1 تيموتاوس 1:19 - ثريفيث 2020

¹⁹ أَتَاف اَغَارش يِيڒِي لْإِيمَان نّش ذ يِجّن ضَّمِير ذ اَصبْحَان. مَاشِي اَم ڒبْعَاضِيث سمْحن ذِي مَانَايَا أُوْشَا لْإِيمَان نْسن يغَرق اَم يِج وغَرَّابُو ذِي ڒبْحَر.

1 تيموتاوس 1:19 Referans Kwoze

1 تيموتاوس 3:9

ئِمْسخَّارن-أَ يتْخصَّا لَابُد اَذ طّْفن ذِي ڒْمَعْنَا ينُوْفَّرن ن لْإِيمَان س يِجّن ن ضَّمِير يصْفَا.

لواحي ن يوحنا 3:10

ثصْبَرذ خ مِين ش وصِّيغ، س مَانَايَا اَتَاف نش اَش حْمِيغ زِي ثْسَاعَّات نِّي ن ڒمْحَاين إِي د غَا يهْوَان خ مَارَّا دُّنشْت-أَ حمَا يمزْذَاغ ن تْمُوْرْث اَزَّايس تْوَاجَرّْبن.

1 تيموتاوس 6:9

يِنِّي يرزُّوْن اَذ يڒِين ذ تْوَاجَر اَتَاف اَذ تْوَاغَرَّان اَذ وْضَان ذݣ يِجّن ن ثخْشبْث ذ وَاطَّاس ن شّهَاوَاث إِݣ يسْبُوْهْڒُوْين إِݣ يسفْشَاذن إِݣ يسْغرَّاقن يرْيَازن ذِي اَرّْوِينَا ذ ڒفْنَا.

ثبرات غار تيتوس 1:9

ئِتْخصَّا أُو لَابُد اَذ يطّف مْلِيح ذݣ وَاوَاڒ نِّي إِي ذِي ثدْجَا تِّقث إِي ذَاس يتْوَاسْڒمْذن حمَا اَذ يشجّع يوْذَان س يِجّن ن تَّعْلِيم نِيشَان اَذ ينْهَا يِنِّي يتْعَارَّاضن إِ تَّعْلِيم-أَ.

لواحي ن يوحنا 3:8

نش سّْنغ ڒخْذَايم نّش. أَقَا ݣِّيغ زَّاثش يجّن ن ثوَّارْث ثْنُوْرْزم وَار يزمَّر حَدّ اَت يبلّع. وَاخَّا جّْهذ نّش ذ ؤُقْلِيل، ثݣِّيذ اَرَّاي إِ وَاوَاڒ ينُو وَار ثنْكَرذ شَا يسم ينُو.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

2 تيموتاوس 4:4

يِيْنَا اَذ سْبعّْذن يمجَّان نْسن زِي لْحَقِيقَا اَثن اَوِين اَذ سْڒن إِ ثْحُوْجَا وَاهَا.

1 يوحنا 2:19

فّْغن زَّايْنغ وَلَكِن تُوْغَا وَار دْجِين شَا زَّايْنغ. مَعْلِيك زَّايْنغ، أَتَاف قِّيمن اَكِذْنغ. نِثْنِي فّْغن بَاش اَد د يبَان بلِّي وَار دْجِين شَا زَّايْنغ.

1 تيموتاوس 6:21

ذِنِّي ڒبْعَاض ذْفَارن لْعَرْفَانِيَا-يَا زَعْمَا منْبَعْد فّْغن اَبْرِيذ ن لْإِيمَان. أَغَارْوم يِيڒِي اَرْضَا إِ كنِّيو.

1 تيموتاوس 1:5

مِين يعنَا لْغَرَض ن ڒُوْصِيّث-أَ؟ لْغَرَض نّس ذ يجّن ن ڒمْحِبّث إِي د يتَاسن زݣ وُوْڒَاون يصْفَان ذ يِجّن ن ضَّمِير ذ اَصبْحَان ذ يِجّن ن لْإِيمَان بْڒَا نِّفَاق.

أيث-ݣلاطيا 5:4

كنِّيو إِي يرزُّوْن صُّلْح س شَّرِيعَا نِّي اَك أَربِّـي، أَقَا ثتْوَاحَرّْمم زِي لْمَسِيح ثْبعّْذم خ اَرْضَا نّس.

1 أيث-كورينث 11:19

ڒَاحقَّاش وَا لَابُد اَذ يڒِين لْخِلَافَاث جَارَاوم بَاش اَذ د بَانن يِنِّي يدْجَان نِيشَان جَارَاوم.

لواحي ن يوحنا 3:3

عْقڒ خ تَّعْلِيم إِي ثْقبْڒذ وَامِي ذَاس ثسْڒِيذ. خْذم زِّايس، تُوْب. مڒَا وَار ثدْجِيذ شَا عْلَابَال، نش اَغَارك د اَسغ اَم يِج وشفَّار وَار ثسِّينذ شَا مَان ثْسَاعَّات إِي د غَا اَسغ.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:27

أُوْݣ يزمَّرن زَّايْوم اَذ يَرْنِي س ومْنُوْس نّس غِير ثْسَعَّات وَاهَا ذِي ڒْعُمُوْر نّس؟

1 تيموتاوس 6:12

مْنغ اَمنْغِي نِّي اَصبْحَان ن لْإِيمَان، طّف ذِي ثُوْذَارْث نِّي وَار يفنِّين شَا اَڒ ذَاش د يڒَاغَا أَربِّـي وَامِي ثْشهْذذ شْهَاذث نِّي ثَصبْحَانْت زَّاث إِ وَاطَاس ن ڒشْهُوْذ.

2 تيموتاوس 2:18

نِثْنِي فّْغن اَبْرِيذ ن لْحَقِيقَا قَّارن قَا صَافِي يُوْم لْقِيَامَا يوْقع، تْضيَّاعن لْإِيمَان ن ڒبْعَاض ن يِوْذَان.