1 يوحنا 3:24 - ثريفيث 2020

²⁴ ونِّي إِݣ يسْخدَّامن ڒُوْصِيَاث نّس اَتَاف اَذ يعِيش ذِي أَربِّـي، أَربِّـي يزدّغ ذَايس. مَامّش غَا نݣّ نشِّين أَ نسّن بلِّي يزدّغ ذَايْنغ؟ نسّن-يث س أَرُّوْح نِّي إِي ذَانغ د يُوْشَا.

1 يوحنا 3:24 Referans Kwoze

1 أيث-كورينث 3:16

مَا وَار ثسِّينم شَا بلِّي ذ كنِّيو إِي يدْجَان ذ ثَمْزِيذَا ن أَربِّـي، يزدّغ ذَايْوم اَرُّوْح ن أَربِّـي؟

2 تيموتاوس 1:14

حْضَا ثَمسْڒَايْث نِّي إِي ذَاش يجَّا ذ لْأَمَانَا، حْضَا-ت س أَرُّوْح يقدّْسن إِي ذَايْنغ يزدّْغن.

1 يوحنا 2:6

يعْنِي ونِّي إِي غَا ينِين قَا نش زدّْغغ ذَايس يتْخصَّا-يَاس أُو لَابُد اَذ يݣُّوْر ذݣ وبْرِيذ نِيْشَان اَم ونِّي إِي ذِي تُوْغَا يݣُّوْر عِيْسَى.

1 أيث-كورينث 6:19

نِغ مَا وَار ثسِّينم دَّات نْوم نتَّاث ذ ثَمْزِيذَا ن اَرُّوْح يقدّْسن إِݣ يزدّْغن ذَايْوم؟ إِيوَا غَارْوم اَرُّوْح-أَ زِي أَربِّـي. كنِّيو وَار تْرَايِيم شَا خ يِيخف نْوم

1 يوحنا 4:7

آي يمْعِيزّن ينُو، أُو لَّابُد أَ نْتخْس اَيَوْيَا ڒَاحقَّاش ڒمْحِبّث تكَّا-د زِي أَربِّـي. ونِّي يتخْسن نتَّا يخْڒق-د زِي أَربِّـي يسّن أَربِّـي.

يوحنا 17:21

حمَا اَذ يڒِين مَارَّا ذ يجّن آ بَابَا، أَم شك اَقَاش ذَايِي نش اَقَايِي ذَايك. حمَا اَذ يڒِين نِثْنِي عَاوذ ذ يجّن ذَايْنغ. حمَا اَذ اَمْنن يِوْذَان قَا ذ شك إِي ذَايِي د يسّكّن.

1 يوحنا 3:22

أَتَاف اَزَّايس نقْبڒ مَارَّا مِين ذَاس غَا نتَّار نشِّين ڒَاحقَّاش نتْطَاعَا ڒُوْصِيَاث نّس نْتݣّ مِينْخف يرطَّا نتَّا.

22 أيث-كورينث 6:16

مِين ثْشَرّش ثمْزِيذَا ثَمقّْرَانْت ن أَربِّـي اَك لْأَصْنَام؟ وَالُو. شُوْف، نشِّين إِي يدْجَان ذ ثَمْزِيذَا ن أَربِّـي يدَّرن. أَمنِّي يقَّار أَربِّـي: <نش اَذ زذْغغ اَكِذْسن اَذ ؤُيُوْرغ جَارَاسن، أَذ يڒِيغ ذ أَربِّـي نْسن، نِثْنِي اَذ يڒِين ذ شَّعْب ينُو.

يوحنا 10:38

مڒَا خذْمغ-ثنْت، أَمْنث زِي ڒخْذَايم نِّي وَاخَّا وَار زَّايِي ثُوْمِينم. أَمُّو اَذ تسّْنم قَا بَابَا اَقَاث ذَايِي، نش اَقَايِي ذِي بَابَا."

يوحنا 14:17

لْمُعَاوِن نتَّا ذ أَرُّوح ن لْحَقِيقَا. وَار ثْزمَّر دُّنشْت اَث تقْبڒ، مِينْزِي نتَّاث وَار ث تْوِيڒِي شَا وَار ث ثسِّين شَا. وَلَكِن كنِّيو ثسّْنم-ث مِينْزِي يقِّيم اَكِذْوم أُو اَذ يِيڒِي ذَايوم.

1 أيث-سلونيك 4:8

فَلِيهَذَا ونِّي يتَاݣِين اَذ يذْفَار ڒُوْصِيّث-أَ ثَانِيتَان اَتَاف مَاشِي يتَاݣِي إِ بْنَاذم، ئِتَاݣِي إِ أَربِّـي ونِّي إِي ذَاوم د يتِيشّن أَرُّوْح نّس يقدّْسن.

1 يوحنا 2:3

مَامّش غَا نݣّ نشِّين أَ نفْهم بلِّي نسّن-يث؟ قَا ث نسّن مڒَا نتْطَاعَا-ٱسنْت إِ ڒُوْصِيَاث نّس.

1 يوحنا 2:5

وَلَكِن ونِّي إِݣ يتْطَاعَان إِ وَاوَاڒ نّس، أَقَا وَانِيتَا ذ صَّح ثجِّيون زَّايس ڒمْحِبّث ن أَربِّـي. مَامّش غَا نݣّ نشِّين أَ نسّن إِلَّا نْزدّغ ذَايس؟

1 يوحنا 2:24

إِيوَا اَرّم-د ڒْبَاڒ نْوم بَاش اَذَايْوم يقِّيم مِين ثسْڒِيم زݣ ومزْوَارُو. مڒَا يقِّيم ذَايْوم اَوَاڒ نِّي إِي ثسْڒِيم زݣ ومزْوَارُو، أَتَاف ؤُڒَا ذ كنِّيو اَذ تقِّيمم ذِي مِّيس اَك أَربِّـي بَابَاس.