1 يوحنا 2:27 - ثريفيث 2020

²⁷ كنِّيو، دّهْنث نِّي إِي زَّايس ثْقبْڒم عَاذ اَقَات ذَايْوم. كنِّيو وَار ثحْذِيجم حَدّ اَكنِّيو يسڒْمذ، أَقَا دّهْنث نّس ثْسڒْمَاذ-اَوم مَارَّا ثِمسْڒَايِين. نتَّاث ذ صَّح مَاشِي ذ اَخَرِّيق. إِيوَا مَامّش إِي كنِّيو ثْسڒْمَاذ دّهْنث-أَ، أَمنِّي يتْخصَّا اَذَايس ثْعِيشم ذِي نتَّا.

1 يوحنا 2:27 Referans Kwoze

يوحنا 14:26

لْمُعَاوِن نِّي نتَّا ذ أَرُّوْح يقدّْسن، أَثِيذ يسّكّ بَابَا عْلَاحْسَاب يسم ينُو اَذَاوم يسڒْمذ كُڒْشِي اَكنِّيو يسْفكَّر مَارَّا مِين ذَاوم نِّيغ.

1 أيث-كورينث 2:13

نسَّاوَاض مَانَايَا س وَاوَاڒن إِي وَار ثن ثْسڒْمِيذ شَا ڒفْهَامث ن بْنَاذم؛ لَّا، نسَّاوَاض-يث س وَاوَاڒن إِݣ يسڒْمَاذ اَرُّوْح ن أَربِّـي. أَوَاڒن-أَ تْشَرَّاحن لْحَقِيقَاث رُوْحِيَاث إِ يِنِّي ؤُمِي غَار يدْجَا اَرُّوْح ن أَربِّـي.

يوحنا 16:13

خْمِي د غَا يَاس أَرُّوْح ن لْحَقِيقَا، أَتَاف اَذَاوم د يسْبيّن لْحَقِيقَا ثكْمَاڒ. أَقَا نتَّا وَار يسِّيوِيڒ شَا زݣ يِيخف نّس، يسَّاوَاڒ إِلَّا زِي مِين ذَاس غَا يِينِي أَربِّـي. أَذَاوم يخبَّر ذِي ثْمسْڒَايِين إِي د غَا يَاسن.

1 أيث-سلونيك 2:13

نشِّين نتْشكَّر أَربِّـي خَاوم بْڒَا مَا ٱ نْبدّ وَامِي ثْقبْڒم اَوَاڒ نّس إِي ذَاوم د نْسِيْوض. ثْقبْڒم-ث مَاشِي اَم وَاوَاڒ ن يِوْذَان، ثْقبْڒم-ث اَم وَاوَاڒ ن أَربِّـي نِيشَان. ئِخدّم وَاوَاڒ-أَ عَاوذ ذَايْوم كنِّيو إِي يُوْمْنن.

2 يوحنا 1:2

مَانَايَا عْلَاحْسَاب لْحَقِيقَا إِݣ يزدّْغن ذَايْنغ اَذ تِيڒِي اَكِذْنغ إِ ڒبْدَا.

1 يوحنا 3:24

ونِّي إِݣ يسْخدَّامن ڒُوْصِيَاث نّس اَتَاف اَذ يعِيش ذِي أَربِّـي، أَربِّـي يزدّغ ذَايس. مَامّش غَا نݣّ نشِّين أَ نسّن بلِّي يزدّغ ذَايْنغ؟ نسّن-يث س أَرُّوْح نِّي إِي ذَانغ د يُوْشَا.

1 يوحنا 2:28

آ يحنْجِيرن، ڒخُّو عِيشث ذَايس حمَا اَغَارْنغ ثِيڒِي يجّن ن تِّقث وَار زَّايس نَروّڒ شَا س وسذْحِي خْمِي د غَا يَاس اَذَانغ د يمظْهَار.

1 بطرس 1:23

أَقَا تْوَاخڒْقم-د ذ جْذِيذ مَاشِي زݣ يِجّن ن زَّرِّيعث يفنَّان؛ لَّا، ثنِّي وَار يفنِّين شَا عمَّارْص، س وَاوَاڒ ن أَربِّـي يدَّرن يتْدُوْمَّان.

