَذ حكّْمن خ يحنْجِيرن ذ ثُوْذْرِين نْسن مْلِيح.

1 تيموتاوس 5:10

لَابُد اَذ تِيڒِي مَعْرُوْفَا س لْحَسَانَاث نّس يعْنِي مڒَا ثربَّا ثَارْوَا نّس، تْرحَّاب س ينوْجِيون، ثْسِيڒِيذ يضَارن ن صَّالِحِين، تْعَاوَان يِنِّي يتْزيَّارن، ثْذفَّار مَارَّا ثِمسْڒَايِين ثِصبْحَانِين.

1 تيموتاوس 5:22

ئِفَاسّن نّش وَار تْقدْجِيق شَا اَثن تْسرْسذ خ شَان حَدّ، وَار شَرّش شَا ذِي ڒْمُعْصِيَاث ن مِيدّن. قِّيم شك ثصْفِيذ.