19 وَار تْسخْسَايم شَا أَرُّوْح يقدّْسن.
وَار سْخيَّاقم شَا أَرُّوْح يقدّْسن ن أَربِّـي يعْنِي ونِّي إِي زِي ثتْوَاضبْعم إِ نْهَار نِّي إِي غَا ثْنجّْمم.
ينَّا-ٱسن سْتِيفَان: آ يِنِّي إِي ذِي ثدْجَا ثْغنَّانْت، قَا ؤُڒَاون نْوم ذ يمجَّان نْوم قّْنن! كنِّيو تݣّم مَامّش إِي ݣِّين ڒجْذُوْذ نْوم، كِيف-كِيف. ڒبْدَا تْعَارَّاضم-اَس إِ أَرُّوْح يقدّْسن.
خ مَانَايَا اَش فكَّرغ بَاش اَذ تْسنْهزّذ لْقُدْرَا نِّي إِي ذَايش يدْجَان زِي أَربِّـي عْلَاحْسَاب وَامِي خَاش سرْسغ يفَاسّن ينُو.
وَار تْفرَّاط شَا ذِي لْقُدْرَا نِّي إِي ذَاش يمُّوْشن عْلَاحْسَاب اَوَاڒ نِّي اَصبْحَان إِي خَاش نَّان لْأَنْبِيَا وَامِي اَيْرَاو ن يمقّْرَانن ن جْمَاعث ن ڒْمُوْمِنِين سرْسن خَاش يفَاسّن نْسن.
أَذ تيْسِيم ڒبْدَا لْإِيمَان نْوم اَم يِجّن ن لْحِمَايَا خ وفُوْس إِي زِي غَا ثْسخْسِيم مَارَّا فْڒِيتْشَاث نِّي يحَرّْقن ن وعفَّان نِّي ن إِبْڒِيس.
مڒَا يهْوَا-د شَا ن وَاوَاڒ ن لْوَاحِي خ شَان يِجّن جَار ن يِنِّي يقِّيمن جَارَاوم، أَتَاف ونِّي يسَّاوَاڒن ذ اَمزْوَارُو اَذ يسْتُوْك.
وَار تْسحْقَارم شَا اَوَاڒن نِّي إِي عڒْمن يِوْذَان زِي أَربِّـي قَّارن-ثن.
