1 أيث-سلونيك 5:13 - ثريفيث 2020

¹³ ؤُشم-اَسن يجّن ن لْقِيمَا ثمْغَر س ڒمْحِبّث نْوم عْلَاحْسَاب ڒْخذْمث نْسن. إِڒِيم عَاوذ ذِي ڒهْنَا اَك وَايَاوْيَا.

1 أيث-سلونيك 5:13 Referans Kwoze

مرقس 9:50

ڒمْڒح ثْصدْجَاح، وَلَكِن مڒَا يرُوْح-اَس لْمَذَاق نّس، مَامْش ذَاس غَا نݣّ اَذَاس ثِيذ نَرّ؟ أَغَارْوم ثِيڒِي ڒمْڒح ذِي نّفْس نْوم، ئِڒِيم ذِي ڒهْنَا اَك وَايَاوْيَا."

يعيبرانيين 12:14

ݣّث لْمجْهُوْد بَاش اَذ تْعِيشم ذِي ڒهْنَا اَك مَارَّا يوْذَان أُو بَاش اَذ تِيڒِيم ثصْفَام. بْڒَا أَ نِيڒِي نصْفَا وَار ذِنِّي حَدّ إِي غَا يࢲرن مَاوْلَانَا.

ثبرات غار يعقوب 3:18

يِنِّي يسمْصْڒَاحن يوْذَان زرّْعن مَانَاينِّي، أَتَاف اَذ مْجَرن يجّن ن ثْفدْجَاحْث ن ڒْحَقّ.

أيث-ؤفسوس 4:3

ݣّث مَارَّا لْمجْهُوْد نْوم بَاش اَذ تِيڒِيم ذ يجّن ذِي أَرُّوْح يقدّْسن وَامِي ثطّْفم فُوْس ذݣ وفُوْس س ڒهْنَا.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

22 أيث-كورينث 13:11

صَافِي آي أَيثْمَا، فَرّْحث. صڒْحث يبْرِيذن نْوم نِيشَان. تْصنَّاطث غَارِي مِين ذَاوم قَّارغ. إِڒِيث ذ يجّن ذِي اَرَّاي نْوم. تْعِيشث ذِي ڒهْنَا. أَربِّـي نّغ ن ڒمْحِبّث ذ ڒهْنَا اَذ يِيڒِي اَكِذْوم.

يوحنا 15:17

ذ ثَا ذ ڒُوْصِيّث ينُو، يعْنِي اَذ تْحِبّم اَيَاوْيَا.

2 تيموتاوس 2:22

فَا ارْوڒ زِي شَّهَاوَاث نِّي ثِعفَّانِين ن ثمْࢲِي، ذفَّار صُّلْح ذ لْإِيمَان ذ ڒمْحِبّث ذ ڒهْنَا اَك يِنِّي إِي د يڒَاغَان خ سِيذِيثْنغ س يِجّن ن وُوْڒ يصْفَا.

2 أيث-سلونيك 3:16

سِيذِيثْنغ ن ڒهْنَا اَذَاوم يُوْش يجّن ن ڒهْنَا ذِي اَيَا ڒْوقْث أُو س مَارَّا ثِمسْڒَايِين. أَذ يِيڒِي سِيذِي أَربِّـي اَكِذْوم مَارَّا.

أيث-كولوس 3:15

اجّم ڒهْنَا ن لْمَسِيح اَذ يحْكم ذݣ وُوْڒَاون نْوم مِينْزِي كنِّيو ذ يجّن ن جْمَاعث يڒَاغَا-يَاوم-د اَڒ ڒهْنَا-يَا. كنِّيو عَاوذ شكَّرم أَربِّـي.

أيث-ݣلاطيا 6:6

فَا ونِّي ؤُمِي سڒْمَاذن اَوَاڒ ن أَربِّـي، ئِتْخصَّا اَذ يشَرش نتَّا اَك ونِّي يسڒْمَاذن زِي مَارَّا مِين يدْجَان ذ اَصبْحَان.

أيث-ݣلاطيا 4:14

ڒهْڒَاش نِّي ينُو يُوْوِي-اَوم-د يجّن ن تَمَارَا. وَاخَّا اَمنِّي وَار ذَايِي ثْحݣَّارم شَا وَار ذَايِي ثْسحْقَارم شَا. لَّا، ثْرحْبم زَّايِي غَارْوم اَم يِجّن زِي لْمَلَائِكَاث ن أَربِّـي نِغ اَم عِيْسَى لْمَسِيح س يِيخف نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 10:40

ونِّي كنِّيو يقبّْڒن، أَتَاف يقْبڒ-اَيِي. ونِّي ذَايِي يقبّْڒن، أَتَاف يقْبڒ ونِّي ذَايِي د يسّكّن.

1 أيث-سلونيك 5:14

آي أَيثْمَا، نْهَاث يِنِّي يتْبَاعن فَرْق-شّْغڒ، شجّْعث يِنِّي يتفْشِيڒن، عَاوْنث يِنِّي يتضْعِيفن، صبَّارث اَك مَارَّا.