1 يوحنا 4:21 - ثريفيث 2020

²¹ إِيوَا اَقَا ڒُوْصِيّث إِي ذَانغ يجَّا لْمَسِيح يعْنِي ونِّي يتخْسن أَربِّـي يتْخصَّا-ث اَذ يخس ؤُڒَا ذ ؤُمَاس.

1 يوحنا 4:21 Referans Kwoze

1 يوحنا 3:11

ذ وَا ذ اَوَاڒ إِي تسْڒَام زݣ ومزْوَارُو يعْنِي يتْخصَّا وَا لَابُد أَ نْتخْس اَيَاوْيَا.

1 أيث-سلونيك 4:9

ڒخُّو عْلَاحْسَاب ڒمْحِبّث جَارَاوم وَار نْتحْذِيجِي شَا عَاذ اَذَاوم نَارِي، مَايمِّي؟ مِينْزِي يسڒْمذ-يكنِّيو أَربِّـي س يِيخف نّس اَذ تخْسم اَيَاوْيَا.

1 بطرس 3:8

لْمُهِيم، ئِتْخصَّا-كنِّيو مَارَّا إِذْوم ڒَعْقُوْڒَاث نْوم اَذ يڒِين ذ يجّن، أَذ تسْحِيسّم اَك وَايَاوْيَا، أَغَارْوم ثِيڒِي يِجّن ن ڒمْحِبّث ن وَاوْمَاثن، أَذ تْحِينّم ذݣ وَايَاوْيَا، وَار ذَايْوم يتِيڒِي بُو تَّكبُّر.

أيث-ݣلاطيا 5:14

أَقَا مَارَّا ڒُوْصِيَاث ن شَّرِيعَا ن مُوْسَى مُوْننْت-يد ذَانِيتَا: <أَذ تخْسذ اَجَّار نّش اَمشْنَاو يخف نّش.>

يوحنا 15:12

ڒُوْصِيّث ينُو ذ ثَانِيتَا: <حِبّث اَيَاوْيَا مَامّش كنِّيو تْحِبِّيغ نش.>

1 يوحنا 3:23

أَقَا ثَانِيتَا ذ ڒُوْصِيّث نّس أَ نَامن زݣ يِيْسم ن مِّيس عِيْسَى لْمَسِيح، أَ نْتخْس اَيَاوْيَا اَم مَامّش إِي ذَانغ د يوصَّا نتَّا.

1 يوحنا 3:14

نشِّين نسّن بلِّي نࢲْوَا زِي ڒْموْث غَار ثُوْذَارْث ڒَاحقَّاش نْتخْس أَيثْمَاثْنغ. ونِّي وَار يتخْسن شَا عَاذ اَقَاث يتْعِيش ذِي ڒْموْث.

1 بطرس 4:8

مِين يدْجَان مُهِم قَاع؟ ئِتْخصَّا اَذ تْحِبّم اَيَاوْيَا زݣ وُوْڒ مِينْزِي ڒمْحِبّث ثْقطَّا خ وَاطَّاس ن دُّنُوْب.

لوقا 10:37

ينَّا-ٱس ونِّي يتْشرَّاحن شَّرِيعَا قَا ذ اَثَرَّاس نِّي إِي ذَايس يݣِّين ڒْخِير." ينَّا-ٱس عِيْسَى: "رُوْح، اݣّ مَانَاينِّي ؤُڒَا ذ شك."

1 يوحنا 4:11

آي يمْعِيزّن ينُو، مڒَا اَنشْتُوْيَا إِي ذَانغ يخس أَربِّـي، ئِتْخصَّا ؤُڒَا ذ نشِّين أَ نخْس اَيَاوْيَا.

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

1 يوحنا 3:18

آ يحنْجِيرن، مَاشِي أَ نْتخْس بْنَاذم س وَاوَاڒن ذ يِيڒس وَاهَا؛ لَّا، ئِتْخصَّا اَث نخْس س ڒخْذَايم ذ ڒْحَقّ.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:43

أَقَا ثسْڒِيم ذِي لْكِتَاب مِين يتْوَانَّان ذݣ يِجّن ن زْمَان: أَذ تخْسذ اَجَّار نّش، أَذ تْعِيفّذ ڒَعْذُو نّش.

1 يوحنا 2:7

آي يمْعِيزّن ينُو، وَار ذَاوم د تَارِيغ شَا يجّن ن ڒُوْصِيّث ذ جْذِيذ؛ لَّا، نتَّاث ذ يجّن ن ڒُوْصِيّث ذ ثَقْذِينْت تُوْغَا ثدْجَا غَارْوم زݣ ومزْوَارُو. ڒُوْصِيّث-أَ ثَقْذِينْت نتَّاث ذ اَوَاڒ نِّي إِي تُوْغَا ثسْڒِيم.