أيث-كولوس 2:6

إِذن، مَامّش ثْقبْڒم عِيْسَى لْمَسِيح اَمنِّي إِي غَا ثْعِيشم.

يوحنا 14:17

لْمُعَاوِن نتَّا ذ أَرُّوح ن لْحَقِيقَا. وَار ثْزمَّر دُّنشْت اَث تقْبڒ، مِينْزِي نتَّاث وَار ث تْوِيڒِي شَا وَار ث ثسِّين شَا. وَلَكِن كنِّيو ثسّْنم-ث مِينْزِي يقِّيم اَكِذْوم أُو اَذ يِيڒِي ذَايوم.

أيث-ؤفسوس 4:21

وَاه، ثْڒمْذم خ عِيْسَى لْحَقِيقَا إِي يدْجَان ذَايس يعْنِي مڒَا ثسْڒَام خَاس نِيشَان.

يوحنا 4:14

وَلَكِن ونِّي غَا يسْون اَمَان إِي ذَاس غَا ؤُشغ نش اَتَاف وَار يتْفِيذِي شَا عمَّارْص. أَمَان إِي ذَاس غَا ؤُشغ نش اَذ ذوْڒن ذَايس اَمشْنَاو يجّن ن ڒْعُنْصَر اَزَّايس ثسْفِي ثُوْذَارْث ن ڒبْدَا."

1 تيموتاوس 2:7

خ مَانَاينِّي إِي تْوَاخْضَرغ نش بَاش اَذ حدّْثغ اَذ يڒِيغ ذ اَرَّسُوْل اَذ يڒِيغ ذ اَمْسڒْمَاذ عْلَاحْسَاب لْإِيمَان ذ ڒْحَقّ جَار يِنِّي وَار يدْجِين شَا زِّي أَيث-إِسْرَائِيل. قَّارغ لْمَعْقُوْل مَاشِي ذ يخَرِّيقن.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:11

ئِنْدق-د عِيْسَى ينَّا-ٱسن: "ئِتْوَاسْمح إِ كنِّيو اَذ تسّْنم مِين ينُوْفَّارن ذِي ڒْمُلْك وجنَّا. وَلَكِن نِثْنِي لَّا، وَار ذَاسن يتْوَاسْمح شَا.

يوحنا 6:45

أَمُّو إِي يُوْرَا يجّن زِي لْأَنْبِيَا: <مَارَّا اَذ ڒمْذن زِي أَربِّـي.> مَارَّا ؤُو إِي س يسْڒِين إِ بَابَا اَذ يڒْمذ زَّايس اَتَاف اَغَارِي د يَاس.

يوحنا 14:16

نش اَذ تَّارغ إِ بَابَا حمَا اَذَاوم يُوْش لْمُعَاوِن نّغْنِي حمَا اَكِذْوم يتِيڒِي إِ ڒبْدَا.

1 أيث-كورينث 2:12

وَار ذَانغ د يُوْشِي شَا اَرُّوْح ن دُّنشْت-أَ، يُوْشَا-ٱنغ-د اَرُّوْح إِي د يُوْسِين زِي أَربِّـي حمَا أَ نفْهم ثِمسْڒَايِين نِّي إِي ذَانغ د يُوْشَا أَربِّـي بَاطڒ.

22 أيث-كورينث 1:21

أَربِّـي نتَّا إِي ذَانغ يسْبدّن مْلِيح اَكِذْوم ذِي لْمَسِيح. ئِخْضَر-اَنغ يضْبع-اَنغ س طَّبَاع نّس يُوْشَا-ٱنغ أَرُّوْح نّس يݣِّي-ث ذݣ وُوْڒَاون نّغ اَم يجّن ن تّسْبِق.

1 أيث-سلونيك 4:9

ڒخُّو عْلَاحْسَاب ڒمْحِبّث جَارَاوم وَار نْتحْذِيجِي شَا عَاذ اَذَاوم نَارِي، مَايمِّي؟ مِينْزِي يسڒْمذ-يكنِّيو أَربِّـي س يِيخف نّس اَذ تخْسم اَيَاوْيَا.