1 أيث-سلونيك 3:8 - ثريفيث 2020

⁸ ڒخُّو اَقَا نتْعِيش مْلِيح وَامِي تْبدَّام نِيشَان ذݣ وبْرِيذ ن سِيذِيثْنغ.

1 أيث-سلونيك 3:8 Referans Kwoze

أيث-كولوس 1:23

وَلَكِن لَابُد اَذ تقِّيمم ذِي لْإِيمَان نْوم نِيشَان اَذ تْبدّم خ دْسَاس، وَار ثْسمّْحم شَا ذِي لْأَمَال ن لْإِنْجِيل تُوْغَا إِي تسْڒِيم. لْإِنْجِيل-أَ تْوَابشَّرنْت زَّايس قَاع ثِمسْڒَايِين يتْوَاخڒْقن سْوَادَّاي وجنَّا، أُو نش بُوْلُس ذوْڒغ ذ اَخدَّام نّس.

1 أيث-كورينث 16:13

إِڒِيث عْلَابَال، بدّث نِيشَان ذِي لْإِيمَان، إِڒِيث ذ يرْيَازن، إِڒِيث ثْجهْذم.

لواحي ن يوحنا 3:11

أَقَا ؤُسِيغ-د وَار تْعطَّاڒغ شَا. طّف ذِي لْإِيْمَان نّش حمَا وَار د يتِيس حَدّ اَش ييْسِي تَّاج نّش.

يعيبرانيين 10:23

أَ نطّف بْڒَا مَا أَ نضْڒق ذِي لْأَمَال نِّي إِي خف نْشهّذ لِأَنَّا أَربِّـي إِي ذَانغ يوعْذن ذَايس تِّقث.

يعيبرانيين 4:14

إِذن نشِّين أَ نطّف مْلِيح ذِي لْإِيمَان نّغ إِي خف نْشهّذ مِينْزِي غَارْنغ يجّن ن ڒفْقِي اَمقّْرَان يمْغر يُوْذف ذݣ يجنَّاثن يعْذُو-ثن، نتَّا ذ عِيْسَى مِّيس ن أَربِّـي.

أيث-فيليـپـي 1:21

مِينْزِي غَارِي لْمَسِيح نتَّا ذ ثُوْذَارْث ينُو، غَارِي ڒْموْث نتَّاث ذ لْجَائِزَا ينُو.

لواحي ن يوحنا 3:3

عْقڒ خ تَّعْلِيم إِي ثْقبْڒذ وَامِي ذَاس ثسْڒِيذ. خْذم زِّايس، تُوْب. مڒَا وَار ثدْجِيذ شَا عْلَابَال، نش اَغَارك د اَسغ اَم يِج وشفَّار وَار ثسِّينذ شَا مَان ثْسَاعَّات إِي د غَا اَسغ.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

أيث-ؤفسوس 3:17

حمَا لْمَسِيح اَذ يزْذغ ذݣ وُوْڒَاون نْوم س لْإِيمَان. تتَّارغ إِ أَربِّـي عَاوذ اَذ تْوَاࢲُّوْم اَذ تُوْوْثم مْلِيح يࢲوْرَان ذݣ وشَاڒ ن ڒمْحِبّث

ڒخذايم 11:23

وَامِي د يُوْوض، يُوْفَا مَامّش ثن يبَرك أَربِّـي. ئِفَرح يبْذَا يتْشجَّاع-يثن مَارَّا بَاش اَذ قِّيمن ذݣ وبْرِيذ ن سِيذِيثْنغ س مَارَّا وُوْڒَاون نْسن.

2 بطرس 3:17

إِذن آي يمْعِيزّن ينُو، كنِّيو ثسّْنم مَانَايَا، حْضَاث يخف نْوم بَاش وَار كنِّيو يتَاوِي شَا لْغَلَط ن لْمُفْسِدِين اَذ د توْضَام زِي دْسَاس نْوم.

1 بطرس 5:10

أَتَاف اَذ تْوَاعدّْبم شْوَايْت ن ڒْوقْث ڒخْدّنِّي اَكنِّيو يسْريّح أَربِّـي نّغ إِي ذِي يدْجَا مَارَّا اَرْضَا ذ نتَّا إِي ذَاوم د يڒَاغَان غَار لْعَظَمَا نّس وَار يفنِّين شَا ذِي لْمَسِيح. أَكنِّيو يسْبدّ، أَكنِّيو يسجْهذ، أَكنِّيو يݣّ خ دْسَاس.

أيث-فيليـپـي 4:1

إِذن آي أَيثْمَا إِي خَافِي يعِيزّن إِي تْوحَّاشغ إِݣ يدْجَان ذ ڒفْرَاحث ينُو ذ تَّاج ينُو، أَمنِّي لَابُد يتْخصَّا اَذ تقِّيمم ثْبدّم ذِي سِيذِيثْنغ آي يمْعِيزّن ينُو.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

1 أيث-كورينث 15:58

س مَانَايَا آي أَيثْمَا يمْعِيزّن ينُو، بدّث نِيشَان مَاشِي اَكنِّيو سنْهزّن. ݣّث لْمجْهُوْد نْوم ڒبْدَا ذِي ڒْخذْمث ن سِيذِيثْنغ، قَا ثسّْنم بلِّي ڒْخذْمث نْوم ذِي سِيذِيثْنغ مَاشِي ذ ڒْبَاطڒ.

يوحنا 15:7

مڒَا ثقِّيمم ذَايي ثݣِّيم زݣ وَاوَاڒ ينُو، أَتَاف مِين مَا ثتَّارم اَغَارْوم يِيڒِي.

يوحنا 15:4

قِّيمث ذَايِي، نش اَذ قِّيمغ ذَايْوم. أَمشْنَاو اَكشُّوْض نِّي وَار يزمَّر اَذ يَارو يزكُّوْنن زݣ يِيخف نّس إِلَّا مڒَا يقِّيم ذِي ثْزَايَارْث، ؤُڒَا ذ كنِّيو وَار ثْزمَّرم شَا إِلَّا مڒَا ثقِّيمم ذَايِي.

أيث-ݣلاطيا 5:1

غَار لْحُرِّيَا يضْڒق-اَنغ-د لْمَسِيح بَاش أَ نِيڒِي حُرّ ذ صَّح. بدّث نِيشَان بَعْدَا، وَار تجَّاث شَا اَخَاوم يبسّڒ عَاوذ يجّن ن دْقڒ ن ثْزَايْڒُوْت ن يسمْغَان.

يوحنا 8:31

ينَّا-ٱسن عِيْسَى إِ يسْرَائِيلِيْن يِنِّي زَّايس يُوْمْنن: "مڒَا ثقِّيمم ذݣ وَاوَاڒ ينُو، أَذ تِيڒِيم ذ صَّح ذ يمحْضَارن ينُو.

1 أيث-سلونيك 3:7

خ مَانَايَا آي أَيثْمَا، نشِّين نتْوَاشجّع س لْإِيمَان نْوم وَاخَّا اَقَانغ ذَانِيتَا ذِي ڒمْحَاين ذ يِج وزيَّار.