1 يوحنا 5:7 - ثريفيث 2020

^7-8 أَقَا ذِنِّي ثْڒَاثَا إِݣ يشهّْذن، ثْڒَاثَا-يَا ذ أَرُّوْح ذ وَامَان ذ يذَامّن. ثْڒَاثَا-يَا ذ يجّن.

1 يوحنا 5:7 Referans Kwoze

أَسڒْمذ ن سِيذِيثْنغ عِيْسَى لْكِتَاب ن مَتَّى 28:19

إِيوَا رُوْحث غَار يِوْذَان ن مَارَّا ڒݣْنُوْس، أَرّم-ثن ذ يمحْضَارن ينُو. طهَّارم-ثن س وَامَان س يِيسم ن بَابَا ذ مِّيس ذ أَرُّوْح يقدّْسن.

22 أيث-كورينث 13:14

أَرْضَا ن سِيذِيثْنغ عِيْسَى لْمَسِيح ذ ڒمْحِبّث ن أَربِّـي ذ ومْعَشَار ن أَرُّوْح يقدّْسن اَكِذْوم يِيڒِي مَارَّا. آمِين.

ڒخذايم 5:32

خ ثْمسْڒَايِين-أَ نْشهّذ خَاسنْت نشِّين ذ أَرُّوْح يقدّْسن، أَرُّوْح-أَ يُوْشِي-ث أَربِّـي إِ يِنِّي ذَاس يتْطَاعَان."

يوحنا 1:1

ذݣ ومزْوَارُو يدْجَا وَاوَاڒ. أَوَاڒ نِّي يدْجَا اَك أَربِّـي. أَوَاڒ نِّي ذ نتَّا إِݣ يدْجَان ذ أَربِّـي.

ڒخذايم 2:33

وَامِي يتْوَارْفع غَار وفُوْسِي ن أَربِّـي، ئِيْسِي زِي بَابَاس أَرُّوْح يقدّْسن إِي زِي ث يوْعذ، ئِسْفَرغ-د عِيسَى مَانَايَا إي تْوَاڒَام ڒخُّو ذ مَانَايَا إي ثسْڒَام.

1 يوحنا 5:6

عِيْسَى لْمَسِيح ذ وَانِيتَا إِي د يُوْسِين س وَامَان ذ يذَامّن. نتَّا مَاشِي يُوْسَا-د س وَامَان وَاهَا، يُوْسَا-د س وَامَان ذ يذَامّن. ونِّي يشهّْذن نتَّا ذ أَرُّوْح يقدّْسن مِينْزِي أَرُّوْح-أَ نتَّا ذ لْحَقِيقَا.

يوحنا 8:54

ينَّا-ٱسن عِيْسَى: "نش مڒَا سمْغَارغ يخف ينُو، أَتَاف لْعَظَمَا ينُو وَار ثدْجِي ذ وَالُو. ذ بَابَا إِي ذَايِي يسمْغَارن، ذ ونِّي إِي ثقَّارم قَا ذ أَربِّـي نّغ.

أَسڒْمذ ن سِيذِيثْنغ عِيْسَى لْكِتَاب ن مَتَّى 17:5

عَاذ يسَّاوَاڒ بُطْرُس يهْوَا-د خَاسن يِجّن ن وسيْنُو يتْسقْسِيق. ثنْدق-د يجّن ن ثْمِيجَّا زݣ وسيْنُو نِّي ثنَّا-ٱسن: "قَا ذ وَانِيتَا ذ مِّي يعِيزّن، نش فَرْحغ زَّايس. صنّْطث غَارس."

يوحنا 10:30

نش ذ بَابَا ذ يجّن."

يوحنا 5:26

أَم بَابَاس غَارس ثُوْذَارْث ذݣ يِيخف نّس، أَمُّو إِي ذَاس يُوْشَا إِ مِّيس اَغَارس ثِيڒِي ثُوْذَارْث ذݣ يِيخف نّس.

لواحي ن يوحنا 19:13

ئِݣَّا خَاس يجّن ن تْشَامِّير يغضْسن ذݣ يذَامّن، س يِيْسم تْڒَاغَان-اَس أَوَاڒ ن أَربِّـي.

يوحنا 12:28

آ بَابَا، سمْغَار يسم نّش." أُوْشَا يُوْسَا-د يجّن ن صُّوْت زݣ وجنَّا ينَّا، سمْغَارغ-ث، أَث سمْغَارغ عَاوذ.

يوحنا 8:18

نش شهّْذغ خ يِيخف ينُو، أُو عَاوذ بَابَا إِي ذَايِي د يسّكّن يشهّذ خَافِي."

أَسڒْمذ ن سِيذِيثْنغ عِيْسَى لْكِتَاب ن مَتَّى 18:16

وَلَكِن مڒَا يُوْݣِي اَغَارك يصنّط، أَوِي اَكِذش يجّن نِغ ثْنَاين حمَا اَتَاف لْغَالط نّس سّْنن-ث ثْنَاين نِغ ثْڒَاثَا ن ڒشْهُوْذ.

1 يوحنا 1:1

مِين تُوْغَا ذِنِّي زݣ ومزْوَارُو، نتْسْڒَا-يَاس نࢲّر-يث س ثِيطَّاوِين نّغ، نخزَّر ذَايس نتْحَاذَا-ث س يفَاسّن نّغ يعْنِي ذ اَوَاڒ ن ثُوْذَارْث.

يوحنا 14:17

لْمُعَاوِن نتَّا ذ أَرُّوح ن لْحَقِيقَا. وَار ثْزمَّر دُّنشْت اَث تقْبڒ، مِينْزِي نتَّاث وَار ث تْوِيڒِي شَا وَار ث ثسِّين شَا. وَلَكِن كنِّيو ثسّْنم-ث مِينْزِي يقِّيم اَكِذْوم أُو اَذ يِيڒِي ذَايوم.

يوحنا 15:26

أَذ د يَاس لْمُعَاوِن يعْنِي أَرُّوْح ن لْحَقِيقَا. أَذَاوم ثِيذ سّكّغ نش زِي بَابَا أُو نتَّا يفّغ-د زِي بَابَا. خْمِي د غَا يَاس، أَخَافِي يشْهذ.